意粉狂熱 (皇室堡) (Closed)

那天週末，我出銅鑼灣的目的是帶舊衫捐給救世軍及物色銅鑼灣區的酒店！我預約定銅鑼灣皇室堡2樓的 <意粉狂熱 Pastaholic>！這裡算大，留意到用酒樽作燈飾，既特別又環保！疫情下，店方以隔板為餐桌保持社交距離！可能已訂枱的關係，店員安排了一張大圓枱給我！ Menu供應：Lunch set、Tea set、意粉、薄餅、甜品、飲品...店方以手機 scan QR code 落單，方便快捷又減少落錯單機會！落單後，原先要20分鐘製作，12分鐘便送齊！好有效率！洋蔥湯味道清甜，滿載熟透軟腍的洋蔥粒！熱朱古力茶第一個印象，我會想到朱古力粉加茶，散發朱古力香的英式茶；更出奇地這是茶杯大過茶壺！照燒雞披薩 10吋 午餐 $78加上照燒雞肉、蔥粒、洋蔥、沙律醬...等，這款日式口味配搭無得輸， 披薩餅底薄而柔軟，質感有點似印度油酥餅！食完個10吋的照燒雞披薩，我都未夠飽；於是，又看看餐牌，物色什麼小食吧！怎料，好多款式都售罄！甜品只得3款，日本牛乳布甸 $18、意大利芝士餅 $38、香蕉朱古力披薩 $48。奇怪地，看到食評的甜品相片，有相片卻無提及甜品的評語！令我都質疑其味道及質素！

之前趕時間嚟過Pastaholic食碟意粉就走，今次就嚟試埋佢其他嘢食！Pastaholic唔止有pasta，仲有pizza，tapas，等等等等，好多選擇！我哋一行三人，叫咗個二人餐加個甜品，份量超夠！Pasta & Pizza Holic Set ($318)餐湯特濃南瓜粟米忌廉湯好creamy～法式芝士洋蔥湯略嫌鹹咗少少，但中間舊包索晒啲湯，上面仲有芝士，好正，hehehe沙律香草雞肉凱撒沙律（半份）沙律菜好新鮮好爽脆！Appetizer意式薄切三文魚忌廉芝士卷三文魚包住cream cheese，面頭仲有飛魚籽～溫泉蛋蒜香蘑菇鮮製意粉成碟意粉嘅醬汁就係靠隻溫泉蛋，所以會有少少乾～不過蘑菇都算多，調味都足夠～芝士牛油果烤雞披薩好鍾意呢個！pizza邊有少少脆；牛油果夠熟，軟淋淋咁；再加上烤雞，口感唔錯！是日甜品士多啤梨朱古力蛋糕估唔到呢個甜品都好好味！除咗朱古力蛋糕之外，上面仲有士多啤梨同忌廉，perfect match！好鍾意個蛋糕，因為朱古力味好濃兩杯餐飲，另外叫咗杯Sangria～Sangria Glass ($38)Sangria果味濃，酒味就冇乜，比較似果汁～另外仲加多咗

約左閨蜜食飯😛上網搵到依間好多人推介依間專門食意粉既餐廳，餐廳裝修好有心思，除左到處放左酒樽，連燈都係由酒樽組成，非常精緻香草烤雞雜菌羅勒忌廉意粉$78青醬係我的最愛， 加上大量olive oil, 拌起上黎香上加香！而烤雞好嫩滑絕對唔dry溫泉蛋蒜香蘑菇鮮製意​​粉$68呢個要特別一提，意粉係餐廳新鮮製作，竟然係呢到食，真意想不到😋意粉身較粗身多左一份彈牙嚼口。 蒜香味重加上大量菇，好岩我口味。雙重辣味煙肉蒜香魔鬼意粉$68最後唔夠飽，原來加$10可以將意粉加大！ 味道香辣！ 鐘意口感刺激既朋友仔下次可以試下，個陣辣唔係麻辣，辣味會停留係脷，好過引👅香蕉朱古力披薩$48最後食埋甜品，濃郁既朱古力雪糕配上香蕉，一口落去加埋熱辣辣脆卜卜既披薩，認真滋味😍

好姊妹帶我食好野，去到間餐廳先知年幾前去過，印象中食物質素都唔錯😃，環境又好，可以慢慢享受。哩到叫意粉狂熱，我估意粉喺賣點。當然要點個意粉試下，鍾意哩款意粉夠乾身，無醬汁淋喺意粉上面，不油膩。白酒汁同蒜香好均勻被意粉吸收，好入味；蜆就冇沙粒，可以放心大啖大啖食落口😋。之後點左個西冷牛扒，牛扒上面有一格格網燒紋理，應該喺網烤過程中造成。牛扒個size都幾大塊，如果一個人食哂應該會幾滯。牛扒大約5成熟，切開裡面仲粉粉地色，肉質好淋，有牛味。牛扒邊邊約半吋位置喺脂肪位，脂肪位置超淋入口即溶。平時都唔會食脂肪位，不過哩塊牛扒幾高質，所以都食左少少，好滿足😋又好怯疚。本身想試埋個薄餅，不過太飽嘅關係食唔落。好彩仲有個食甜品嘅胃🤣，所以點左個香蕉朱古力披薩。披薩即製即出，薄餅面層有些少焦糖，脆得黎有少少軟身。香蕉🍌數量唔多，有幾塊調下味，不過反而冇咁滯👍🏼。最後要讚下個侍應哥哥，又靚仔又好笑容😉又有禮貌。