茶木‧台式休閒餐廳 (屯門市廣場1期)

Open Now

Now Closed

今日收工突然好想食台灣牛肉麵，近近地就去左好多分店的茶木。屯門市中心茶木的裝修好靚，入到去d台都好大張，唔會坐到好逼。仲有個茶水間可以自己倒水。檯面好貼心擺放左消毒酒精同紙巾，讚👍點左杯脆脆黑糖奶茶少甜，轉左紅豆無咁肥，d紅豆好飽滿，甜甜地幾好食。另外叫左杯果茶，金萱鮮芒果奶蓋，酸酸地好開胃，d芒果都好新鮮，超正，賣相亦都好靚主食終於來啦，為左呢碗牛肉麵，叫左香辣牛肉麵，唔會好辣，相信好多香港人都應該無問題，就住我地tune過個辣度。d牛腩超級淋，可以用入口即溶黎形容，而且煲左好耐，好入味。見個牛腩咁入味，就叫多個鹵水拼盤黎試下，果然有驚喜，味道好濃郁，d牛展都好淋好入味，而且鹵水的味道好香，好有台灣古早的氛圍。推介。之後叫多個鳳梨酸果甜酸肉，本來係一心唸住係咕嚕肉，點知又一次驚喜，真系一個雜果盤，有荔枝，藍莓，士多啤梨，火龍果，鳳梨，加上新鮮的豬肉。D豬肉咬落去係有肉汁果隻，食到豬味，肯定唔係冰鮮肉。保持住太興集團一貫水準，只用新鮮肉。最後緊係叫多個甜品，慰勞一下自己今日辛苦工作左一日。加左個冰淇淋芒果可頌窩夫。d雪糕食落好似哈根達斯，唔知係乜牌子，但味道真系唔錯，推薦食草莓味。個可

老公問我生日想食咩因為有小朋友同埋想同囝囝食草莓蜜糖吐司所以就揀間舒服就腳既餐廳特別會為小朋友預備餐具既餐廳一家人食得好開心食物款式多選擇花多眼亂一定encore因為仲有好多野想試。