Pause It (Moved) New Location

今日同屋企人放假去旺角行街，行過見餐廳裝修簡潔，嘢食又睇落唔錯，就入黎食個下午茶😋😋餐廳裝修以簡潔白色為主，比客人一個清新舒服嘅感覺。黎Cafe, 點都會叫一個特色咖啡黎試試🤤 我叫左一杯竹碳鮮奶咖啡，一開始聞落去只有咖啡味，不過飲落就開始感覺到濃厚嘅竹碳粉粒，口感都幾特別。屋企人就叫左杯蜜桃洋甘菊茶，好Fresh，唔太甜，好好飲! 絕對係解渴消暑嘅飲品。義大利飯嘅醬汁剛剛好，所以成個飯唔會太黏。黑松露好香，唔會蓋過雜菌嘅菇味。我自己再加黑椒，更加惹味😋雞翼炸到出面好脆，好香。裡面啲雞肉仲係好嫩！加埋雞翼上面嘅甜酸醬，雞翼真係無得頂。薯條配埋黑松露芝士醬，一開始食都好香。但係食食下，我就覺得有啲漏。但芝士愛好者可能會好鍾意。

週日在旺角想找一家咖啡店選擇很多，最後選了偏離鬧市中心的簡潔cafe星期日的下午4點，店內已坐滿七成食客，剛好大大的玻璃窗旁有位子，採光度十足，坐着看街也很寫意。咖啡種類有很多，挑選時也有難度，除了咖啡外還有其他飲品，最後飲品決定點熱Flat White 及蝶豆花青檸梳打。Flat White - 拉花拉得美美的，味道好蝶豆花青檸梳打 — 賣相很漂亮，味道跟大眾的青檸梳打沒有太大的分別，非常解渴。香辣炸雞翼 — 這個跟想像有點出入，炸得不夠脆，香辣汁味道跟現成的泰式香辣醬差不多。黑松露芝士薯條 — 大部份食客都有點這小食，定必是必點之選。果然不出所料，淡淡的黑松露，不會太露骨。芝士也不過濃，多吃也不會感覺膩。薯條炸得香脆，推！店內氣氛給人很悠閒的感覺，吃着嘆咖啡又看看街，是不錯的選擇。

今日同老婆帶小魔怪出旺角買野，順便去Pause It食個late lunch，之前搭車經過都想食，今次終於可以去試下了。舖豆裝飾走簡約風，連餐牌都係簡單設計。門口隔離有一排吧枱位，可以打開玻璃窗，不過望街景其實麻麻因為我唔鐘意食扁意粉，所以問可以轉普通意粉嘛。一位疑似老闆嘅男士話可以轉的。個蕃茄汁幾好，酸甜適中，配上煙鴨胸絲有幾分口感。有點似我最鐘意食嘅拿破侖意粉，我加左d黑椒粒，多左一份微辛感。老婆叫左煙雞胸肉三文治，本人對煙雞胸肉無好感，因為之前食嗰d都係鞋鞋地。不過，此店嘅雞胸肉一d都唔鞋，再配埋個好似係Cesar Sauce嘅醬，竟然令我愛上食哩個三文治。配菜薯條不過不失，新鮮炸起，口感都幾好。個汁其實係泰式雞醬，我諗如果有自家製醬汁會有特式d。雞翼比較細隻，可能$58要比6隻，不過我寧願大隻d，你比少一兩隻我。蝶豆花青檸梳打，我諗蝶豆花係俾色水杯飲品，因為飲落係青檸梳打味。反而西柚檸檬梳打飲落味道清新d，酸甜度適中。比起好多店舖，佢兩杯飲品已經交到貨。期待下次再試下其他食物，佢地餐牌唔算多款式，可能係小店關係。如果佢地會定時轉下餐牌，我相信會更有驚喜。P.S. 結賬時，之前位

一個平日既下午 我地一行4個女仔黎左呢間旺角既cafe食個悠閒下午茶Menu全日既menu都係呢2張 無lunch set 或者tea set等等既優惠卡邦尼長通粉 ($78)我自己本身就中意食意粉多過長通粉 但係呢度就set好曬 無得自己揀配咩粉 不過食落發現小店都整得唔錯 個汁唔會太漏 長通粉香軟彈牙All day breakfast ($98)有好多款材料形成色彩繽紛既效果 但就食落就無咩特別煙三文魚班尼迪克蛋 ($78)我地格梗將佢分成4份 蛋汁散落係塊脆多士同煙三文魚上面 感覺好清新好輕盈芝士黑松露薯條 ($58)滿滿既芝士同黑松露醬佈左係粗薯條上面 散發岀陣陣香氣 感覺好邪惡 薯條食落熱辣辣唔油膩 好食到停唔到口 但係就真係要趁熱食香辣炸雞翼 ($58)少少辣對我呢d唔食得辣既人黎講都幾過癮 唔錯飲品方面反而無太大既驚喜 朋友點左杯焙茶拿鐵 上面有貓貓既拉花 打卡一流 可惜飲落味道就比較淡總括而言 野食都幾好味 飲品賣相靚但飲落就麻麻地 地點就腳 舖面比較細但勝在企理乾淨 裝修有格調 係打卡既好地方