大越越南餐廳

Open Now

Now Closed

大越南餐廳•沙田今日放工好肚餓，又想獎勵下自己，同時又唔想食咁貴，就嚟咗呢間餐廳。果然無揀錯。啲食物好惹味！趕走monday blue😆..✅ 法式香茅雞翼🧈$48呢個小食真係無揀錯！佢炸到脆卜卜，調味又調得好香口。🥰..✅ 沙嗲牛肉串🐮$42一食就食到好濃嘅花生醬味😋配埋佢跟嘅醬汁更加好味。而且牛肉唔會有太多筋位，箍緊牙嘅我都唔會咬得太辛苦。😌..✅ 海南雞喇沙🍜$73食越南嘢又點可以唔叫喇沙。今次呢個喇沙好香口，而且海南雞嘅份量都對得住價錢。😝..✅ 香茅豬扒飯🐖$63呢個飯好惹味。豬肉肥瘦適中，最值得一讚嘅係佢煎得啱啱好。而且佢有好多蒜粒同蔥花，惹味感up😛

沙田朋友仔帶左我哋去一間隱世嘅越南餐廳去到門口外牆上面有一幅好大既塗鴉，上面寫住大越，有個女的同碗越南湯粉，好特別扎肉雞絲湯㩚以為佢會好淡 驚喜佢湯底好香雞肉肉質夠，扎肉同麵條滲晒啲湯底好好味生牛肉湯粉薄薄嘅半生牛肉片 軟硬適中湯粉配生洋蔥🧅口感很好，湯底正宗不過最後發現感覺爭啲野，係芽菜，但都大大碗，夠飽肚香茅豬扒飯豬扒煎得香口 肉質夠軟身馬拉盞通菜炒至翠綠色，好香馬拉盞味如果加點辣會更好豬頸肉 肉身軟硬適中驚喜佢都好多片 配泰式辣醬更美味芝心蝦多士 🥪面上鋪滿芝麻炸得剛好夠香脆，夾心好多芝士，好香蝦肉味小朋友最愛🌈仲舉晒手話要食多件來多杯越式奶茶 🥤完滿服務員態度親和 好像置於家中吃飯一樣輕鬆自在的感覺💗💕

每逢星期四，女兒都需要外出上DSE的雞精補習班，奈何學校放學後，相隔三粒鐘才番補習班，時間兩頭唔到岸，唯有搵個地方捱吓時間，順便提早食埋晚餐。記得早兩個星期嚟過呢間"大越"，印象唔錯，便拖女過嚟撐檯腳，16:44分時間尚早，仲有下午茶食呢！ 我們叫了一份香茅豬扒飯(上次來有試過，香茅豬扒依然很入味，很鬆化。因我兒時曾寄住過開豬場的親友家，餐餐都係豬，所以，離開她家後已同豬肉冇friend做，平時也不會吃豬的我，都竟然覺得好味!😍)。 女兒叫了生牛河，我都有拿來試，生牛河的靈魂在於個湯頭，湯頭不油膩，很清甜，也有濃濃的香料味，牛肉浸一會，輕輕轉色便食得，牛肉也很嫩，粉就不用說了。 另叫了必食的芝心蝦多士，上次試過念念不忘，今次再同女兒share來食，依然好味!! 因以上三個都是下午茶餐，餐飲叫了兩杯凍蜂蜜玫瑰柚子茶(味道較淡)，凍滴漏咖啡(今次比上次更濃，有進步!💪)埋單$136，抵食又好食。 另再買了一個香茅豬扒撈檬粉，追加香茅雞翼及蝦餅、青檸梳打比家人，拿完外賣出門口後，才醒覺，吓....才五點幾，亞女仲未夠鐘上補習班噃，死死氣坐的士先回家放低食物比家人，休息一陣，再送女兒

唔想煮飯，同女兒想出去搵食，又唔想離開沙田區，上OpenRice睇吓有甚麼啱心水的新店，剛巧見到這間大越，試吓先!專程坐50幾蚊的士過嚟，嚟到看到位置，原來前身係M3，再前身係PizzaHut的位置，左邊係食過幾次的少爺泰，有新店開，當然要call埋住在隔離屋苑的舊同事落嚟，一齊試吓囉！我們到達時才17:40分，門口看到仲有下午茶，哇～最平既小食餐$28，粉及飯餐才$38，最貴的小食下午茶才$42。趁18:00前，先叫了牛肉撈檬，香茅豬扒飯，芝心蝦多士餐，但山長水遠嚟到，唔試埋小食，真係對唔住自己個胃，另叫了主餐牌的串燒，軟殼蟹米紙卷，蒸粉包。香茅味濃，肉都醃得好夠味，其餘的小食都好好味，最精彩的是那個芝心蝦多士，有點懷舊酒樓做的風格，除了飲品(滴漏咖啡唔夠濃及口感唔夠厚，另外那杯忘了名字，好像熱情果定百香果既飲品較遜色外)，食物真係冇得輸!!因有三個是下午茶餐的關係，埋單三百有找，(就算正價，價錢都唔貴的)，食完即刻大力推介比我住在沙田區的老友，希望這店能一直保持食物水準!!好快會再嚟!!