MOO MOO Plus (百德新街) (Closed)

行到去銅鑼灣海傍，見到呢間bar對住海景，好有外國風情，仲有得畀你揀坐戶外吹吹海風添🌊！入到去環境寬濶，唔怕同隔離枱痴得太埋，成個感覺都係好chill~😍 呢間餐廳聽個名都知係食牛啦，但原來青口都係一大賣點，小朋友先做選擇，我就當然兩樣都試啦！一上枱已經好香忌廉味，賣相仲要好吸引，仲要配埋兩塊牛油蒜茸法包。青口都係大大隻，點埋忌廉汁入口真係好creamy又鮮甜，酒味又會平衡返，食落都唔會覺得膩。蒜茸包好脆口，沾啲忌廉汁就更加好味🤗最期待嘅牛牛到了~ 封門柳每塊都好粉嫩，口感唔錯，唔會好難咬，肉味都好濃，仲可以配埋燒汁一齊食！ 配菜仲有田園沙律、薯蓉、蘆筍同燒蕃茄，等你一啖肉一啖配菜，口感唔會悶！食牛又點少得薯條呢～本身都諗緊叫香辣薯條定松露醬薯條，但心思思都係想食啲香口惹味嘅，就揀咗香辣薯條！薯條脆卜卜，仲有啲甜椒粉，唔會好辣但好有風味。佢配埋一兜粗鹽，都係第一次點粗鹽食，食落又幾夾喎～見到呢度原來有封門柳同青口放題，下次都可能會嚟試一試😍 食飽之後，行出去仲可以沿住海景散下步都唔錯㗎～

銅鑼灣Moo moo plus又加咗新menu喇~呢間除咗有Burger🍔仲有西餐菜式選擇🍽 又可以望住個海開餐 都幾chill架🌤🌊 位置係fashion walk真係 好就腳添啊！ 平時我地通常都食pizza 🍕同Burger，僅此見到新野當然要試下喇！🐚加拿大藍青口配白酒忌廉汁 藍青口堆成山 而且隻隻都好肥美😍 白酒忌廉汁 濃香嘅酒味忌廉又好creamy🥂碟邊配上兩塊蒜蓉包可以點汁🦀避風塘原隻軟殼蟹炒意粉🍝見到個名就覺得好特別啊 好港味！中西結合而成嘅 fusion 菜🤩原隻炸軟殼蟹🦀 外脆內軟 一上菜就好吸引啊！旁邊仲有好多避風塘式炸蒜🧄！彈牙嘅意粉 撈埋d炸蒜🌶少少辣🦀軟殼蟹香脆惹味，十分之開胃🤤🐂美國招牌封門柳🥩5成熟封門柳...好有牛味！🔥火候都控制得好好，牛柳肉質鮮嫩 ！最特別嘅係 上面鋪咗 脆卜卜嘅炸金菇，真係好惹味！🫑伴碟仲有雜菜甜椒🥒！🍌飛天遁地香蕉船 個名好有型！香蕉船上面有🍦三色雪糕，分別係🍓士多啤梨、🥭芒果、🍨雲呢拿，上面淋咗朱古力醬，最過癮嘅係有🍉西瓜味嘅爆炸糖💥 俾我地撒上雪糕食幾得意🤣邊食邊炸 好好玩啊！！🍴MOO MOO Plus (Fashion

因為男朋友鐘意食西餐同burger，搵左呢間喺銅鑼灣既餐廳黎陪佢試。有少少戶外坐位都幾chill，不過我怕凍都係坐室內😂。唔止有一般既西餐菜式，連素食菜式都有👍🏻，想飲酒既更加有既happyhour(3pm-8pm)都好抵。🔅平鐵牛排 ($188)牛排叫左五成熟，煎得都幾香唔會韌、加埋少少黑椒、點少少鹽吊下味已經好夠。Salad加黑醋好開胃，仲有埋粒baked garlic 🖖🏻。🔅滋味雞堡 ($108)店員好貼心問使唔使切半，又提供手套方便食抵讚👍🏻。雖然包偏厚但都好軟熟唔會乾，加埋醬都幾夾，雞扒就唔算好大塊。🔅香辣薯條 ($42)薯條都幾大份，炸得好香脆，平時比較少有香辣味所以特登叫黎試下。香辣粉都撈得幾勻，又唔會好辣，幾滿意！💬雖然有酒吧，但環境都唔錯，食物選擇都幾多，適合人多聚會既時候黎試多啲野食😚。

🍔星期日去銅鑼灣行街想食burger 揀左呢間係海邊 格調似酒吧嘅Moo Moo+ 之前聽講觀塘嗰間唔錯🍔店入面環境好relex 唔少外國人happy hour 又可以睇波🍔Edgar Moo $128一入去就俾呢個menu吸引左 “This Double cheese burger is named after the pride of Hong Kong-the second ever Olymics gold Medelist of Hong Kong” 咁光榮嘅事 就試下呢個burger其實呢個同本來嘅經典漢堡有d似 但呢個雙倍芝士 雙倍快樂 牛肉會薄身左但變左兩件 咩都打孖 🥰牛肉係安格斯牛肉 同蕃茄都有燒過嘅味 好香🐔Sexy Chick 件雞炸過脆脆的 但肉質保持到juicy同滑 醬汁係是拉差辣醬 sriracha moo moo sauce ,比起經典漢堡嘅醬 酸少少同埋有微微嘅辣 好特別 Burger份量適中 女仔handle一個都應該唔難❤️餐廳好貼心 會問burger 駛唔駛一開兩 仲有手套 方便share 又食得冇咁論盡❤️🍟burger冇跟薯條 要分開叫 有得揀

平時搭車經過見到呢間 Moo Moo + 覺得個名好得意，一直都想搵機會試。 Fashion Walk 呢一帶都幾多餐廳，期望自然有返咁上下，好彩今次總算符合期望。門面有餐牌可以睇啱先入去，入到去係正常餐廳格局，當日客人唔算多所以環境都幾靜下，座位都舒適。香辣薯條 ($42)薯條新鮮炸起，調味足夠但又唔會太辣， 醬汁就主要點茄汁，始終覺得薯條配茄汁先至襯。 呢個頭盤惹味得嚟又唔太貴，引起食慾一流。經典之堡 ($108)嚟到 Moo Moo + 又點可以唔食佢個漢堡， 以餐廳規格嚟講佢 CP 值算非常高。 漢堡嘅靈魂就係塊肉，而佢正正最出色就係塊肉，肉味非常濃郁，加上少少炭燒嘅餘味，味道真係一流。 肉丸意大利麵 ($148)肉丸出色，食得出香濃肉味絕對冇偷工減料。 個麵就正常，普通紅汁意粉。揀返漢堡可能會開心啲。(呢個唔記得影相)Moo Moo Shake (朱古力味)呢杯 milkshake 正正常常，但朱古力味唔夠，有少少美中不足。第一次嚟 Moo Moo + 比我預算中有驚喜，以佢嘅價錢嚟講都好高 CP 值，如果有機會我都會再嚟食個漢堡。

銅鑼灣分店我真係第一次黎，呢間鋪大好多，坐到好多人，繁忙時間嚟都坐得好舒服！ 🍴 白菌之堡 ($118) ⭐️⭐️⭐️⭐️💫 好大片芝士，配上少少蘑菇、生菜同蕃茄，真係份量十足！佢地塊牛肉真係好多肉汁，加上自家製嘅包烘得好脆，整體幾好！非常有層次！ 🍴 松露蘑菇薄餅 ($108) ⭐️⭐️⭐️⭐️ 松露味唔係好重，蘑菇多到成塊薄批上都有，pizza好薄好脆，唔會整到太乾，好味啊！面頭仲會有好多火箭菜，配搭得幾好！ 🍴 MM+雞槌 (6隻) ($54) + 香辣薯條 ($42) ⭐️⭐️⭐️⭐️💫 雞槌熱辣辣炸出嚟，炸到外脆內軟，加埋有四款醬汁跟埋，令雞槌香上加香，正！香辣薯條就食落唔辣，但都食到好滋味，粗薯條好有咬口，一路食一路食停唔到！ 🍴 MM+ Seasonal Lemonade ($38) ⭐️⭐️⭐️⭐️ 酸酸地好fresh好解渴，食熱氣野必配之選！ .............................. MOO MOO Plus 地址📍: 銅鑼灣百德新街59-65號Fashion Walk地下C&D號舖 總評分: 8.6/10 .............................. 味道😋:

星期日同男朋友黎銅鑼灣經過呢間新開既漢堡包店，入左去食午餐。銅鑼堡有太多材料所以勁高，好彩有手套提供，方便食用。安格斯牛肉好厚又多肉汁，鵝肝肥美，麵包又香脆，好難唔好食。加$8就有香辣薯條，份量十足，新鮮炸起，漢堡包同薯條係絕配。菇菇堡估唔到大啡菇有兩塊甘多，我地仲加左$35要安格斯牛肉，口感好豐富。炸雞條熱辣辣，調味惹味，炸得香脆，啖啖肉，好味。紐約芝士蛋糕入口綿滑，芝士味香濃，如果有埋餅底就更正。

跟好同事很久不見，有很多說話要說，於是我們今天一於到外面吃個午餐，開心暢談一下!上openrice看到名店坊開了一間新的burger店，於是便去試試看。餐廳門口位置有bar 枱，行入少少也有普通座位。lunch時段有lunch set也可以散叫!經典之堡，這間餐廳出名食漢堡包，當然要點來試試！這款經典有優質安格斯牛肉、芝士、蕃茄和moo moo汁，牛肉漢堡是自家製的，外層煎到有點脆邊，內裡是大概7成熟的牛，牛肉味濃，肉質鬆軟！moo moo汁相信是面頭的洋蔥煙肉汁，甜甜地，洋蔥又帶點辣辣地，非常惹味！經典薄餅，用上辣肉腸、火箭菜、芝士和蕃茄香草汁，pizza是薄批，餅底像餅乾一樣脆卜卜！辣肉腸份量都幾多，再配上新鮮的火箭菜，微辣又夠fresh！香辣薯條，薯條是粗薯條，外脆內軟，薯條上已有少許辣粉，所以就咁食已好香口，再點上蕃茄醬，味道更惹味！藍莓奶昔、西柚梳打，奶昔不會有好漏的感覺，有淡淡的藍莓味！而西柚梳打便是平時汽水那款！有機會會再來試試其他味道的漢堡！