i CREMERiA Café (Closed)

成日黎朗豪坊，經過左呢間野野好多次，見到個香橙朱古力雪糕個樣好正咁，但驚見$50一杯，真係有少少令人卻步，因為真係好貴呀😱😱😱😱適逢友人俾左張icremeria既$50現金券我，就去試試啦！拿拿拿，個外貌黎講無得彈啦，有片香橙乾加橙醬，好高檔架！食落就......朱古力味好夠既，但香橙味就........無乜囉！除左頭幾啖有啲橙醬同橙乾勉勉強強可以叫有橙味之外，同食緊個朱古力雪糕無咩分別，可能係我期望過高佢個雪糕底會有啲橙味啦，定我食唔出有先？總之我就食唔出啦😂😂😂如果目的係食朱古力雪糕都叫ok既，但如果想食橙味朱古力雪糕既你就算喇....唔好太大期望而且價錢真係一個大大的障礙呀....

通常嚟哩度都係食雪糕，今日下晝試完個新口雪糕味夜晚又兜番嚟朗豪坊，見夜晚氣氛唔錯就試埋個dinner set~剛啱有個窗口位，可以享受下熱鬧商場中一角嘅寧靜，背境放住輕輕嘅音樂，喺cafe 食嘢都有餐廳feel~set方面選擇唔多，味道算唔錯~香橙朱古力雪糕 - 哩間雪糕不嬲都優質(薰衣草味個人就難以接受), 今次哩個香橙朱古力都幾好味，朱古力雪糕唔會太甜，偏向奶味，淋上橙味糖漿味道唔假亦幾夾，唔錯~沙律 - 沙律菜好fresh, 個汁微酸醒胃，仲有啲石榴籽正呀~和風煙三文魚意大利麵 - 話煙三文魚，其實都煮到熟晒，白汁夠味，仲有幾條波菜，味道討好；嗰片包包有芝士粒粒添~即磨咖啡 - 味淡偏苦反而啱口味~茄湯 - 好好味，濃濃的有蕃茄鮮甜味~特式忌廉蘑菇豬肉腸長通粉 - 豬肉腸幾濃味，個汁都稍稍偏咸，扣少少分熱朱古力 - 味都係偏淡後記 - 氣氛，價錢，味道各樣加埋可以俾個好評~