九份飽 (蜆殼街) (Moved) New Location

第二次食呢間台灣店，外面都係排隊排好長。上次等咗好耐，所以今次買咗外賣😋😋今次食左🍽：香酥排骨飯（$40）唔好以外個飯好似好細咁樣，如果女仔自己一個人食大多數都係食唔晒😂😂所以細食嘅話，可以選擇叫少飯🤣🤣🤣🤣佢嘅香酥排骨就算係外賣行5-10分鐘路程之後，都係非常之脆。重點係大份夾抵食👍🏼個雞蛋嘅醬油味亦都幾重嘅😋👍🏼然後個飯加咗少少滷肉汁，因為帶咗少少豬油所以成個飯好香😆😆🥰🥰上次點完佢哋個台式奶茶真係好好飲，但今次唔記得咗叫！下次再飲先😋😋喺九份飽買完，食完係真係九份飽㗎！九份飽📍地址：北角蜆殼街4號宇宙商業大廈地下1-3號舖

呢段時間唔係好敢出街，除咗返工就係返屋企煮飯，連旅行都無得去。不過，難得Friday，都想Happy吓，唔想煮喇。今日去到屋企附近，位於炮台山嘅九份飽，店面設計好有台灣feel，叫做滿足咗少少旅行嘅慾望。九份魚丸肉羹湯湯底都算鮮甜，入面有魚丸同肉羹，仲有芹菜同炸蒜，香味滿分！而魚丸大大粒，魚香味十足，但就略嫌湯唔夠熱。滷味拼盤拼盤有豆腐、雞蛋、豬耳、雞翼同牛展，滷水香濃，夠晒入味而價錢仲夠晒親民！台北豬腳飯豬手份量超多，肥瘦比例均勻，唔會太肥膩，食落好膠口，真係啖啖都係豐富嘅骨膠原！飯底索晒豬腳汁，連飯都充滿骨膠原。香酥排骨飯排骨炸得好酥脆，夠晒厚肉，食落好juice。胚芽珍珠奶茶茶味好香，入面仲有好多珍珠同胚芽，食落好有口感。（記住Like同Share畀朋友）By  A姐M佬 玩樂日記

突然想念台灣的小吃今晚就不顧一切也要吃台灣料理紅燈籠高高掛氣氛甚佳一張菜單排面簡潔易明點了懷舊滷肉飯和香酥排骨飯滷肉飯是台南版本肥肉明顯伴上豬油和滷汁非常下飯但飯粒有點過硬缺少了軟綿綿的口感排骨炸得非常酥香五香味濃郁肉質鮮嫩咬下去有肉汁流出點了酥炸花枝丸和滷青菜作小食炸花枝外皮香酥但有點硬滷青菜只是水灼青菜加滷水點了九份芋圓作飯後甜點芋圓煮得透徹質感Q彈配上仙草味道非常地道飲品則點了冬瓜茶蜜桃紅茶

2019年8月10日。炮台山。晴。炮台山呢間台式食店開咗唔算好耐，但有時經過都見生意唔錯，於是呢日就嚟試試～門面都幾有特色，無幾耐之前先去完九份，感覺特別親切裏面嘅裝修都幾得意～滷青菜，$15通菜爽脆好味，個滷汁香濃但唔會死鹹～紅燒牛肉麵，$45味道幾好，麵質剛剛好，唔會過硬亦唔過軟，牛肉有三、四塊，都好飽肚～鳳梨綠茶，$10跟餐好多嘢飲都只需加十鈫，好抵呀～夏日炎炎，一定要飲返杯凍飲解下渴～鹽酥雞，$35呢個鹽酥雞非常大份！！食極都食唔晒！香酥惹味～香酥排骨飯，$40下面嘅飯淋咗滷汁，仲有半隻滷蛋同青菜飯上面就堆咗勁多塊排骨，外層酥化，裏面嘅肉香軟，正！雙層起司蛋餅，$30蛋餅可以話係我最愛嘅台灣小食而呢個蛋餅，一食真係驚為天人，鍾意食芝士嘅一定要嗌呀！！！食完齒頰留香，回味無窮，我絶對會為咗呢個蛋餅再食呢間餐廳～食咗咁多嘢，兩個人埋單先至$200行開銅鑼灣嘅，不妨行遠少少，嚟呢度食，慳好多～

台菜不止於小吃，但台灣始終以小吃聞名，擔仔麵、滷肉飯、牛肉麵、刈包、鹽酥雞等，想起已經垂涎，同樣是我的 comfort food，今晚相約友好，一同前往蜆殼街試試新開的這家台式小店－九份飽。細小的店舖，佈置非常密集，頗有特色。但餐桌空間少，大部份客人只是速食，無暇欣賞，出菜快，星期五晚也許太忙，員工有點冷漠。懷舊滷肉飯 $39味道唔錯汁夠多，肥瘦參半的滷肉，份量十足，飯偏腍糯，$39/碗吃得過。台灣擔仔麵 $40材料多元化，貢丸、蝦、滷蛋各一只、若干肉燥、雪菜及芫荽等，麵質都幾好。刈包 $30 包身軟熟，五花腩肥美，肉汁豐富，好吃。香酥排骨飯 $40四大片香酥排骨鋪滿飯面，名副其實香酥，炸得唔油膩，口感鬆化惹味。九份芋圓 $35想唔到幾大碗，不同顏色的芋圓，軟糯煙靱。全部飲品加$10就有，可以選擇甜度由0-10份，依我口味，5份最適合。鳳梨冬瓜 $10冬瓜茶味道比較淡，添上鳳梨的甜，最好不過。

近排好多佢既新聞，唔理新聞真定假，試下食物質素最實際。夜晚8點黎到，都坐滿咁濟，等左約1-2分鐘就有位。但係啲座位有啲逼gip，始終地方偏細。食物選擇唔係好多，我地2個人，叫左個大魯肉飯同香酥排骨飯。香酥排骨飯共有四塊排骨，一咬下去，好香脆，真的讓我想起台灣街頭小吃的味道。魯肉飯啲魯肉都好入味，肥瘦適中。碗飯睇落唔係好大碗，但係食落都好飽肚，食到我十分飽！兩個飯味道唔錯，可惜係座位唔係咁好坐，同埋無諗過珍珠奶茶只可散叫，無得跟餐。