Homeland (牡丹大廈) (Moved) New Location

餐廳寛敞，座位多，岩晒一大班朋友聚會。合價錢合理，份量十足，性價比幾高。小食拼盤 $108份量多，而且有成四款邪惡小食，配酒一流。見到小店有入本土自家制既手工啤，下次黎想試下!小食包括芝士薯條、酥炸雞翼、魚手指同炸蠔。酥炸雞翼係柚子蜜味，酥脆既外層配上清新香甜既柚子，食極唔厭。炸蠔同魚手指同樣外脆內嫩，薯條一定要趁熱食! 可能加左芝士醬，比較淋身。香烤乳豬配西班牙果酒燒汁 $198唔係外皮香脆既個款，皮肉比例接近一比一，肉質軟嫩，配搭微酸既果酒燒汁，有陣水果既香甜，食落唔會好油膩。精心擺碟，配菜好好食，尤其係薯蓉! 細滑既薯蓉中有粒粒好粉既薯仔，好重忌廉味。香煎澳洲黑毛安格斯西冷 $198比較中意食偏瘦既部位，肉味濃啲。本身叫左五成熟，但上到枱應該有七、八成熟到。但整體唔錯，脂肪雖然較少，但入口唔會好乾柴，有肉汁。配菜豐富，同樣有高質既薯蓉，女仔建議同人share，都好大份!青檸水果梳打多多 $36岩晒夏天飲，清爽開胃，又估唔到梳打同益力多咁夾。美祿恐龍沙冰 $36沙冰又係夏天必飲! 面頭鋪滿美祿粉，入落唔會好水或好淡。

💛💛💛💛💛💛💛💛🧡🧡🧡🧡🧡🧡🧡🧡今次專登搵到黎大角咀一試呢價好評如潮嘅西餐廳，仲係附近行咗奧海城同南昌公園🤪******************************前菜香草牛油蒜香焗田螺😋😋😋對於我呢個薯蓉控，呢個薯蓉實在太好食，非常香濃嘅牛油薯仔味，又夠滑，加入香草同蒜粒更有口感同惹味，薯蓉份量十分多，田螺就不過不失😂。必encore之一!!!!******************************主菜蒜香辣椒大蜆意粉🍝意粉彈牙，辣味夠，唯蒜味比較淡，整體來講都好食，不過坐嘅位置太大冷氣，好快就吹凍啲意粉🥶******************************主菜二香煎澳洲黑毛安格斯西冷🥰必encore之一！牛扒份量夠大，油脂分布平均，沒有根位，叫咗五成熟，剛剛好😋對於我黎講，薯蓉也是一大賣點之一😍呢個薯蓉配菜比剛才田螺的薯蓉少了香草同蒜粒，也沒有失色，亦突顯出薯蓉的香濃幼滑😍😍。

一直都有留意 Homeland 這家西餐廳它終於由大埔來到大角咀開分店！當然要嘗一嘗！餐廳裝修colourful 牆上更有不同的畫作 除了全日早餐 手工意粉 還有多款特色手工啤酒 weekend晚上特意為手工啤酒烤雞而來 卻早已售罄 果然很受歡迎 餐廳長期處於八九成滿 建議大家預早訂枱⁣▪️香城安格斯牛漢堡 $98漢堡份量十足 麵包鬆軟 不會太空氣感 表面經烘過 散發著牛油和蒜蓉香當中夾有不少材料 新鮮蕃茄 爽脆沙律菜跟洋蔥 牛略微煎得乾身 牛味偏淡 亦帶焦苦 整體偏乾了一點 但幸好加有半融芝士 令整體較為濕潤 若能多加一點芝士的份量就好了薯條粗身 外層酥脆 內裏飽滿軟綿 調味十足▪️香煎澳洲黑毛安格斯西冷 $168西冷選了五成熟 生熟程度剛好 軟腍不韌 淡淡牛味個人很欣賞底下的薯蓉 薯蓉軟綿 夾雜薯仔粒 濃郁牛油味和奶香 非常有口感配菜有意式青瓜 口感爽脆 索有西冷肉汁▪️𝙻𝚘𝚌𝚊𝚕 𝚌𝚛𝚊𝚏𝚝 𝚋𝚎𝚎𝚛 閃耀 $68手工啤酒選擇很多 但由於不是款款有貨 客人可以自行到酒櫃選擇 店員都很樂於介紹這款手工啤入口清新順滑 淡淡伯爵茶香 苦澀味不太強烈 餘韻會有拖肥的味道 屬於容易入口的啤酒餐

放工又同男朋友去覓食，見到老掌櫃搬左新鋪，呢到開左一間新野，門口d燈好eye-catching，就入黎try try佢。我地6:30黎到，無咩人，一入到去staff會好細心比個密實袋你袋口罩同埋提你用餐時間90分鐘。 入面既裝修充滿住黃氣，牆上面掛住一幅幅呢一世都唔會令香港人忘記既畫面！仲提住我地時刻要STAY TRUE💛誠意之作，連粒青檸都燒過😂，蝦夠爽，意粉係佢地自己手打，口感比較扎實，都幾辣下男朋友要食肉，叫左塊扒黎鋸，望落雖然細塊但幾厚身，肉味夠濃，配埋佢個汁酸酸MAY MAY幾醒神開胃。所有配菜都燒過，唔係白烚，個薯蓉係佢地自家製，超香牛奶/牛油味呢個甜品唔可以錯過，係金莎+ Nutella 既混合體$38抵食！仲送左佢地特製既菠蘿雪葩，好似平時打完邊爐送個杯沙冰咁😂大球D會開心D囉😆去到7點半已經坐場爆滿! 大佬，星期一平日咋喎！真係唔可以睇少香港人既威力💪🏻下次再同同事黎食lunch撐爆佢💛