Ciao

Open Now

Now Closed

再次幫襯呢間良心小店。上次講過，下次有機會試吓意粉，今日一於叫意粉。香煎帆立貝明太子汁意粉（$98）凍檸茶（+$5）同上次一樣，冇揀餐湯，要咗沙律。主菜一上枱已經香氣十足，賣相亦都不錯。兩隻肥嘟嘟嘅帆立貝煎得幾靚，食落軟身，唔嚡唔韌，元貝旁邊嘅春位亦都軟熟。意大利粉煮得恰到好處，有咬口，唔糊口。明太子汁鹹香微辣，好適合撈呢碟意大利粉。PS：唔收加一。

第二度到訪ciao , lunch menu轉左，依加多左好多款式選擇，有pasta , salad , risotto, burger, pizza 同main … 我樣樣都好想試🥹🥹1) 香煎帆立貝明太子汁意粉 $98(另配餐湯/沙律菜 及餐飲)是日餐湯係南瓜忌廉湯，好好味！飲晒😋意粉出色，一貫水準發揮，個明太子汁都好惹味，略嫌得兩粒帆立貝唔夠喉者🙈2) 安格斯牛肉漢堡 $108(另配餐湯/沙律菜 及餐飲)上次食過真係太好味，今次再翻桌，依然都係咁出色，佢個麵包真係好好味，香脆鬆軟有麵包甜味，肉質juicy ，芝士流埋落啲薯條，順便有幾芝士撈薯條🤪，正。樓面男店員服務殷勤而且好體貼，本身我地前菜揀沙律，佢提醒我哋漢堡包有沙律👍🏻👍🏻👍🏻今次因為熱氣冇揀到Pizza，下次會再黎試pizza 🥰