食意 (Closed)

去西九龍辦完事， 周圍逛街，放工後整條街顯得冷清，唯見招牌 eatalian 吸引，而且標榜非一般手工麵，中式食得多，西式食法，無妨一試。廚師特選，價錢唔貴喜歡這句每天享受，人生應如此地方整潔光猛，大小擺設都顯出店主心思，紅色圖案耀目特出侍應殷勤招呼，會介紹菜的特色和煮法，非常友善親切，強調所有麵條會即叫即做，保証新鮮，因為以 質素為本， 出菜時間會較長，叫我們要耐心，不用急上餐前及每度菜都會送上油醋包，可以點汁食， 類似上海銀絲卷食法， 但外型似印度薄餅，煙韌帶有 麥味貼心提示因為會有花生碎混和一齊，如對花生敏感就另選其他菜式，真體貼。火箭菜、生菜一大碟， 醬汁橄欖油黑醋， 健康開胃， 蝦肉蟹肉鮮甜經過解釋之後，才知道烹調過程經一番轉折， 先把南瓜放在焗爐裏 焦糖化， 然後打碎成蓉， 湯面上 一層鮮奶泡沫和蟹肉，入口純是天然南瓜味道， 伴隨鮮奶入口更加滑溜🤤🤤手工麵必試， 人手造所以形狀不規則， 麵質煙韌QQ 好有咬口感，配 黑松露汁和意大利火腿， 每一口都充滿松露清香味, 在口中久久不散菜式重點是用牛心，肺附近的肉烹調， 肉質特別鮮嫩和牛味濃， 建議不能太熟，三成熟最好。入口感覺帶

平時係呢一區返開工，都會試下周圍既野食，食意開左之後都一直冇機會試，今日就約埋屋企人等我放工一齊去 係地鐵站行去一啲都唔遠，係酒店下面好易搵！我地六點去到，不過都已經唔係第一枱 蕃茄莎莎配薄餅包：餐廳送既前菜，薄餅有預熱，同埋唔硬唔難咬開 蕃茄莎莎黑醋味出，好開胃 蝦肉蟹肉沙律配芝麻醬汁：個沙律好多蝦肉同蟹肉！啲菜好新鮮！香燒南瓜蟹肉湯：個南瓜湯好濃好甜，飲落有啲似焦糖味！炸粗直薯條配香辣醬及黑松露醬：啲薯條食得出係薯仔切出泥，新鮮炸！啲醬汁超好味 意式焗烤千層茄子：呢個好味呀！係平時啲蕃茄千層麵加左茄子！兩樣鍾意既野食加埋一齊，大愛 黑松露軟芝士薄餅：個餅底係人手dup，雖然呢個係素薄餅，但食落一啲都唔齋，黑松露正呀辣蕃茄風乾豬面頰肉直紋窄通粉：個醬只係微辣，豬面頰肉切到細細粒，好易食！通粉煮得啱啱好，唔會太淋 美國IBP  Prime西冷配火箭菜及巴馬臣芝士：我地嗌左五成熟，廚師控制個火喉控制得好好，唔會過熟 牛肉味濃，肉質一啲都唔鞋！雖然冇加調味汁，不過配埋火箭菜同巴馬臣芝士已經好夠味！朱古力心太軟配雪糕：甜品係餐廳甜品師傅自己整既，心太軟一啲都唔漏，好正 薄荷特飲好薄荷，好

深水埗喺小弟成長嘅地方，雖然已經搬離呢區多年，但因為仲有唔少親友住呢頭，所以，間唔時仍會經過。近來睇到劉老師嘅食評，對呢間「Eatalian」頗有好感，因為睇開小弟嘅食評都知，小弟頗喜歡耍吓小聰明將啲標題搞吓食字，不過，英文食字就難到我喇。咪睇佢門面窄窄，原來入面都幾大吓，餐廳尾屈個彎仲有多張餐枱嘅用餐區，枱櫈嘅編排亦唔算逼，而且，環境整潔新簇。以淺木色為主調，配合牆上一啲精簡嘅食物圖案，明顯喺走輕鬆路線。裝修簡約得嚟，又花咗唔少裝飾晌佈置上，如乾花花糟、別緻掛牆鐘、小銅像、食譜、茶壺……等等，都喺叫人感到有種家庭式小店嘅感覺，氣氛輕鬆。烤麵包配蕃茄莎莎（免費）好多時啲意大利餐廳都會奉送少少意大利香草包配油醋作餐前麵包，但估唔到呢度就提供以薄餅粉糰做成嘅烤麵包，更配上蕃茄莎莎，麵包烘得熱熱，蕃茄莎莎酸香鮮活，食過真喺產生開胃之效。翻翻餐牌，類別齊全，包括前菜、湯品、意大利麵、薄餅、主菜、甜品，菜式選擇頗多，大抵因位處深水埗，定價亦相宜。而且，正值新張，仲喺唔收加一，兼俾多個九折添，食意大增。故此，今晚同老婆、姨仔嚟食飯，食咗好多嘢，落樓都唔使六百，抵呀！以一家小店而言，前菜選擇十分之多