Iberians (Closed)

平時約朋友喺尖咀食飯，通常都係喺加連威老道或海港城嗰邊，通常好少人會諗倒去尖東，就算尖東做野嘅朋友放工後通常都唔會選擇喺附近食，不過哩度有一間西班牙餐廳就非常值我我地特登過黎。其實上年已經黎過一次，野食質素唔錯，最鍾意係佢坐得舒服又冇前面提到兩個地方嘅餐廳咁多人，可以同朋友慢慢食慢慢傾。店內燈光半明半暗，配襯埋富特式嘅裝修同餐具，都姆有氣氛。餐廳走中檔路線，除左Tapas之外，亦有比較飽肚嘅飯麵同主菜提供。Sangria White($108/杯) -  Sangria加左少少果汁除左更容易入口之外，橙黃色嘅賣相亦色非常夏日，入面仲有青蘋果粒，幾啱女仔飲。周打魚湯($88) - 湯頭比較杰身，口感有少少粉似薯仔湯，入口少少紅蘿蔔作點綴，亦令口感比較豐富。香辣蒜香橄欖油大蝦($58) - 大蝦一客有八隻，每隻都幾有睇頭，食落好爽口蒜香味都好清香突出，好啱用黎餸酒。海鮮煎餅($68) - 煎餅比較薄身，炸粉唔會太厚，食落有少少咬口，都幾香口。燉自家製煙熏安格斯牛小排($188)  - 牛小排燉到好入味，肉質非常嫩腍完全唔痴牙，食落係帶番茄酸甜味，旁邊仲有香滑薯蓉。蟹肉蟹膏闊條麵($268)

餐廳係朋友book嘅我同佢都係第一次去根據Google map 嘅指示 佢係喺馬會附近咁直覺上 因為喺商場嘅後背底所以唔會覺得係有野食🫠 但就係嗰個位置零零舍舍有一間餐廳而佢雖然有室外嘅位置但全部都係有蓋遮住 落雨都ok嘅啊！其實佢都係一間商場舖另一邊嘅門口就係對商場一坐低就有得食 我遲咗少少到 朋友就叫定薯條同酒香辣蕃茄炸薯條 $48 👍🏾👍🏾👍🏾👍🏾佢係炸好嘅薯條 喺面嗰度加一羹蕃茄醬薯條同茄汁係perfect match但佢就用少少辣嘅茄醬 加溫泉蛋咦 又幾好食喎感覺上仲冇咁熱氣添( ´▽｀)不過中意食脆薯條嘅就再好好諗下先Parma ham with melon $78👍🏾👍🏾👍🏾👍🏾朋友問想就咁ham定有melon 我揀咗有melon 😆就咁食ham都有佢好食嘅位不過有時齋啪ham對我黎講會有啲鹹所以都係跟melon好啲幾中意佢切好一舊舊用牙籤串起ham同melon 一黎唔會食到好俹簁 二黎確保到每舊蜜瓜都有ham香辣蒜香橄欖油大蝦 $58 👍🏾👍🏾👍🏾👍🏾哇就咁數都有8隻蝦啦 哇我又真係覺得好食又抵食喎！58蚊 去蝦頭蝦殼 係留返蝦尾位置食落又冇雪味 咬落仲保留咗蝦厚肉個口

之前我話想試下西班牙菜，今日朋友就話搵到一間唔錯既，可以帶我去試下。尖東其實有好多西餐，好多間都試過，但我一直都唔知呢度有間西班牙餐廳。去到門口，我俾門口既decoration吸引左，擺滿好多酒樽，有唔同牌子既啤酒，呢間餐廳係bar and grill ，有酒飲又有野食。餐廳入面既decoration無論地磚，梳化，或碟，都充滿西班牙風情，地方亦好大，容納好多張枱，好寬敞。今晚我地食左「水牛芝士沙律」、「香辣蒜香橄欖油大蝦」、「蟹肉蟹膏寬條麵」、「安格斯牛小排」、同埋兩杯西班牙風味既Cocktail 「Sangria White」水牛芝士沙律（$88）呢個沙律既焦點係鋪面上果幾舊水牛芝士，好有口感，同時係口腔度有淡淡既芝士乳香味，我比較中意乳源水牛既芝士，個口感同味道比較清淡。沙律除左有沙律菜，仲有橄欖，加埋醋，酸酸地，好開胃，為下道菜做好準備。香辣蒜香橄欖油大蝦（$58）侍應一上菜，已經聞到好香既蒜味，蝦既size亦算大隻，調味用左蒜頭，紅椒，相當惹味，用橄欖油黎煎，而取代平時多數用既牛油，鮮蝦既味道無被搶走，保留到個鮮味。蟹肉蟹膏寬條麵（$268）對蟹膏心心眼既我，我成晚既期望係呢

呢排經常落雨，唔落雨又熱，真係要食返d好野對自己好d！今日早收工係尖沙嘴行街，順便同男朋友食下西餐～經過尖東搵野食，見呢間餐廳唔洗等位（因為係文華中心內），決定試下新野～裝修好有格調～特別係餐具，好靚好有西班牙風味～仲有少許浪漫🌹Menu上選擇都好多，而且價錢都好適宜～Main嘅價錢都唔會太貴～有龍蝦都係$388～Starter：香辣蒜香橄欖油大蝦（$58），好香蒜味而且熱辣辣即刻出爐的～足足有6-7隻大蝦，非常新鮮又爽口～Starter：水牛芝士沙律（$88）男朋友好鍾意水牛芝士，所以叫左呢個沙律，我係第一次食，芝士質感好特別，唔會太漏，加上蕃茄好開胃！Main：燉自家煙燻安格斯牛小排（$188）牛肉煮到好淋好入味，隔離配上薯蓉好夾～中和返個煙燻嘅牛肉味，整體好夾！雖然份量唔係好多，但安格斯牛肉黎講呢個價錢係抵嘅！Main：蟹肉蟹膏闊條麵（$268）見openrice好多人都推薦食呢個闊條麵～試左真係唔會後悔！好濃嘅蟹膏味，仲加上好多蟹肉撈埋一齊，一d都唔腥，仲有個溫泉蛋撈勻d麵，好好味～忍唔住食左好多～Drink：Tequila Sunrise 我突然好想飲返杯cocktail～呢

睇到我標題嘅人一定心諗 邊套西班牙劇呀～係Money Heist呀 最近睇埋最新個集就一路都好想搵西班牙菜食 🤣🤣🤣以下叫咗嘅菜係聽完個Staff介紹咗之後嘅結果❤️當然有啲係自己想食嘅嘢 但有人推薦真係好好😉⭐️法式龍蝦湯係極香濃嘅龍蝦味 好足料 一定花好多時間煮🤤⭐️煙三文魚凱撒沙律食主菜前叫翻個starter去fresh咗個嘴先😏⭐️香辣蒜香橄欖油大蝦啲蒜味唔夠 對比其他菜唔夠出色 唔試都得⭐️西班牙橡果豬鞍配蜜糖芥末醬好香 咬落去唔硬 好juicy 我本人都好常叫黑毛豬對比其他呢間做得唔錯嘅 配埋蜜糖芥末係甜咸甜咸嘅配搭 鍾意咁配就需要叫豬鞍啦！⭐️鹽殼麵包烤馬友我開頭以為麵包食得嘅 敲吓發現好硬 原來吃不得𥚃面魚肉好soft 咸咸香香 油脂比例都唔錯 推薦😊

Iberians係尖東一間西班牙fusion餐廳，店面比起同類形餐廳大，坐得鬆動又舒服，花紋地磚、掛簾同餐具令成間餐廳彌漫住一股異國風情。見Openrice訂枱有9折，今次同朋友飯聚就揀哩度試下。Iberians唔係一間純西班牙餐廳，所以除左Tapas哩類佐酒少食，佢仲有多款飽肚嘅主菜同飯麵提供，份量都偏大份。周打魚湯($88) - 比出面嘅大碗，可以兩三個人share飲，周打魚湯唔會太杰，入面都有幾多蜆肉。西班牙吐司($98) - 吐司一碟有四款唔同口味，由左至右係番茄沙沙、橄欖醬、辣椒配意式肉腸同蝦配大啡菇，旁邊仲有沙律菜。吐司口感鬆軟，其中我比較鍾意橄欖醬，鹹鹹地幾惹味。香辣蒜香橄欖油大蝦($58) - 鐵鑊入面都有幾多隻大蝦，蝦肉食落好爽口，蒜味好香濃，辣度其實只有BB辣，點到即止咁，就算唔食辣嘅都食倒。燉自家煙燻安格斯牛小排($188) - 牛小排份量比想像中多，入面都有四五件，每件都幾厚肉，牛小排燉得好腍好入味，旁邊仲有好多薯蓉，所以食完都幾飽。蟹肉蟹膏闊條麵($268) - 闊條麵除左蟹肉同蟹膏，上面仲加左隻半熟蛋，半熟蛋好流心。闊條麵比出面食倒嘅薄身，撈勻食每一啖都食倒