The Right Place (舊墟直街) (Closed)

見呢度咁多好評，專誠訂位同朋友慶生。坐位唔算太多，同有點迫，好彩我哋早就可以揀位坐。朋友話叫 2 個 set dinner, 揀咗個烤羊扒同泰式蕉葉肉碎烤原條鮮魚，照計西餐廳應該羊扒會煮得好過泰式魚，但呢度相反。 。 。羊扒我哋要 7 成熟，但羊扒無乜味，一啲羊膻味都無，薯條又有啲淋身，有點兒失望!反而條泰式烤魚好有驚喜，魚好滑，加埋泰式汁加啲白飯好正，但白飯有點硬身，所以 2 個人都係食咗半碟。set dinner 有蒜蓉包同椰菜花忌廉湯，包上檯仲熱熱地，抵讚，但個湯唔夠椰菜花味，淡咗啲。跟餐叫啤酒有特價，朋友叫咗杯英國啤，話好香好有麥味，我就叫咗杯 TP Sling，有點苦澀味。檯角有個 QR，download join member 有 2 張 $50 coupon 送。見其他客人叫咗豬手，好似好正咁，下次有機會可以試吓。

個日6點鐘就黎到，好彩朋友有打去book位咋　店員安排左我地坐bar枱附近,都幾大風　我地點左個set dinner，pizza，龍蝦湯同杯cocktail&mocktail呢到d cocktail，mocktail 好特別，搞到我想每杯都叫黎試下　呢杯吉蒂醫生由三隻果汁溝成，好甜架。搞到我想溝水朋友叫左杯好苦哪cocktail ,唔係我杯茶哈哈跟餐嘅椰菜湯係我最滿意呢個雞肉卷唔太話好食，肉質比較鬆，唔推介　Pizza我地差點食唔哂，啲配料啖啖都食到　呢間我會再黎食～啲cocktail同mocktail 實在太特別了，打卡呃like一流　

趁呢日去大埔做嘢，相約住响附近嘅閨密C聚聚，幾個閨密夾咗好耐都未夾到，擇日不如撞日，一於搵埋另外兩個閨密一齊啦，難得佢哋又唔介意收工入嚟，終於齊曬腳喇。閨密C係大埔地膽，揀咗前身係酒吧嘅 The Right Place，話佢啲野好食，好適合聚會傾謁，位置又方便，响明星側邊行入去就見到。坐响窗邊睇住外面，由毛毛細雨變成傾盆大雨，好悠閒又寫意，視野同感覺都好正。蟹肉木瓜香芒藜麥沙律新鮮沙律菜夾埋蟹肉、藜麥、芒果粒、木瓜粒，口感複雜，味道酸酸甜甜，好開胃，感覺又健康香煎鵝肝多士伴無花果鵝肝肥美，煎得外脆內軟，入口即溶，口感柔滑，加一片甜中帶酸嘅無花果，夾埋香脆多士...好夾、好味又唔膩閨密J高呼好好味啊魷魚、西班牙辣肉腸、燒南瓜、法邊豆、鹹蛋黃、意大利飯伴輕煎北海道鮮帶子好長好長嘅名字，已經睇晒有咩食材响裡面，淨係記得帶子好正！啲飯又香又滑，好味！又有正宗意大利飯嘅口感海鹽烤焗原條去骨盲鰽呢個魚值得推介魚上面個件係混咗蛋白嘅粗鹽，唔好攞嚟食呀！盲鰽原條去骨，魚肚內放入蔥頭、辣椒、黑椒等，魚面放鹽焗熟，大部分都係啖啖肉，嫩滑無骨，完全無腥味，鮮甜味美近魚鰓位還有幾條小骨，要小心。低溫慢煮燒法國

我與男朋友一齊去大埔的這間訂了位的西餐廳酒吧。好多客人的餐廳，相信口碑不錯！雖然地方唔算好大，但是環境好好，氣氛唔錯又浪漫！我們點了一個set dinner 包餐湯及餐包餐湯：好濃郁又番茄湯，濃濃番茄蓉；配上蒜蓉麵包，脆口香口野味，點上餐湯賣相好靚呀！份量好好！烤西班牙的黑毛豬扒配砵酒洋蔥燒汁黑毛豬扒好有口感，好香好有肉味！油份剛好；好軟腍的肉，配上豆子好爽口、配翠肉瓜、黃瓜，豬肉好厚身，好易切！配上砵酒洋蔥燒汁！北海道鮮帶子半車厘茄芥蘭苗香辣蒜片鮑包汁扁意粉好靚呀！好香喔！賣相好！帶子好軟軟的口感；剛剛熟的質感好好；大大粒,鮮味十足扁意粉好香，配上香辣醬汁及蒜片，好野味又份量剛好飲品：Mocktail (Mango tannin)芒果果汁配上烏龍茶，微微甜甜的味道,配上下面帶有口感的啫哩，好涼快又滿足(Flower Fizz)好靚！有紫色花作伴，這杯是soda配上一種木犀植物及下面口感特別的啫哩，唔太甜服務唔錯，有禮又快手；bar tender用心調配出特色飲品，好有藝術感