尚君如夢 (Closed)

喺灣仔經過應該會見到呢間新派冰室裝修勁特別, 牆上面除咗有d 懷舊餐牌外仲有動物嘅數字棋我哋叫咗香蔥碎牛炒蛋牛角包同5cm 蛋治牛角包夠鬆脆, 配埋嫩滑嘅雞蛋, 口感岩岩好😋蛋治D蛋真係有5cm咁高🤣就算咁高, 都仲好滑身👍🏻另外都叫左煎蛋肉醬燴意粉同炸雞扒飯肉醬差唔多有半碟咁多, 肉醬偏甜上面仲有隻流心蛋 😌雞扒勁大塊, 又炸得好酥脆醬汁偏深色, 黑椒味香濃最後仲叫咗雪糕紅豆冰依家唔係好多地方會喺紅豆冰上面加雪糕雲呢拿加埋椰奶好香口整體來講, 冰室新舊交融, 勁有特色

以前認識’懷舊’兩字都係要睇返啲八九十年代嘅港產片 竟然比我喺林林總總嘅餐廳入面搵到間做懷舊主題❣️5CM蛋治 $20中間夾住食指長度咁厚嘅🥚大嚿到用手食真係一路食一路跌 要用刀叉食先搞得掂雞蛋好實在 喺港島區賣咁嘅價錢真係超抵食❣️ 香蔥碎牛炒蛋牛角包 $28🥐唔係一般做法就咁叮翻熱就算 一口咬落去酥脆到直頭成個解體 餡包比例1:1 蔥香怖滿成個雞蛋 再撈埋啲碎牛一齊炒 更加惹味❣️ 香蕉法蘭西多士 $26法蘭西多士就食得多 但夾住🍌流心嘅真係未試過 熱辣辣嘅西多淋埋糖漿 切開中間嘅香蕉蓉流滿成隻碟 唔太甜嘅果蓉中和返面頭嘅糖漿 食晒成份都唔會話漏❣️ 生炸大雞髀 $26大過手掌嘅🍗不論店內店外都寫住必食之選 即叫即炸等候時間20分鐘 酥炸嘅外皮入邊包住滑捋捋嘅雞肉 做成強烈對比 完全係口痕必食❣️鮮茄牛肉飯 $38下午茶嘅價錢估唔到可以咁大份 洋蔥🧅菠蘿🍍蕃茄🍅牛肉🥩樣樣齊 牛肉片數量極多 驚仲有一隻蕃茄咁多嘅分量 紅卜卜嘅蕃茄鮮嫩多汁好鮮味

又係一間近排發掘到既新黃店，係尚上下夏旗下既茶記，因為見到佢既裝修好少女風，野食都比一般茶記吸睛，就捉左男友陪我去試😎>吉列豬扒飯配太陽蛋：大過塊面既吉列豬扒，炸到表面金黃色，炸粉唔太厚，裡面既豬扒肉質鬆軟，跟咖哩汁食送飯一流，再加多個太陽蛋就perfect 池😋>香蔥碎牛炒蛋牛角包：碎牛份量多，炒蛋都炒得幾滑，再夾埋酥皮鬆香既牛角包，咬落口層次都幾豐富，個包幾大份，女仔當晚餐食都得。>法蘭西多士：茶記必點，呢款質感厚身、蛋味香濃，入面既花生醬有花生粒粒，幾有咬口的，OT完食邪惡野好開心😚>大雞脾：大過手掌既雞脾，大份又多肉，雞皮脆卜卜，咬落都多肉汁，食果陣要小心D，茶記有呢個水準都幾出色。>什果賓治&雪糕紅豆冰：打卡靚靚既飲品，我係飲雪糕紅豆冰，幾有椰香味，味道唔太甜，紅豆軟綿綿幾好味；什果賓治聽男友講都OK的。