Mee...lemongrass (Closed)

星期六/日去青衣城睇戲，戲院樓下嘅 Mee 永遠都係人頭湧湧。為嘅係一碗限量嘅特價龍蝦叻沙！可惜嘅係每次去到都售罄。今日星期一，情況如何呢？答案係……平日嚟最好！晚上七時，完全唔駛排隊等位，龍蝦叻沙八點都仲有得食，想食限量龍蝦叻沙要留意喇！因為之前响葵興分店已經食過龍蝦叻沙，今日要趕睇8點場，時間緊迫，唔想煩又唔想污糟，所以食普通海鮮叻沙摻摻（$84）。叻沙湯底依舊香濃，椰香咖哩香味道互相輝映，加上海鮮 - 海蝦、魷魚、魚蛋、蟹柳嘅鮮味，甜辣味道層次分明而且平衡得剛好！淨湯都可以飲一大碗 香茅豬扒飯，豬扒肥而不膩，厚而不柴，淡淡滲出蔥香蒜香，即使唔醮任何醬料都非常好味！馬拉盞蒜蓉炒通菜，味道不過不失，可以平衡晚餐嘅肉類油膩感。士多啤梨沙冰，絕對係二人分量。沙冰用新鮮嘅士多啤梨打成，啖啖都有好濃嘅士多啤梨味。雖然偏酸，但非常開胃！因為係星期一，人流極少，店員服務都比較勤快細心。效率一流

今日去左拍拖，都係揀返食過覺得唔錯既mee...lemongrass。<泰國豆奶紅豆冰$38>上次見到人飲好似好正咁，今次到我喇！不過經過上次一人一杯太大杯，我地兩個人share一杯，完全夠哂。紅豆好腍好香，配上豆奶好夾，唔會太甜但又有好香既紅豆加豆奶味，令人想飲多幾啖。<馬拉盞炒通菜，$64>上次都有點既馬拉盞炒通菜，今次再點，依舊咁嫩咁好食。<緬甸咖哩牛腩，$78>今次係第一次試呢到既咖哩，上次隔離枱點左好香好似好好食咁。牛腩炆得都幾腍，而且半根半腩咁都幾好食。個咖哩係幾正，有少少辣再有啲奶香，食落個感覺好好，唔係一味得個辣字。

食物選擇好多，眼花撩亂！<凍馬來特色手拉茶，$28>呢個馬來特色手拉茶奶味同茶味配合得好好，奶味香濃，但又唔會太膩，唔會有苦澀既茶味。<Cool爆鮮芒果冰冰，$38>超級大杯既芒果沙沙，入面都有幾多芒果蓉，都幾抵飲。<Mee喇沙 - 大蝦, 蜆肉, 蟹柳,魚蛋, 豆卜, 雞絲, 雞蛋，$84>好足料既喇沙，大蝦好食幾新鮮，其他都普普通通。<馬拉盞炒通菜，$64>通菜都好鮮嫰，配埋個馬拉盞好滋味，不過略嫌鹹左少少。<炭燒豬頸肉，$78>炭燒豬頸肉勁好食，豬頸肉燒得好香，邊邊有少少脆，啲肉好嫰滑，再加上特製醬汁，勁惹味，勁好食。<香芒椰汁糯米飯，$48>個糯米飯好似壽司咁，芒果好鮮甜，一啲都唔酸。個糯米飯就覺得腍左少少，但係勝在好煙韌，加埋個椰汁好好食。

青衣人繼續在美食沙漠尋找綠洲，這次試試新開的Mee...Lemongrass。它號稱海南雞、喇沙專門店，正好都是我的最愛，不能不嚐嚐！海南雞喇沙（$78）— 我知道正宗喇沙不會是海南雞這個配搭，但海南雞和喇沙我都喜歡，所以還是選了這道菜。雞肉算滑，喇沙湯底也香濃，不錯😋馬拉盞炒通菜（$62）— 總覺得通菜與馬拉盞是絕配，這裏炒得十分惹味，火喉剛好。最後加配拉茶，一層厚厚的泡泡讓人急不及待嚐一口。滿滿的南洋風味讓這頓飯完滿了😌