伊太屋 (Closed)

放工黎到呢間日式意大利fusion餐廳，一入舖頭就已經比佢入面嘅裝修吸引住，睇得出係花左唔少心機。再加上食物太令人難忘，今次真係不得不留下人生第一個食評！講到食物方面，今次叫嘅都係佢地新出嘅菜色，最令人難忘就係呢個黃金邪惡軟殼蟹配香燒焦糖蘋果。平時都見過唔少配鹹蛋黃嘅野食，同時食得太多亦都會膩，但當帶有濃濃鹹蛋黃嘅炸軟殼蟹配上燒過嘅蘋果所帶出黎嘅酸味，岩岩好中和左當中嘅油膩感，而且兩者意外地夾。另外，難得黎到就要試埋呢個香燒海陸空驚喜寶盒喇，由佢被送上黎個下就睇得出同樣都係花左唔少心思。先係一個海洋風嘅木盒，然後入面就係呢道菜嘅主角，不管係打開前定打開後都可以打卡。最後，其實我地仲有叫其他野食同埋野飲，都係好好味同唔會伏。一個又可以打卡又食到好野食嘅餐廳點可以唔推！

星期五晚，一行三人嚟試下呢間fushion菜。一入到去裝修好有藝術氣氛，餐廳放滿畫作同酒，好有情調。- 魚子醬海膽安格斯牛他他牛肉唔會太碎，保留到口感，配埋麵包食一流！- 黃金邪惡軟殼蟹配香燒焦糖蘋果軟殼蟹炸到好鬆脆，蘋果酸酸甜甜可以中和咸蛋黃膩感。- 香燒海陸空驚喜寶盒個寶盒一上枱好有心思，好有海洋尋寶嘅感覺。呢個寶盒以燒海鮮為主，濃郁鮮味，而且香氣四溢。但反而個牛排最驚喜，肉質juicy，外皮仲有少少脆。- 脆軟雜莓忌廉芭菲，免焗紅莓芝士蛋糕，椰子朱古力慕絲個人比較喜歡椰子朱古力慕絲，慕絲綿滑，配子椰子蛋白好清新。總結呢間餐廳食物質素幾好，地點都方便，仲有好多酒揀，可以同朋友同事放工嚟chill吓。