那個ㄋㄚˋ ㄍㄜ (東寶大廈)

Open Now

Now Closed

特登嚟到北角，就揾定幾間出名嘅餐廳一次過試晒，實行少食多餐。呢間餐廳有最低消費，我地兩個人，又唔想食得飽得滯，就叫咗個香酥排骨便當 加個 黑糖梅子地瓜薯條 同 加大野飲。香酥排骨便當 $76：塊排骨大大塊，好吸引，可惜一咬開，白sai sai，鞋嘅，無味... 個便當除咗有飯外，仲有粉絲同蔬菜。黑糖梅子地瓜薯條 (大) $46：好食！蕃薯本身甜，加上甜甜酸酸嘅梅子粉，好開胃。呢度小食好食過主菜好多。出奇地我到訪嘅時候無乜人，可以任坐。枱與枱之間唔太密，都幾靜，餐廳亦無趕人走。如果想揾個靜靜地嘅地方hae 下，飲杯野，呢間都係唔錯嘅選擇。

尋晚6:00咁啱喺北角收工，男朋友約我去呢度食飯。首先見到佢個香酥排骨便當，嗰塊香酥排骨仲大過我塊面仲要加埋梅子粉酸酸甜甜，咬落去仲要係半肥瘦脆口排骨冇肥膩嘅感覺便當入邊嘅蘿蔔配菜都好爽脆男朋友就叫咗個香酥脆雞雞便當配蜂蜜奶油粉四大舊雞已經完全冚過咗個飯雞肉淡淡Juice 之後仲要自己加埋個海苔粉落去𝚖𝚒𝚡埋好食到不得了兩個人食完啲排骨同炸雞之後連個飯都爭啲食唔晒叫咗兩杯嘢飲不過唔記得咗影相添😞一杯係文山香檳青提暮雪入口好清香提子味佢裏面嘅果凍仲要係烏龍茶整嘅清香得來又有少少烏龍茶嘅味道仲要好有口感🤭另外嗰杯係金鑽鳳梨粉條暮雪入口係酸酸咪咪微甜一啲都唔假～好𝚏𝚛𝚊𝚜𝚑嘅鳳梨味道係北角首選嘅台式便當🫶🏻

未開門已經見到幾個人排緊隊入場，唔多唔少都有啲期望。試咗一個飯一個麵，一魚一排骨。枱面有三色味粉俾大家享用，海苔，麻辣，鹽酥味。海苔味最濃郁，其他味唔算突出。炸魚炸得唔錯，酥炸感十足，魚質亦紥實，面頭配咗海苔粉，味道唔錯。本身炸魚唔講究有魚味，所以相對排骨較易整。麵係蕎麥麵，硬道適中。湯係紅燒牛湯，湯底係清得嚟但夠味嘅，可以俾你揀咩辣，我就揀咗櫻花蝦辣椒，同個湯配搭起嚟都幾夾，但只有辣味唔太食到櫻花蝦味。個排骨雖然都係酥炸嘅但就有啲燶，同無炸魚炸得咁好，排骨亦唔入味，比較淡味，可能佢係想你配搭枱面啲粉嚟享用吧。嘢飲？ 嗌咗一杯黑糖粉條奶茶同檸檬冬瓜愛玉，兩杯都可以唔駛試，同平時專賣茶飲店嘅質素差太遠，寧願要杯唔駛加錢嘅普通茶好了。整體嚟講不過不失啦，性價比中等，同平時啲台式料理差唔多價錢。唔駛排隊都可以試下新嘢嘅，但要排隊就唔太推介。

應該係剛剛開業，試業中1）晚上7點幾，就賣剩排骨、雞＆台灣腸，麵冇晒，只有飯，小食就賣剩丸類，想試三星蔥餅，賣晒2）枱面唔貼“xx出行”，搞到以為枱上嘅落單QR code係出行code,又要騰番出門口du3）出菜亂，先落單者（同一種餐）反而遲啲有得食😐滷汁ok，排骨鬆軟，初初食都juicy, 因為太大塊，可能啲熱力繼續溫住，食到最後，開始有啲乾香酥排骨，聞落都吸引，份量好大（女士來講）總體味道＆質素唔差，至於係咪台灣味道，sor, 只食過排骨，分唔到，希望遲啲預計好啲入貨量，唔使晚市乜都冇得揀、賣晒，試多幾款野再判定。