Bun Cha Vietnamese (滿發大廈)

Open Now

Now Closed

一向偏愛食越南野既我，黎到西環唔知食咩好，誤打誤撞黎左呢間越南菜館即刻入去試試先！ 間店唔係太大，7-8張枱左右，但都算坐得舒服，唔會話太逼。員工好似都唔係香港人，唔知係唔係越南人呢？ 男朋友叫左個牛肉撈檬，啲牛肉係整碎左既，食落口感好特別，唔似吉野家果種牛肉飯。香料味好重，都幾足料架，如果唔太愛果啲越式香料味既未必鍾意 我就叫左個豬扒撈檬，豬扒比較多骨位，肉唔算食到好多，但幾香幾好食！同樣都係好重香料味，我鐘意佢啲花生令到口感豐富得多！而且好香～ 最後叫埋個紙米卷。佢包得好實，咬完一啖唔會即刻散晒，呢方面做得好好入面都好足料，有香葉、生菜、花生、蝦等等，一咬落去好清新既感覺，成口都係羅勒、香茅、青草味如果唔愛好呢啲香料既未必會鐘意。 總結呢間越南菜館都幾正宗，如果愛好越式香料味既你，值得一試價錢就比一般餐廳食貴少少。

Bun Cha Vietnamese 越南餐廳有中, 英文餐牌, 侍應都勉強可講廣東話.服務好好!餐廳不停有中,外食客幫襯.薄荷青檸梳打-- $32有涼浸浸甜甜地的薄荷味, 少少酸的清新青檸有氣的梳打飲品.越式冬瓜茶罐裝 -- $20甜甜地似紅棗水味的飲品, 由越南來, 可清熱, 適合食完煎炸辛辣的食物後飲用.香茅豬扒撈檬 -- $68香茅豬扒, 不會太濃味,食完沒有口渴,沒有重調味料, 最好是沒有梳打粉醃製, 有口感.甜酸汁用來撈檬,好開心不會太濃味,太辣.香茅豬扒雞扒飯-- $70大大碟, 有豬扒和雞扒, 好豐富, 調味剛好, 雞肉嫩, 滑, 多汁.