Mad for Garlic (Closed)

食通天食中菜就食得多，今日試一下西餐！去到門口已經覺得裝潢環境一流，好似去左外國酒莊咁😮拍拖一流（不過現場都有不少一家老幼）裝修相當落重本，又夠私隱度Set menu，不過揸左車唔飲得酒，就散叫算吧餐牌選擇甚多，不過主打pizza、意粉、牛扒同飯，我地得2個人，無緣食薄餅。法包塔作為餐前小食不俗，口感似生蒜，與平常焗爐所出既蒜蓉包口感完全不同炒飯口感甚佳，飯粒煙韌有嚼勁，韓國牛油溶入其中，非常香口，相當邪惡！意粉同炒飯比較，我更喜歡意粉，個辣度非常過癮同醒胃，青口亦飽滿有彈性，並非雪藏貨最後見MFG有我最熱愛既affogato，點可以唔試espresso 既甘苦撞落香甜雪糕，再加一冰一火，簡直人間極品埋單每人兩舊幾水，係時代廣場黎講都唔算貴吧！最後要讚讚全部店員都好勤快專業有禮貼心，有專人切法包之外，一舉手就有店員靠近，十分有效率

先前食過九龍塘既Mad For Garlic，今次帶男朋友去銅鑼灣分店食，唔知有咩唔同呢❓呢間既服務好似無咁多笑容，pizza上刨芝士亦無問及想要既份量，對比九龍塘分店就遜色一點，可能當時晚市較忙，服務員都未能顧及太多我地叫左兩個主菜，一個甜品同一杯飲品，分別係香辣三重蒜味海鮮意粉，蝦、菠蘿、炸蒜片 MFG招牌意大利薄餅，D.I.Y. 提拉米蘇配意大利手指餅及咖啡甜酒，紅莓白酒特飲🍕蝦、菠蘿、炸蒜片 MFG招牌意大利薄餅同九龍塘分店一樣咁正，味道相同，薄餅既蒜片炸得好脆，正👍🏿🍝香辣三重蒜味海鮮意粉比九龍塘分店更辣更濕，我譚仔食到二小辣，而呢個意粉都仲未令到我流鼻水既，但就辣度有分別。魷魚同上次一樣煮得岩岩好，好腍身。蝦就煮得老左啲，稍為粉粉地。今次青口同樣充滿鮮味，朋友都讚不絕口，絕對唔係雪藏貨，只係略為有啲腥味。份量望落比上次更大粉！睇黎唔同分店都各有不同🍮提拉米蘇就係食完要番轉頭，介紹俾男朋友食，情侶一齊食呢碟菜，自己用手指機沾咖啡、甜酒同忌廉，好食之餘又好玩，絕對可以增加情趣！三條手指餅既份量岩岩好，食太多就會漏🍹紅莓白酒特飲酒精味唔重，飲落個味好清新，甜甜地有少少生果味，好啱

早上去完海洋公園，下午就到銅鑼灣午餐。因為太趕趕趕時間就要走，都未好好研究個MENU。所以有一個單點了，另一個就叫SET。*芝麻菜火腿芝士卷香蒜蘋果醬薄餅（$138）這個是一個單點PIZZA，和平時吃到的餡料很不同。是一個帶蘋果香甜的薄餅；薄餅上有大量的芝麻菜，很有甘香；蘋果醬帶少少甜；火腿芝士卷帶點咸香；批底很薄，不會太飽濟；略嫌不夠熱。*牛油果伴煙薰蒜配自家製薄餅及腰豆醬（$98）店員會將薰了的蒜壓成蓉，再伴入車厘茄、紅菜頭和腰豆醬；伴勻之後的賣相不太好，但味道不錯，頗特別；蒜比起想像中不太濃；自家製薄餅不太夠熱，而且偏乾和硬身。*Set Lunch Salad跟午餐的沙律不錯，除了沙律和黑醋這兩個基本，還有磨菇。*香辣三重蒜味海鮮意粉（$148）辣度是我的接受範圍內；意粉幼身，夠al Dante；蒜味夠香；海鮮份量可以再多一點。*DIY Tiramisu (+$25)跟午餐可以加$25要甜品，我們點了diy tiramisu ；原來diy特意思就是由自己沾酒、特濃咖啡和芝士醬；吃的方法幾特別，味就都不錯，不會太膩。

今次又同朋友去銅鑼灣血拼，行到攰攰地，在時代廣場11樓見到這間餐廳，見內裡地方都幾大，幾企理，都沒有理會究竟係食咩，以為普普通通的西餐廳，於是便揾位坐下。望下餐牌，原來係食韓國料理，但又非一般的韓國食物，細看之下，原來每道菜都會加入很多蒜頭。再看看餐廳內的佈置，有很多蒜頭的物體，難怪餐廳名為 "Mad of Garlic"。無理由現在離開甘樣衰，我倆唯有硬著頭皮點些食物及抱住樂觀的想法，就是多食蒜頭對身體有益啊！但我倆還開玩笑地說，食完這餐，大家不用說話，口氣一定很大。哈哈！香辣三重蒜味海鮮意粉 $108甜甜辣辣，似用上新鮮八爪魚仔，辣的程度對於我來說，不是很夠辣。如果怕辣的人未必食到，但如果嗜辣的人卻嫌這種辣味唔夠。青口殼只是作點綴擺設，青口肉已融入意粉內，細細隻欠鮮味，大蝦蝦肉夠結實，意粉軟硬度適中。菠菜野菌雞鎚韓風意大利飯 $108有菠菜，菇菌，好香牛油味，雞皮煎脆卜卜，有它雞油香味，雞䭔醃漬味道比較淡，但勝在啖啖肉。而飯係用韓國米煮成，似十足意大利飯質感和口感，略嫌少少鹹，但也可以接受。烤MFG 招牌澳洲肉眼扒配蒜頭山 $188這份肉眼扒有220g，份量都唔少，我地點5成熟。店

即慶銅鑼灣一聚試試新野等位15分鐘左右 店鋪中間由酒櫃分隔左右2邊都都有卡位 燈光柔和 半開放式廚房四個人食 叫左3份麵包 2份意粉 1份前菜 1份牛扒同1份甜品 開心share但侍應太少 應付唔切仲要漏單2次 第二次同侍應Ken反應 但佢態度差 仲話佢係跟電腦做野 我心諗：咁我係咪應該自己行去電腦到落單？笑容同服務最好係翻版排球員朱婷整體上唔計侍應Ken既對待 係MFG特色蒜蓉包塔形狀似火箭 侍應會幫你切開麵包中間好多生蒜蓉 加少少辣味加上麵包外脆內軟 好蒜者會好鐘意白酒蕃茄汁煮藍青口用辣椒 洋蔥 蕃茄 蒜 香草同白酒煮 個汁好香好甜加上藍青口肉脹卜卜 好夾 見好多枱order 好味道原味蒜蓉包 2份（1份2件）麵包皮比包塔軟 蒜蓉份量少d我地用黎點青口個汁食個包吸晒青口汁 蒜香加青口鮮味香辣三重蒜味海鮮意粉海鮮有青口 蝦同魷魚 只得青口新鮮蝦入口好梅 魷魚就淋得過份 蟹柳口感個汁帶甜而少辣 蒜味唔重 一般勝在味道比較新鮮 有別平日西餐招牌蒜片墨西哥辣椒炒意粉炸蒜片鋪係意粉面 蒜味唔特出綠紅色辣椒炒意粉 夠干身 超野味不過比較辣(我食譚仔3小辣覺得少辣)有2位朋友就覺得好辣辣到面紅