地茂館甜品

Open Now

Now Closed

星期五晚食完晚飯唔夠喉，想去食糖水😆嚟到九龍城諗住去食吓啲傳統糖水，點知門外大排長龍🫨不過好彩都唔洗等好耐就入得😝🥭芒果椰青凍小丸子 ($33)多料到滿瀉🤩有小丸子、西米同椰青凍，椰青凍好清甜，又爽彈😋但當同芒果汁一齊食就被甜甜嘅芒果味蓋過咗😂☕️香滑芝麻糊 ($26)好濃稠嘅芝麻糊🤭有別於平時好稀嘅芝麻糊，偏傑身😆食落係好濃好濃嘅芝麻味，好似芝麻醬咁濃😲🍡軟滑糖不甩 ($21)粒粒圓轆轆又極有光澤嘅糖不甩真係好吸引😍粉團夠哂煙靭，沾上花生碎糖後甜絲絲🥰

在九龍城用餐後 希望可以再有糖水可以作為聚會的完美句號 見到地茂館不用大排長龍 就決定呢一間 地茂館甜品始創於1990年 主打以真材實料製作港式糖水 是一間有歷史的老字號 芒果西米小丸子$32芒果香甜 小丸子煙靭有咬口 不會太軟 煮得啱啱好 芒果汁濃郁 是開心令人滿足的配搭 香甜又有不同的口感蛋白燉鮮奶 $28由簡單的材料組成的美味 口感嫩滑 甜度適中 可以食到奶香同蛋白香氣 美中不足的是當天蛋白燉鮮奶有蒸過龍的問題 最上層有燒焦味味道 雖然顏色上沒有明顯分別 但食落燒焦味比較明顯 令味道大打折扣 希望只是個別批次問題香滑芝麻糊 $26芝麻糊質地幼滑 芝麻香氣香濃 不會過甜 是養生美顏的不二之選價錢同味道沒有令人挑剔的地方 如果附近有分店 不妨試一試 

九龍城熟悉甜甜嘅味道🍧地茂館甜品@teimoukoon 【寧可棄正餐，不可棄甜食】今次要介紹嘅係九龍城街坊必定去過嘅地茂館甜品😋同時亦都有好多非街坊專門嚟九龍城食👍🏻成日都排長龍㗎！所以我基本上都買係外賣返屋企食算😙因為次次拎到返屋企都仲係出煙咁熱㗎♨️晚市時間🍽人均：$30🕰時間：8-9pm開始會有人龍排隊，上甜品速度快，因此等候時間15分鐘左右❤️🥣桃膠蛋白杏仁茶 （熱）$38大推👍🏻上次食招牌蛋白杏仁茶，桃膠其實都係多$2，但原來都真係好正！我最鍾意佢雖然係糖水，但唔會太甜，有種食甜嘢冇咗邪惡嘅感覺🫢🥣香滑芝麻糊 （熱） $26推薦熱食，芝麻味勁！濃！個糊真心一啲都唔水唔流。比較坊間嗰啲又淡又水，依個係我唯一會食嘅芝麻糊😊🥭芒果仙草小丸子 （凍）$32平時好少食芒果甜品，因為成日覺得出面啲芒果甜都係糖醬嘅甜。但依個真係我完全接受到嘅天然甜感覺👍🏻爽甜！Bible rating: 8.5/10📍地址：地茂館甜品 九龍城福佬村道47號地舖

🇭🇰 地茂館甜品·呢間我好耐之前已經食過一次㗎啦 今次再黎好似冇我記憶中咁好食咁🤭🤭·香滑芝麻糊$25 l 芝麻j湯圓+$7呢間之前一路都見好多人推介咁 所以就買咗一碗嚟試吓😎佢係真係超香 而且個調味岩岩好 不過我就覺得佢個質地有啲太杰身 所以食落會比較漿口🤔🙊🙊之後佢粒芝麻湯圓個餡好好食 芝麻味好濃 不過就細粒少少🤣🤣·📍九龍城福佬村道47號地舖)

平日九點食糖水，竟然爆晒，堂食又有，外賣又有，外賣仲要唔洗加錢，估唔到淨係賣中式糖水都咁受歡迎。*豆花合桃露 (熱) $26豆花滑，但豆味差好多。反而合桃露好出色，濃郁+香味十足嘅合桃味，質感順滑濃厚。下次我會單獨叫碗補腎合桃露。糖不甩 $19湯圓本身煙韌，但佢過腍，我唔太鍾意佢嘅質感。花生碎偏甜，份量少，唔夠所有糖不甩撈埋一齊食。香滑芝麻糊 (熱) 生磨 $25芝麻糊又滑又厚身，少少張口，杰到面頭有層薄衣。唔好甜唔重口味嘅我竟然覺得佢唔夠甜，芝麻香味又淡，可能黑芝麻原材料出事，或者係炒芝麻火候未到，所以芝麻味聞落食落都差啲。蛋白燉鮮奶 (熱) $27燉鮮奶質地滑身軟身，蛋白冇蛋腥味，奶味香濃。份量滿晒夠一碗，不過我自己覺得甜咗啲，要知道本身奶已經有奶甜味。

🔥久仰地茂館甜品大名已久，終於黎到一嘗其甜品水準🤭🔥香滑芝麻糊 $24🔥色澤烏黑，香氣撲鼻，糊質竭身，入口濃郁芝麻味，加上唔會過甜，能夠嘗到真正芝麻味。佢唔係磨至完完全全滑溜，係仲有一點’沙沙地’嘅質感，保留口感。🔥補腎合桃露 $25🔥一樣香氣撲鼻，糊質較芝麻糊滑溜，入口充滿合桃個陣果仁味，亦都甜度適中，剛好蓋過合桃自身嘅少少苦澀味。🔥如同食緊液體狀合桃😋🔥總括黎講，平民價錢，糊類出色。下次有機會會再次光臨，試試其他’地茂’出品！Feast Level: 🔥🔥🔥🔥🔥/5