大澳德發 (Closed)

收工同媽咪食飯，試下啲新野。以茶餐廳type黎講，佢L形鋪面，啲位都幾舒服！睇得出有啲員工較為新，不過全部都友善同有禮貌。見到卜卜蜆煲就勁心心眼，即叫。見價錢只係148，諗住唔會太大，點知佢係成大煲蜆咁上，仲有埋個爐煮俾你睇。見到勁多蒜都知一定勁惹味。望住佢滾！有埋飯既。侍應話食哂蜆可以加魚湯食飯。不過我同媽咪最後太飽無試到。媽咪話想試香芒沙拉骨。一睇就知係終極邪惡！每舊都有厚厚既沙拉醬，而肉質都好好。唯獨係香芒失蹤左。見到有好多魚既選擇！就揀左龍鳳蒸烏頭。條魚好大條，好抵食。片得好好，所以唔洗反，好方便。一條魚兩種口味。個人偏好剁椒果邊。唔太辣，不過香口過癮。最得揀個菜啦。南乳齋煲較外面既無咁重南乳味，不過感覺上相對健康好多。如果用番瓦煲上就perfect！總括黎講海鮮出色，絕對係會回頭既抵食之選！

好似好耐都無出去食中菜喇，今日突然好想食，就去搵左間小炒。試試佢。睇menu個陣真係目不暇給，樣樣都好想食😍揀左成15分鐘先揀到食乜。我第一眼見到個蜆肉既相，已經決定點佢。上到黎既用一個桶裝住咁，好靚。佢啲豆豉味好出，啲蜆粒粒都好飽滿，幾乎全部都無離殼，同埋唔腥，好味。跟住試下個老干媽乾蔥雞煲，雞真係我既至愛，啲雞肉爆炒得好幼嫩，點解我知係爆炒？因為唔大火炒都好難鎖汁之餘又keep到入面咁嫩👩🏻‍🎨。呢煲野好送飯。跟住點左碟香芒沙拉骨。沙拉骨炸得好脆，肉都幾厚身，啲醬甜甜地，都幾好味。我覺得小朋友會好鍾意食。最後一碟茄子斑腩。啲斑腩唔厚皮，啖啖肉，茄子不嬲都係我其中一樣最愛，佢雖然係炸，但唔油，味道濃淡適中，忍唔住一啖一啖咁食。配埋鹹檸七，成餐真係好滿足。🤰🏻

團年飯，哥哥推薦在北角大澳德發。8人剛好可以訂VIP房。餐廳以大澳命名，菜式也有很多採用蝦乾土魷等海味，頗有漁鄕特色：1）沙薑雞（1只）$258雞算嫩滑，雞味ok2) 海味什菜煲 $88份量較大，海味配料也多3）三弄脆皮鹹豬手$118偏咸，我口味偏淡不太喜歡4）地寶魚鮮腐竹浸時蔬$72叫咗兩味菜都是有湯的，這個地寶魚湯味道較鮮、濃，推薦這個。5）香芒沙拉骨$78全場最令人失望的一味，所謂的香芒只有表面金黃色數滴芒果味糖漿，有點名不符實，其實食落就是一般沙拉骨，不推薦6）漁村炒米$55用土魷、蝦乾炒的米粉，夠鑊氣，不太油膩好吃！7）艇妹鮮蝦炒銀針粉$58這味炒銀針粉是全場最好味！一樣夠鑊氣！（之後為了吃這個和用送的coupon隔了3個多星期又去吃了）8）梅菜扣肉煲$88肉肥瘦適中，味道不錯總結：以人均120元左右吃到味道不錯的小菜和炒粉麵，經濟實惠，非常適合家庭聚會呢。