南洋 (Closed)

放工約咗老公喺佐敦食飯，佢最鍾意食東南亞菜，所以我哋就去咗南洋。牆上嘅壁畫已經話咗俾你知呢度有新加坡、越南、泰國等風味，非常豐富。餐牌上都列出好多招牌菜式，而且圖文並茂，非常清晰。今日唔太肚餓所以我哋冇嗌到主菜食，叫咗一個小食拼盤share就啱啱好。小食拼盤啱晒兩個人食，總共有五款小食，包括蔥油豬扒、炸雞翼、炸春卷、炸蝦餅同無骨鳳爪。鳳爪嘅份量尤其多，醬汁酸酸辣辣，非常開胃。金沙骨肉骨茶好足料，你會見到大大件金沙骨，同埋原個蒜頭，不過你放心蒜味唔會太重，藥材味啱啱好。最後嚟個炒菜，我哋要咗馬拉盞炒椰菜苗，炒菜幾好食喎，馬拉盞炒味道微辣，好惹味。飲品我哋要咗牛油果沙冰($40)同青檸梳打($28)，係呢個天氣飲呢兩杯飲品真係透心涼。

一直都知佐敦有好多唔同種類嘅餐廳，有幾條街都佈滿餐廳，今晚就同男朋友嚟試吓呢一間越南菜。之前聽朋友講，佢哋話呢度嘅喇沙好好食，仲有一個牛油果沙冰好特別，但係我唔太鍾意食牛油果，所以試咗佢其他嘅飲品😋入到去，好乾淨好光猛，好精緻嘅裝修。而且有一幅壁畫真係一筆一筆畫出嚟㗎，好有心思。當時大概晚上八點幾，都有幾台客人食緊😋陸續又有幾台入嚟坐。每次食越南菜我哋都會叫喇沙㗎。龍蝦喇沙超級足料，成隻龍蝦擠滿了成個大碗。肉質超彈牙，好厚肉，店員仲好細心放咗一個木盤俾我哋處理個龍蝦。而且麵嘅份量都好多，喇沙湯都好濃郁，好香。之後就係食佢哋個金沙骨肉骨茶，有趣嘅係佢有成個原隻蒜頭放咗入去。我哋一人一半將啲蒜頭壓出嚟食，同啲湯一齊飲好夾，好濃味。而且金沙骨都有四大件，好正好入味。另外我哋都叫咗個炒蔬菜，中和返，食啲菜健康啲。飲品方面，我哋嗌左冬瓜龍眼冰，同埋椰汁紅豆冰。椰汁打成左沙冰，好夠香濃，忍唔住飲晒成杯！冬瓜冰就有好多材料，好足料，入邊有好多龍眼肉同冬瓜肉。消暑一流！店員好好人，係一次愉快的用餐經驗！下次想帶埋屋企人嚟食😋

佐敦不嬲都多小店 晚飯時段就揀左呢間睇落幾新淨既東南亞餐廳☺️發現原來佢都幾多特別既自創菜式🤩原隻菠蘿炒飯($108)🍍食落好香口飯夠乾身 幾惹味入面既料都唔少,有蝦蜆同魷魚而且食得出唔係用罐頭菠蘿 👍🏻胡椒粉絲大蝦煲($128)🦐呢個係店長推介既自創菜式蝦都算大隻 但粉絲先係重點粉絲吸收左大蝦同香菜既香味 非常香口😋馬拉盞炒椰菜苗($78) 🥬每次食泰國野都會叫番個馬拉盞炒菜,今次都唔例外 椰菜苗炒得香口惹味 送飯一流😆牛油果沙冰($40) 🥑超級濃郁好香牛油果味同帶點奶味沙冰打得好綿滑 完全唔會食到一粒粒既冰 十分值得一試!! 🤩椰青($36)🥥超清甜而且好厚肉食極都食唔完咁🥰 💸195 per person