蘇媽.蘇媽馬來西亞茶餐室 (Closed)

蘇媽蘇媽唔單止門面靚，入邊嘅裝修仲好有特色。一字骨肉骨茶要先飲咗個肉骨茶先，之後再食入邊嘅餸菜，記得要調校自己喜歡嘅醬油，之後再叫店員添返熱辣辣嘅肉骨茶，一字骨都算多嘅大概有四條，仲有豆腐卜，同埋金菇，肉骨茶嘅味道非常之濃，好飲。招牌砂煲老鼠粉，店員嚟到都提我地要趁熱攪拌，撈勻咗之後食，入邊嘅魚仔好鹹香，仲有老鼠粉好彈牙，撈埋一齊嘅口感係彈牙仲有魚仔嘅鮮味。馬來黑叉燒，叉燒半肥瘦，加上蜜糖嘅味道，真係難以抗拒，如果好怕肥肉嘅人可以選擇淨係食瘦嗰部份，不過我真係抗拒唔到，個腩肉係非常之油分豐富。馬來西亞串燒(6串)，串燒加埋沙嗲醬，簡直係好有馬來西亞嘅風味。甜品就點叫一個海南鴛鴦燒麵包，呢個麵包入邊有一塊厚厚嘅凍牛油，再配合埋熱辣辣烘咗嘅麵包，加上咖央醬，可以話係內冷外熱，仲要脆卜卜，真係減肥都要放埋一邊先。

人氣食店蘇媽·蘇媽終於開到嚟銅鑼灣啦！佢係主打馬來西亞菜式餐廳係用南洋茶室嘅懷舊風格設計，牆上嘅壁畫勁有馬拉風味！不過我想講啦呢間餐廳雖然食過幾次，我發覺店員嘅服務態度每次來都好差！明明當時有好多張吉枱，又無咩客，都係要你坐張二人枱或者搭枱，每次都坐得好唔舒服又迫！同佢地講要求換枱佢哋又西面唔理人！又會吹你落單，好似趕住做下一台客咁🙄真係呢種咁嘅服務態度令人好討厭🤬🤬🤬幾好食嘅嘢食都冇用😡懷舊復古嘅茶餐廳文化令到你好似置身喺馬來西亞嘅小店一樣，好特別！魚仔將蘿蔔糕 $52魚仔醬有少少微辣和胡椒香，個醬做得好好食！蘿蔔糕係偏淋身嘅，食出嚟個口感好煙韌，當一個小食都唔錯幾開胃！招牌砂煲老鼠粉 $92呢個老鼠粉做得超好食每次來食必點！因為佢加咗大量花生，肉碎和豉油去炒個銀針粉，加埋佢個蝦乾炒得好香脆，撈埋一齊令到個味道好濃烈，係馬拉娘惹菜嘅感覺，甜甜地加小小辣正！個咖喱汁好好食！佢落咗好多花生同沙嗲醬，好濃既沙嗲味，雞肉串同豬肉串好食啲！牛肉比較老就冇乜特別咖映多士呢個係每次嚟食必點嘅甜品！個咖映斑斕醬真係好濃烈，唔會好甜！配埋個香脆既烤多士和牛油，個斑斕醬爆曬出嚟，真係好好食😋！

裝潢完全符合南洋餐室風格，簡樸光猛，看來企理迅速。彩色餐牌簡而精，並非常常見到的菜式，頗有新意。 桌上備以黑豉油、頭抽、幸福辣椒，隨意添味；不過其實用不上，因為全部菜式本身已是濃郁重味的了。 馬拉沙嗲串燒 $88我喜歡吃沙嗲，先來雞、豬各三串，燒得微焦香口，肉嫩有份量。 靈魂在於沙嗲醬，沒有令我失望，濃郁味香，混合了香料，調得甚有馬拉風味。 招牌砂煲老鼠粉 $88喜出望外，砂煲的高温，成就材料的香惹，如甚有鑊氣般。 全部材料皆是濃郁香口，包括豬肉碎、豆卜、魚乾、豬油渣、生雞蛋，長長順滑的老鼠粉，仿似靈活的老鼠般滑至可快閃，混合來吃，味道豐富，甚有鹹香，惹味至會唔令人追吃！魚仔醬蘿蔔糕 $48魚仔醬撈啦啦 $56魚仔醬鹹香出眾中帶點鮮味，配實在的蘿蔔糕或新鮮蜆仔各有千秋，難得蜆仔選材新鮮肥美。一字骨肉骨茶 $128菜單上佔據整板紙，十款材料選擇，湯底一樣，而且淨湯可以無限添加。香而沒有霸氣的藥材味，湯頭順口味美；大大支一字骨，肉質不太嚡口仍可以，內有少量豆卜。榴槤多士餅配雪糕 $65有點驚喜，相比估唔中榴槤蓉味濃特出，多士餅香軟，榴槤控會喜歡。運作流暢，員工算是有禮貌，值得再來。

之前試過週末去旺角嗰間蘇媽，六點幾鐘已經排好長龍，所以未機會食到。見到銅鑼灣新開左一間，人流唔多，即刻去試吓。個人好鍾意食咖央多士，呢間特別在有一層厚厚嘅牛油，椰香同牛油香夾埋一齊都唔錯，不過送到過黎既時候只係暖暖地，prefer 佢熱d。特色飲品當然唔少得，椰汁斑蘭冰不過不失。桔仔話梅水飲落真係好酸，平時鍾意飲酸野嘅我就覺得真係好正。食肉骨茶嘅話，要跟住佢嘅步驟調配醬料。肉骨茶有好重嘅藥材味，豬腳彎本身味道唔濃，加埋醬料先好食。肉骨茶仲可以叫職員幫你添加，認真抵食。串燒都唔錯，最重要係個醬，可以盡情咁點醬，沙嗲味好香，仲有啲花生粒，值得推薦。第一次食老鼠粉，熱辣辣嘅時候食，覺得唔係幾好食，始終口感同一般麵條好唔同。但係唔知點解凍咗食嘅時候又OK，最後都一啖一啖食晒。入面有好多配料，食嘅口感好豐富，但比較大碗，都幾飽。呢間嘅味道整體都唔錯，仲有好多款菜式，其他推介嘅都未食過，下次會再嚟試吓。