Project B (Closed)

太子好多好嘢食，今次嚟試下呢間西餐，非常滿意佢嘅食物質素，真係樣樣都好食👍🏻唔係hea煮，非常值得再嚟👏🏻👏🏻香草忌廉紐西蘭青口($98)份量不錯，有好香嘅迷迭香香草味，忌廉味都好濃郁，青口唔細粒，點埋啲汁食好正👍🏻黑松露燒春雞($138)非常好食嘅燒草雞，必叫👍🏻👍🏻春雞外皮燒得好脆卜卜，冇乜皮下脂肪唔擔心會肥，肉質嫩滑有雞味，有肉汁完全唔乾😋😋黑松露醬係畫龍點睛之處🤤秘製焗豬扒飯($80)飯係用咗蛋漿炒過，有誠意～味道即刻提升👍🏻豬扒係炸過但肉質唔乾，芝士蕃茄醬汁酸甜適中好開胃，再加埋隻太陽蛋一流～啲蛋黃撈埋啲飯度食好好味😋自家製窩夫拼鮮果雪糕/朱古力($78)賣相擺盤好靚🥰窩夫有蛋香，脆得嚟唔會硬到刮到口腔，香蕉上面有薄脆焦糖，夾埋啲雪糕一齊係完美嘅甜品😆

同朋友去完太子做嘢之後好攰，經過呢間位於太子同深水埗交界嘅餐廳，見到係落地玻璃，入面裝修都唔錯，睇埋餐牌都幾好👍🏻，一於入去！入到裡面，環境舒服，坐位闊落，室內光猛，但係又唔會曬到太陽👍🏻餐廳播放著外國pop music ，真係好舒服😌墨西哥焗雞肉卷，面頭放咗牛油果醬、蕃茄粒、芝士同沙律醬，而入面有洋蔥同埋超多雞肉粒，食落口熱辣辣，味道互相好夾，好味😋香草忌廉紐西蘭青口🐚一送上枱已經聞到好香！而每一隻青口都好大隻，肉質爽口飽滿，份量多！而洋蔥忌廉汁好creamy😋真係食唔停口，好快就清哂🤣滋味雙層藍芝士牛肉漢堡🍔 加薯條🍟好少地方有得食藍芝士嘅牛肉漢堡，身為芝士控嘅我梗係要嗌啦！原來blue cheese 同牛肉都好夾，blue cheese又唔會蓋哂牛肉味好，好好味好正😍而牛肉juicy又唔老👍🏻雙層牛肉啖啖肉😋而薯條新鮮炸，所以好脆😋😋黑松露燒春雞🐔外皮香脆，雞肉嫩滑😋而醬汁係燒汁再加黑松露，黑松露真係好香！估唔到燒汁同黑松露食落口又幾夾👍🏻另外仲配搭埋薯條添！朋友嗌咗杯Cranberry juice ，唔會好甜，味道唔錯，而cranberry 又好啱女性呀😋

太子行去深水埗方向，中途見到依間酒吧餐廳。環境幾開揚有落地玻璃，地方闊落樓底高，唔會好應聲，坐得舒服，而美食選擇唔少，價錢經濟。香草忌廉紐西蘭青口 $98紐西蘭青口一盤十多隻，青口大隻肥大肉厚，味道鮮甜嫩滑，青口貝的足絲清得好乾淨，可以大啖放心食。醬汁以白酒煮忌廉味道香濃，好掛汁非常美味。墨西哥焗雞肉卷 $48餅皮煙韌有嚼口，餡料有雞肉、芝士、洋蔥和黑橄欖，加上了酸酸辣辣的莎莎醬、牛油果醬和沙律醬，味道豐富口感有層次，小食好味充滿墨西哥風味，必食推介。蜜糖黑椒雞中翼 $62雞皮炸得微脆，肉質嫩滑有肉汁，氣炸的唔油膩，沾有黑椒蜜糖，惹味香口好食。黑松露帶子天使麵 $108帶子厚肉好大粒，煎香了表面，肉質彈牙鮮甜。天使麵份量好多食完堅飽，有菇、三色椒、洋蔥增加不少口感，加上香濃的黑松露醬撈麵食，都ＯＫ唔會好油。自家製窩夫拼鮮果雪糕 $88香噴噴的熱窩夫充滿蛋香，口感外脆內軟，淋了朱古力醬味道甜美，配上忌廉和海鹽雪糕，甜中帶咸清新口味，冷熱交融啖啖滿足。

深水埗站📍Project B-未入呢間餐廳之前，見到全黑色嘅牆身覺得好型格，入到去有竟然有一種好悠閒、放鬆嘅感覺😌墨西哥焗雞肉卷（$48）外皮脆卜卜，餡料有好Juicy嘅雞肉，配埋面頭嘅蕃茄醬、牛油果醬，呢個開胃小菜唔錯😍香草忌廉紐西蘭青口（$98）香草忌廉汁配青口一定係好食嘅配搭，醬汁香濃😋黑松露帶子天使麵（$108）睇落份量唔多，食落就好飽。帶子煎得啱啱好，配埋大大pat黑松露醬係面頭，食完成個口都係黑松露油香😍女朋友話如果係意粉，質地同口感更岩佢心水。野飲方面，我哋叫咗一杯Project B（$42）同埋一杯Grapefruit Mojito（$60）。Project B好有驚喜，飲落有淡淡嘅玫瑰味，又有清甜嘅蘋果味，冇酒精，但令人想無限續杯😻Grapefruit Mojito不過不失，如果西柚味再重d更好。環境方面，餐廳播著輕音樂，成個環境同氛圍都好relax，喺度慢慢坐低食野傾計都係一個唔錯嘅選擇👍🏻

太子mtr E 出口行過嚟唔使5分鐘樓底好高座位闊落空間感好大多首熟悉又輕快既英文歌背景令情緒更加舒暢一班朋友食下飯飲杯酒都幾唔錯（有酒牌）食物味道中上 價錢又唔算貴 二人套餐更係抵食除左食材用料靚外 餐具擺盤都值得一讚$98 香草忌廉紐西蘭青口每隻青口都好大隻又多肉 份量仲算幾多下牛油忌廉汁香甜伴青口一齊食真係不得了$238 精選2人餐磨菇忌廉濃湯 x 2 大量粗粒草菇每啖都有趙口 #加拿大豬鞍配蜜糖芥末籽汁超厚身斧頭豬鞍煎得好靚 肉質粉紅不過熟適量既肥脂香口得嚟又令豬肉不會太單調再配甜甜地只有微酸醬汁野味得嚟又不會搶走豬鞍既肉甜配菜羽衣甘藍及薯粒都好match #炸軟殼蟹南瓜忌廉意粉混合左大量新鮮南瓜攪拌而成既忌廉醬濃稠既南瓜蓉沾滿每一條意粉鮮甜既蔬菜味道十分充實即使原隻炸軟殼蟹都被意粉搶盡風頭 ＋$35 特飲 #ProjectB呢杯超酸既Signature 特飲令我印象深刻比起平時凍檸茶有過之而無不及醒腦又醒神既沖擊下 真係加到滿分