Glasshouse Greenery (K11 Musea)

Open Now

Now Closed

悠閑又有feel嘅餐廳，播住輕快音樂，再配上美味嘅食物，真係好chill🥰呢間餐廳長期都大排長龍，我地都起碼等左成個鐘🫣但食完就知點解咁多人排咁耐隊都要等❤️All Day Breakfast 真係色香味俱全👍🏻有心思到連蕃茄都超級好味🤤仲有個牛角包仔都做到好出色，鬆脆得嚟唔會覺得好油膩，食完都冇咁多罪疚感😆❤️香辣龍蝦意粉個香味真係好出👍🏻辣得嚟完全唔會係死辣，仲食到食物原味，辣得好過癮😋食完一啖會想再接一啖😛由於我地都係2個人食😅真係叫唔到太多，下次可以幾個人一齊再食，食唔同款式😝

過咗一排人氣依然，今次訂咗晚餐試吓先，下次再试吓下午茶，high tea之餘感受glasshouse嘅悠閑。炒芥蘭苗伴西班牙火腿：Fusion之選，不過咸咗少少香辣龍蝦意粉：其實似 Aglio Olio 加埋龍蝦，當然係好味啦仲有個富貴鴨伴黑松露炒飯，同朋友掛住傾計唔記得映相😂😂😂個鴨外酥內軟，一d都唔乾唔嚡👍可能餐廳setting係下午茶啦，d枱偏細但d碗碟又偏大，兩個人張枱根本放落，一係拿拿臨食完一樣上一樣，一係碟疊碟，令到個晚餐唔可以慢慢嘆。

我好鐘意去K11 Musea 因為泊車方便, 今日同屋企人慶祝生日食Lunch 都揀左呢個商場既餐廳 食過太古城個間唔錯 同埋尖沙咀呢間個落地玻璃好似幾靚 所以就想試下我早上11點就黎到 已經開始有條小隊 香港人都好早起身😂今日叫左4樣野食, 全部都唔錯特別係個酥炸富貴鴨配森巴醬伴飯 ($198)隻鴨炸得好香脆 個份量都幾多仲叫左個椰香青咖喱青口, 蜆($148) 個咖喱好香 如果有配埋飯就一流 d海鮮都係新鮮既 蜆肉多汁同埋香辣龍蝦意粉 ($198) 我好鐘意食意粉 呢個都無失望 好香 同埋d龍蝦肉都彈牙 但比起個富貴鴨 性價比就無咁高個蟹肉牛油果沙律 ($148)都唔錯 蟹肉都多 但份量細左d 不過呢餐飯有個小插曲 話說因為疫情 而家枱上都會有塊板隔住 點知塊板因為無痴住張枱 跌左落隔離枱既食客 諗住好心提下d職員怕會危險整到人 但佢地d態度就好差 希望可以改善下 見到佢地咁 都唔敢再問佢地有無得係甜品上寫happy birthday個d lu(應該會太麻煩佢地), 開開心心食埋餐飯算D野食係唔錯既 如果服務可以好d就好好啦!

今晚又約咗2個朋友食飯 又去咗K11 MUSEA搵食 (係呀仲未厭)咁啱見到商場啲電視話有新餐廳 就上咗5樓睇下Glasshouse Greenery就如佢個名一樣 入面好green 仲有室外坐位 不過我地太怕熱就坐返室內😂講返食物先叫咗2個沙律懶健康Greenery Salad 入面好多沙律菜、杏仁同生果粒 精髓係...個底有好大舊burrata cheese🤩 呢隻芝士食落唔會好漏嫁！Avocado & Crab Meat Salad 驚訝地好食 入面加咗粟米粒好清新！香辣龍蝦意粉辣得過癮 好多龍蝦肉好好食！最後鐵板西冷扒配自家製京醬 舊牛有牛味 肉又軟林林 唔錯！等冬天涼啲再黎食過！😋