Go Inside Kitchen (Closed)

今晚來到觀塘接朋友收工，上網見佢同之前食過既籽樂廚房(尖沙咀)係姊妹店，都係社企餐廳，覺得啲食物應該都正既，於是book左係度食晚餐。  平日晚上人流唔算多，工廠大廈又比較大面積，坐得好舒服，可以同朋友慢慢吹住水食，唔洗怕急住食完還台。蒜蓉法包 一人一塊，好脆，同今晚個意大利菜湯好夾。菜湯熱辣辣上台，入面好多料，好多蔬菜，仲有啲麵條，營養價值幾多幾高。頭盤揀左 煙鴨胸田園沙津，落左柚子汁好開胃，3塊煙鴨胸仲係涼涼地，好淋好易入口，好好食。到我地既主題喇，BBQ汁燒原條西班牙黑毛豬肋骨 ($368/SET)，超級大條!! 上菜個下我同朋友都嚇親!!咁大條真係一個人食唔晒嫁！！ 肋骨整到淋淋地，好容易切同咬。個BBQ汁都好正，下面仲有薯條。另外叫多左碟 香煎帶子淡蝦醬意大利飯 ($148)，2粒大大粒嘅帶子，啲飯煙煙韌韌，醬汁都算飽嘅，我地2個女仔咁樣食法就屬於剛剛好喇。最後甜品揀左 藍莓芝士餅 2件，唔濟肚嘅唔洗擔心食唔落。個餅底都好脆，係新鮮整出來嘅。 野飲要左熱檸檬水，有樽熱水俾我自己倒嘅，一Set咁幾得意。埋單時店員仲送左coupon 俾我地下次幫襯用，全單8折。

早排先係觀塘食完西餐，真係有太多選擇，仲有好多間其實都想試下，今次就試下呢間「Go Inside Kitchen」。餐廳內外室外佢叫得自己做「Go Inside Kitchen」，餐廳設計係真係同佢個名附合，原來可以走到出外面到室外位置坐低食野望住街景，不過天氣轉涼，我地都係乖乖坐返入去～座位唔算好多，有啲似私房西餐既感覺，但夠寬敞，所以坐得好舒服，完全唔洗擔心隔離聽到你講乜。食物選擇主力係SET餐，會有沙律、主菜、甜品同埋餐飲，價錢由$228-428不等，但都可以單點。新鮮空運澳洲西冷(8 oz )伴紅酒汁 $168比起肉眼，有時想食西冷扒多啲，所以就單點叫左西冷，都算大塊，但就薄身，叫左5成熟，因為西冷帶筋同肥膏，食落就有少少渣同偏乾，較為一般。仲有沙律菜同埋薯條，本身以為$168只得一塊牛扒，原來已經跟左沙律菜同薯條，又唔算貴。香煎帶子淡蝦醬意大利飯 $148呢到其實咩地方菜式都有，Pizza又有，西班牙豬助骨又有，澳洲牛扒都有，唔係定左位食某個國家既菜，但見佢意大利飯都有幾款選擇，可能係餐廳覺得自己整得唔錯既一款，所以就叫黎試下，食物都好快上枱，份量仲幾多，女友話佢食哂都一定飽

Happy Friday當然要約下朋友食飯吹水，今次同朋友又嚟試下觀塘區工廈小店，因為通常呢啲地方食品質素都唔差！呢度選擇唔算多，分別有二人晚餐、一人晚餐同散叫嘅menu，雖然選擇唔多，但最緊要係好食！有餐湯當然最好有蒜蓉包，蒜蓉包雖然睇落燶燶哋，但非常香脆，而且成個包面都搽滿蒜蓉，正！雞翼亦值得推介，外脆內軟，仲有甜甜嘅蜜糖味同黑松露嘅香味，好似食緊隻燒烤雞翼！芝士焗蠔都幾好，雖然芝士味幾重，但蠔嘅鮮味都仲食得出！呢個淡蝦醬帶子炒飯係另一個推介，雖然佢用咗蝦醬炒個飯底，但唔算好咸，絕對接受到，最正就係帶子，非常鮮味有時候食完餐飯會想傾下偈，但我哋食完成餐飯唔夠一個鐘就走，原因呢度嘅環境實在太嘈喇，大家不約而同覺得呢啲工廈食店好多都係卧虎藏龍，食品大部份好高質，但好可惜呢類型店舖環境普遍一般，座位比較狹窄同嘈雜，所以都係要揀啲非䌓忙時間幫襯會好啲！

朋友約飯所以一起黎試一下，我本身其實唔係好食得慣西式料理，但係哩間真係唔錯！哩次一共叫左五樣嘢，有飯有麵，大家一起share黎食。個人極推介香煎帶子淡蝦醬意大利飯，好有大澳風情🤣🤣比較貼近我哩啲食唔慣西餐嘅人嘅口味。帶子煎得剛剛好，唔會太老，好軟好鮮甜😋個飯都唔會太鹹，好香，入面有混左啲菇，好啱我口味！另外仲有個溫泉蛋卡邦尼意粉，隻溫泉蛋好圓好可愛，篤爆距果下好正🤣🤣意粉芝士味好濃郁，啱曬愛芝士人士😋😋不過稍微偏鹹左小小，但係都好好食！如果口味清淡人士可以試下西班牙海鮮意大利飯，對比起其他都比較清淡，因為食左其他先食距搞度距顯得更加清淡😂但係都唔錯架，蘿蔔青菜各有所愛啦。另外仲有柏施圖汁荷蘭大啡菇寬條麵，個菇真係好大！！都好好食😋！個面綠色好得意😂

觀塘工廈美食多，今晚朋友帶我到位於觀塘道，apm鄰近的工廈內「Go Inside Kitchen」西餐廳尋找美味晚餐。進入「Go Inside Kitchen」，如其名；進入大門左邊就是開放式大廚房，右邊是部份的餐桌，再走進前方是面積四四方方，桌椅排列得整整齊齊的餐廳，侍應熱誠招呼我們入座。我們的選擇香煎帶子淡蝦醬意大利飯&加勒比海飛魚籽煙三文魚白酒忌廉汁意粉香煎帶子淡蝦醬意大利飯吸引我的地方是淡蝦醬，大鄉里的我，現在才知道西餐也有淡蝦醬，他的確和中式蝦醬各有千秋，煎香的帶子予人清淡可口味道，與濃淡得宜的淡蝦醬意大利飯又很配合。名稱很長的：加勒比海飛魚籽煙三文魚白酒忌廉汁意粉，，內涵豐富。我比較少吃煙三文魚，但今晚的煙三文魚已調味，非常不錯。卜卜脆的飛魚籽和美味忌廉汁伴匀意粉，還有菇、蔬果，口感層次顯得更豐富，紅紅綠綠的外觀令我食慾大增。