Opa Mediterranean Bar and Bistro (Closed)

經過尖沙咀見到呢間餐廳，諗起上次幫襯過，成個氣氛都好chill咁，就比佢吸咗入去😆餐廳感覺好有情調，亦都算坐得幾舒服！佢有一個dinner set，都幾抵食，不過我哋今次就揀咗單點🤣食物種類都唔少～我哋首先叫咗個appetizer，係白酒煮青口 ($128)🤤一嚟到就覺得啲汁好creamy，青口雖然唔係好大隻嗰啲，但係都算幾鮮味呀👍🏻點埋啲汁食食唔停口🤣Pizza就揀咗辣肉腸披薩 ($160)🍕係薄批嚟，批邊都好脆口，芝士亦都好豐富，啖啖都好滿足～辣肉腸比起出面嗰啲厚身，鹹香不錯～香蒜橄欖油意粉 ($168)係一個好考廚師功力嘅意粉，材料好簡單，但要整得好食都好難～今日呢個整得唔錯，入口有濃濃蒜味，亦帶有辣椒嘅少少嗆口，油量亦控制得好好👍🏻實不相暪，我係第一次食西班牙油炸鬼 ($78)😂食落口真係同油炸鬼陣味幾似🤣不過佢再脆同硬身少少，上面淋上嘅朱古力醬同呢個油炸鬼好襯～仲配埋雪糕一齊食添🤤我哋亦叫咗一杯Belgian Dark Chocolate Smoothies ($78)🍫朱古力味幾濃，入口有少少似樽裝朱古力奶嘅feel😆幾好飲嘅，好啱香港嘅夏天飲～上次我食過佢哋啲海鮮類嘅嘢，

睇店名都知主打喺賣地中海菜，其實咩叫做地中海菜呢？小弟理解就喺地中海周邊一啲地區嘅菜式，如希臘、意大利、土耳其……等地，亦有聽人講過喺高纖、高鈣、抗氧化嘅食材運用，就喺地中海飲食，查實喺點我就真喺無深入研究過，總之，今晚嚟到「OPA」，就喺輕鬆愉快食好嘢啦！餐廳以酒吧為設定，所以，無論環境，抑或氣氛，都比較講求型格同格調，幽暗嘅燈光，輕柔嘅音樂營造出輕鬆嘅氣氛。近細巷一邊門面，採開放式設計，主要喺啲高腳枱櫈，俾人飲吓嘢，而裡面就主要為用餐區，一派西餐廳佈置。場內最吸晴嘅位置喺懸掛咗一張大藤椅，背後更有一張巨型人像彩繪，幾有藝術感。由於燈光比較暗，所以，餐牌就唔喺影得太清楚。以主餐牌而言，食物選擇都幾多，由前菜、湯品、沙律、薄餅、飯品、意大利麵、主菜類到甜品都一應俱全；而飲品，啤酒、紅白餐酒、烈酒、雞尾酒、果汁、汽水、啡茶都一一有提供。我哋就簡單啲，唔多諗，揀咗個二人晚餐，包咗前菜、意粉、烤雞及甜品，定價$348，都幾划算。Big Bang $88晚餐就唔包飲品，所以，揀咗兩杯無酒精雞尾酒試試。一眼就相中呢一杯「Big Bang」，因為3樣成份都喺小弟嘅有心水：芒果、熱情果及菠蘿。更有趣

同朋友今次想食啲特別啲既野，就黎咗呢間地中海餐廳，本身以為咁稀有既菜式價錢會偏貴，但發現個2人餐都幾抵食，值得黎體驗一下1️⃣Regular Set for 2 ($348)🔸Baba Ghanoush將青豆整成泥狀再加埋石榴、希臘芝士等配料，青豆打得好creamy, 食落酸酸地，配埋皮塔包味道好夾，好特別🔹香蒜橄欖油意粉意粉煮得夠乾身，整係香蒜、橄欖油同香草配埋都已經好夠香口🔸地中海烤雞雞肉同雞皮都好嫩滑，上面既醬酸酸地好開胃🔹西班牙油炸鬼伴朱古力雪糕好鐘意食西班牙油炸鬼，加埋糖霜食有少少似冬甩，但比冬甩食落更為香脆，食完仲好想再encore😋2️⃣海鮮串燒 ($188)賣相十分之吸引，有吞拿魚、三文魚、蝦、三色椒同墨西哥辣椒，最上面放咗個檸檬，輕輕一搾檸檬汁就順流至每款食材上面，下面放咗袋狀既餡餅比你放入食材，別具風味

自從試過地中海菜，一直好掛住果種酸酸甜甜的調味。Openrice搵倒呢間餐廳見環境幾浪漫，約咗個朋友嚟chill下。今日餐牌有個Regular Set Dinner, 二話不說就揀咗。另外加咗個好多人讚的海鮮串燒，同一杯PMP Smoothie。野生藜麥沙律檸檬汁+藜麥+希臘芝士粒+洋蔥彩椒青瓜好fresh的組合🌿PMP SmoothiePeach 🍑+ Mango原來係咁夾，勁好飲！Smoothie真係又滑又香果味！香蒜橄欖油意粉地中海特色的香蒜橄欖意粉，特別在調味有些少水瓜柳，呢種鹹鹹酸酸的味道提升咗普通香蒜意粉的層次。意粉煮得剛好，爽口，不會過熟，而且有濃郁的橄欖油香味。地中海烤雞烤雞拼薯條，聽落無咩特別，點知原來別有用心。雞肉醃得出色，食得出香濃的蕃茄+橄欖油香，而且雞肉嫩滑，烤得剛剛好。海鮮拼盤串燒檸檬汁由上而往下滴，係幾有新意的菜式。吞拿魚三文魚燒得剛剛好，魚肉肉質鮮嫩！原條墨西哥青辣椒，意想不到的辣，辣得好過癮，但真係超辣！西班牙油炸鬼伴雪糕香脆油炸鬼伴糖霜朱古力，口感不錯。餐廳環境不錯，牆畫有藝術感，啱曬鍾意打卡嘅我。檯面燈有提升進餐情調，岩哂同朋友/另一半傾計，值得嚟