Video
Read full review
2019-01-10
172 views
2019年1月9日 星期三難得今日可以放晏就，當然係同其他同事一齊去食返餐好既，慢慢歎個午餐，傾下計同時又訴下苦咁喇今次就黎到將軍澳中心既the point，因為同事車我地黎，呢個商場只要有電子消費就可以免費泊車，而揀呢間餐廳純粹係未試過同貪佢既環境夠舒適寧靜，傾八卦野一流，其他人實聽唔到~見到個餐牌上面有好多野食，好多食物都好吸引，當中最吸引我眼球既就係個龍蝦pizza，好想見到實物黎食，所以已經急不及待叫好晒食物軟殼蟹沙津: 菜好新鮮，落左勁多麻醬，岩晒鐘意麻醬既我，而且軟殼蟹應該係岩岩炸起，因為一咬仲有煙走出黎，熱辣辣芝士焗龍蝦蜆殼粉: 呢個真係要一讚，芝士焗得香不在話下，但一夾起竟然做到拉絲效果，而醬汁仲係濃縮左既龍蝦汁，好食到停唔到口！！黑松露薯條: 有好濃厚既黑松露味同埋又係邪惡既芝士拉絲，但相較其他菜式較為普通一點紅酒燴牛肉貝殼粉: 牛肉好大粒，咬落好淋，個汁同d粉都好配合，而貝殼粉有少少硬度，口感比通粉更加好香辣蕃茄醬燜肉丸: 我地有4個人，估唔到每人都分到兩粒，仲有麵包點個醬一齊食添！！肉丸食得出係自家製既，因為個口感同普通連鎖家具店食既肉丸有分別，肉汁再多d，同時又
難得今日可以放晏就，當然係同其他同事一齊去食返餐好既，慢慢歎個午餐，傾下計同時又訴下苦咁喇
今次就黎到將軍澳中心既the point，因為同事車我地黎，呢個商場只要有電子消費就可以免費泊車，而揀呢間餐廳純粹係未試過同貪佢既環境夠舒適寧靜，傾八卦野一流，其他人實聽唔到~
見到個餐牌上面有好多野食，好多食物都好吸引，當中最吸引我眼球既就係個龍蝦pizza，好想見到實物黎食，所以已經急不及待叫好晒食物
軟殼蟹沙津
11 views
0 likes
0 comments
軟殼蟹沙津: 菜好新鮮，落左勁多麻醬，岩晒鐘意麻醬既我，而且軟殼蟹應該係岩岩炸起，因為一咬仲有煙走出黎，熱辣辣
芝士焗龍蝦蜆殼粉
17 views
0 likes
0 comments
芝士焗龍蝦蜆殼粉: 呢個真係要一讚，芝士焗得香不在話下，但一夾起竟然做到拉絲效果，而醬汁仲係濃縮左既龍蝦汁，好食到停唔到口！！
黑松露薯條
14 views
0 likes
0 comments
黑松露薯條: 有好濃厚既黑松露味同埋又係邪惡既芝士拉絲，但相較其他菜式較為普通一點
紅酒燴牛肉貝殼粉
12 views
0 likes
0 comments
紅酒燴牛肉貝殼粉: 牛肉好大粒，咬落好淋，個汁同d粉都好配合，而貝殼粉有少少硬度，口感比通粉更加好
香辣蕃茄醬燜肉丸
$84
21 views
0 likes
0 comments
香辣蕃茄醬燜肉丸: 我地有4個人，估唔到每人都分到兩粒，仲有麵包點個醬一齊食添！！肉丸食得出係自家製既，因為個口感同普通連鎖家具店食既肉丸有分別，肉汁再多d，同時又好配合個蕃茄醬，不過唔太食到有辣味
龍蝦薄餅
$298
25 views
0 likes
0 comments
龍蝦薄餅: 主角終於登場，睇賣相已經好吸引，有好大個龍蝦頭係中間，而且散發住好誘人既香味。每人大約分到兩塊，每塊都有唔少龍蝦肉同半粒蕃茄。原本以為中間個龍蝦已經起晒d肉，只係用黎做裝飾，點知原來釀左蘑菇落去！！仲要係好重龍蝦味，好有心思同驚喜！！
香蕉雪糕綿花糖薄餅
23 views
0 likes
0 comments
香蕉棉花糖雲妮拿雪糕薄餅: 之前從來未試過甜品都有薄餅，試落味道又唔錯，鹹既薄餅上面有甜既朱古力醬、綿花糖同融融地既雪糕，一鹹一甜又出奇地夾
埋單每人大約$250，可以傾足成個晏就又食得咁豐富真係唔錯~~
Post
