Mimila (Closed)

好麵自然想多看你幾面，相反嘅一面都嫌多，講緊嘅係位於沙田新城市廣場一期七樓嘅Mimila馬來西亞麵食喇。依曾樓有好多食市，要係咁多食市中特圍，就一定要有自己特色，馬拉麵或者係其中之一。今日人也滿多，坐了八九成，好在下午才去，不然一定爆滿。睇下食咩先，有麵有飯，難得咁緊係要叫啲招牌野喇，今次就叫左"馬來辣蝦湯-摻摻"，三蝦撈麵，馬來奶茶。馬來辣蝦湯-摻摻，配有海蝦，青菜，芽菜，湯低十分濃郁海鮮味，蝦爽口，再配有特色摻摻，即係米粉加油麵，份量足，十分飽肚。三蝦撈麵，蝦炸過香脆可口，撈麵蝦子味很重，還有碗清湯味道鮮味，變相多種食法。馬來奶茶，比傳統港式奶茶較重奶，偏甜小朋友也喜歡飲。同場還有愛麗絲展覽，有得食有得玩十分滿足。

因為沙田間一田開咗，所以想黎行下，就順便喺度食埋飯。不嬲都知道新城市廣場多嘢食，不過成日食嚟食去都係日本野韓國嘢嗰啲，難得見到有間馬來西亞食肆，就決定試一試一開始我哋去到都未好多人，所以唔使等位不過入到去冇幾耐就開始勁多人，全場爆滿，估唔到原來我哋隨便入嚟坐低嘅呢間餐廳都幾受歡迎首先嚟到嘅係串燒，我哋一開始係比佢個名「串串貢」吸引左。可以揀雞牛豬嘅其中兩款，每款有三串，我哋就揀咗雞同埋牛。店員一放低碟野，我哋就聞到勁香，拿拿林影咗幅相就即刻食！佢一串唔算多，一兩啖就食得晒，但係就燒到啱啱好，肉質唔會話太乾身，再點少少沙嗲醬嚟食就啱晒之後就有呢碗白毛豬河粉，一睇到就知道佢豐富，有好多餸鋪滿係河粉嘅上面，湯底嘅濃度適中，而豬肉嘅肥瘦都適中蝦子撈麵嘅餸相對上就冇咁多款式，但係蔥、芽菜等等都係落足料，個撈麵都唔算話太鹹，撈得到幾均勻最後仲有一杯馬來奶茶，相對港式奶茶，馬來奶茶嘅味道清淡一啲，茶味比較重，我哋叫咗小冰，不過我覺得唔叫小冰凍啲咁飲應該會比較好

今日黎到沙田同女友仲有伯友一齊食個豐富午餐，一下子想食啲東南亞野食，見到有呢間就上黎一試！一開始係肉骨茶，同平時食到深啡色既唔同，佢湯比較清，有幾重胡椒味，有唔同部位既豬骨，其中豬軟骨位都幾好食。咖哩喇沙幾香口，我覺得咖哩味有啲重，肥牛都係中等質素，滲滲有兩種唔同既麵，令你可以試到三個唔同組合既麵食！馬來辣海鮮湯米粉係我推介既湯麵，湯底飲到幾濃郁既海鮮味，大蝦都有三隻。之後我地叫左一個小食，由於小弟幾鍾意食炸雞翼，呢個老巴剎雞翼幾岩胃口，佢炸得幾好，唔會太乾，同時雞翼都算大隻，好香口既選擇！最後要介紹既係呢到既奶茶，叫左少甜，飲落幾滑，奶味幾濃但又不失茶味！總結呢到位置方便，有專用升降機上七樓，服務都周到，食物唔差，其中推介海鮮湯同奶茶👍🏻

星期五下午，難得可以在沙田新城市廣場與朋友吃下午茶。吃下午茶，我當然想吃些甜點，但友人又想吃些鹹點，看見這間馬來西亞餐廳既有蛋糕甜點，又有鹹式小吃等，正好合我們心意。沙嗲魷魚翼（$58）👍👍👍👍魷魚翼是魷魚當中最爽脆的部份，配合惹味的沙爹汁，少許辛辣、椰醬及花生的香氣，辛香開胃，甚具街頭小吃的風味。參巴醬炸魚蛋 （$35）👍👍👍👍魚蛋是香港人最愛吃的小食之一，魚蛋大大粒，外皮炸至鬆脆。這款小食的特色是配合參巴醬，令魚蛋變成鹹香的馬來小食。貓山王芝士蛋糕（$58）👍👍👍👍👍馬來西亞的貓山王榴槤做的芝士蛋糕，幼滑的口感，貓山王的獨特味道令芝士蛋糕增添了層次。馬來咖啡（$26）👍👍👍👍咖啡味道很香濃，未飲已聞到香氣，奶味亦濃郁，配合我的貓山王芝士蛋糕也很夾。馬來奶茶（$26)👍👍👍👍奶茶的味道不太甜，滲透著淡淡的茶香，與港式奶茶的濃香有點分別。門面內在環境餐牌