Mee...lemongrass (Closed)

今日嚟到銅鑼灣皇室堡，同朋友一齊食馬來西亞菜。鋪頭係用開放式設計，燈光非常光猛，喺出邊都望到咁多位食客食得非常滋味，都好多人啊，我哋等左一陣就有位，好心急好想快啲食，因為喺餐廳出面已經望到有位印度籍師傅，好用心咁整緊薄餅，睇到我哋流晒口水。我哋叫咗一個招牌小食拼盤$168，入邊有好多嘢食啊，包括有蝦餅兩件、雞串燒兩件、燒雞翼兩件、同埋兩件燒春卷！全部小食都揸得好香脆，份量好足夠，我哋四個人食就啱啱好啦。印尼炒飯$78，色水好靚，火候夠，個炒炒到粒粒分明，又唔會炒到好濕，足料大碟，師傅非常有功價！我哋仲叫咗個馬拉盞炒秋葵$64，啲秋葵好爽口，加埋馬拉盞同埋少少藍地，非常開胃，好快就俾我哋食晒啦。緬甸咖喱$78，唔會好辣，椰汁味又夠重，有好多雞，啱晒我哋呢啲港式口味，配埋招牌印度油鬆餅$26，吸晒啲咖喱味，勁好食呀！

來到銅鑼灣，聽講附近有間食馬來野的Mee...Lemongrass 都唔錯，今日冒住大雨黎到呢間餐廳。餐廳門面裝修簡潔整齊。我地叫咗秘製肉骨茶$86、馬拉盞炒秋葵$64，同緬甸咖哩雞$78，配油鬆餅$26。以前去新加坡飲嘅肉骨茶都係以胡椒味為主，一直都好想知馬來西亞嘅係咪真係重啲藥材味。呢間就正正做到我想試嘅藥材味！佢味道真係好濃，但濃得黎純粹因爲佢本身好多湯料，一啲都唔係靠味噌！湯又夠熱 我都忍唔住飲曬全部！😋跟住好快就上咖哩雞！咖哩醬真係好味！咸味啱啱好，濃郁得黎又唔會好傑 油鬆餅沾上醬汁簡直係一流！ 油鬆餅外脆內煙韌，唔落醬原本就已經好香，咬落嗰種口感真係令人有一份滿足感！唯獨係雞肉唔算嫩滑,啲汁冇入到雞肉入面。朋友向來討厭食秋葵，今日原本諗住激下佢 專登嗌佢最討厭嘅野食！點知！完全失敗！佢竟然話好好食 咁我都同意嘅， 佢用好多蒜頭黎做個馬拉盞汁，而且秋葵切到細細條 少咗佢原本好滑潺潺嘅質感！朋友竟然成碟清曬😌 所以！健康嘅嘢煮得好味都係可以氹到最挑剔嘅人食唔停😏😏😏我再嗌咗杯熱杞子紅棗茶$26，朋友就嗌咗凍馬來特色手拉咖啡$28。咖啡略為太甜。不過總括而言，呢間真係唔錯！經過銅

今日行銅鑼灣GU，見門口有間馬來餐廳，乾淨企理，都幾火爆，都肚餓了，就喺度解決晚餐。睇下menu都幾多嘢揀，泰式小食，星馬美食，價錢喺銅鑼灣都算抵食既然餐廳主打馬來喇沙同海南雞飯專門店，當然就叫左個招牌喇沙同海南雞飯套餐。【招牌喇沙】好大份，配料勁豐富，大蝦 蜆肉 蟹柳 魚蛋 豆卜 雞絲 雞蛋，細食嘅可能都食唔晒。鍾意馬來喇沙因為唔似咖喱咁辣咁熱氣，小小甜甜地，粗麵同米粉配搭口感更有嚼勁，層次更豐富。【招牌無骨海南雞飯】又係好大份。有埋油飯，菜心，餐湯。見到個醬料唔似其他餐廳有三格，不過我次次都係點紅色辣汁，所以冇姜蓉反而好啲。雞肉都新鮮，雞皮好薄好軟糯，唔肥，配埋花生同青瓜絲，爽口又開胃。【馬拉盞炒秋葵】成日食通菜，今次見到有秋葵好特別。秋葵火候差小小，硬左D，不過都爽口嘅。馬拉盞好入味，有秋葵嘅清香同蒜蓉味。甜品係【椰汁西米糕】擺盤好精緻，唔會太甜，面頭嘅椰糕都幾厚，唔錯。兩人四個送，超飽，人均$143，好抵。細食嘅可以一人一個餐已經好飽。

係銅鑼灣行街最難決擇係食咩，花多眼亂去左買衫一出黎就唔多選擇就入左黎醫肚6點半入去，店員就已經同我地講今日無喇唦唔緊要既，馬來西亞菜，唔剩得喇唦既，所以就照坐低最快上既肉骨茶，落單唔洗10分鐘就上枱，都算上馬來西亞菜既名菜，藥材味有既，不過偏輕，唔算濃，肉有2，3舊仔，份量唔多馬拉盞炒秋葵，食1，2舊都仲可以，但慢慢就滲油出黎，唔夠干身同香反而炒粉絲夠乾身唔油膩，夠鑊氣味道出眾濃郁花生薄餅係最有驚喜熱辣辣出黎，即食香又脆，加上花生有炒過，令整塊薄餅更加香濃

之前經過過呢間野，見到入面好光鮮，今日有機會就黎試吓! 等左十分鐘左右就有檯啦，幾好彩，因為都多人排。餐牌上好多食物都好岩心水好吸引，價錢又相宜，所以我地兩個人一個唔小心就叫左好多唔逐一講喇，請睇相片。最推介係個海南雞飯，咁既價錢有咁高質素真係要encore! 個咖哩比較多油但夠香同辣度岩岩好! 配埋薄餅very good!! 總之整體都好正，下次會帶家人黎食! 大家都去支持吓呢間新力軍啦! 香港旺區而家好少咁抵食又好味既食肆了。