Video
Read full review
2021-03-10
139 views
晚市堂食開返，終於有機會約朋友晚飯聚會。由於我哋都鍾意食泰菜，朋友喺銅鑼灣返工，就帶咗我去食一間樓上泰國餐廳「SAYAM Thai/Bar」，網上訂枱仲有折扣優惠添😉。餐廳門口有啲似做Spa嘅地方😂，不過入到去當然唔係，環境幾唔錯，燈光偏昏暗，行酒吧格調🍸。另一邊廂，我覺得窗户嘅形狀好靚，帶比人一種歐洲小屋嘅感覺。呢度嘅泰菜選擇豐富，湯、沙律、小食、串燒、拼盤、咖哩、海鮮、肉類、蔬菜以至飯麵等，一應俱全，樣樣都想食，好難揀啊🙈。餐廳嘅定價偏貴，屬中高檔次，不過勝在唔收加一服務費。秘製泰式海鮮意粉($128)，🍝意粉份量好澎湃，非常大碟。其實呢碟嘅造型幾似港式茶記嘅炒意，但食落幾有驚喜，因為意粉滲透住好香嘅香茅同金不換味，而且麵質亦好有咬口😋。同時，意粉配以大量餸料，例如有蝦、魷魚、蜆、豆角、粟米筍同蘿蔔等。個人認為佢算係一道幾成功嘅Fusion菜。馬拉盞炒通菜($88)，時菜方面餐廳有四至五種選擇，識食一定食通菜🌱。店員強烈推介用馬拉盞炒，同我諗法一樣，因為佢絕對係惹味之選。炒通菜整得相當好食，菜苗夠嫩，但咬落爽口，味道濃而不鹹，最緊要係熱辣辣炒起。黑毛豬頸肉($128)，店員同我講比
晚市堂食開返，終於有機會約朋友晚飯聚會。由於我哋都鍾意食泰菜，朋友喺銅鑼灣返工，就帶咗我去食一間樓上泰國餐廳「SAYAM Thai/Bar」，網上訂枱仲有折扣優惠添😉。
餐廳門口有啲似做Spa嘅地方😂，不過入到去當然唔係，環境幾唔錯，燈光偏昏暗，行酒吧格調🍸。另一邊廂，我覺得窗户嘅形狀好靚，帶比人一種歐洲小屋嘅感覺。
呢度嘅泰菜選擇豐富，湯、沙律、小食、串燒、拼盤、咖哩、海鮮、肉類、蔬菜以至飯麵等，一應俱全，樣樣都想食，好難揀啊🙈。餐廳嘅定價偏貴，屬中高檔次，不過勝在唔收加一服務費。
秘製泰式海鮮意粉($128)，🍝意粉份量好澎湃，非常大碟。其實呢碟嘅造型幾似港式茶記嘅炒意，但食落幾有驚喜，因為意粉滲透住好香嘅香茅同金不換味，而且麵質亦好有咬口😋。同時，意粉配以大量餸料，例如有蝦、魷魚、蜆、豆角、粟米筍同蘿蔔等。個人認為佢算係一道幾成功嘅Fusion菜。
馬拉盞炒通菜
$88
0 views
0 likes
0 comments
黑毛豬頸肉($128)，店員同我講比我嗰碟豬頸肉大碟過隔離枱喎，哈哈。🐷豬頸肉確係每片都大大片，厚薄適中。烹調方式未必係用上燒烤，所以油香一般，但就唔肥膩。伴旁嘅汁幾獨特，有別於一般嘅甜辣醬，感覺有啲豆豉味？
牛肉串燒($94/兩串)，🍢串燒賣呢個價錢有啲貴，不過出品都OK。一串有三件牛柳，肉質同肉味幾好，而講到最吸引我嘅係個沙嗲汁🤤。呢度嘅沙嗲一啲都唔辣，仲甜甜哋，幾香椰味同花生味，大啖沾滿汁食令我好滿足。
炸蝦混墨魚餅
$94
0 views
0 likes
0 comments
新鮮椰青($48)，我同朋友Share一個飲🥥，店員好細心比兩枝飲管我哋，話Very Romantic...。
總括嚟講，呢餐晚飯食得好開心😃，店員同客人嘅互動係值得加分嘅地方。想食泰菜加坐得舒服啲，可以考慮嚟SAYAM🇹🇭，記得訂定枱啊！
Post
