鮑魚汁扣原隻花膠扒（$268）是我來拍板的主要目標！生日豪一豪，來鋸花膠扒。經理會在客人面前（或附近，因為空間不夠）把花膠扒放入沸騰的鮑魚汁，一塊花膠扒足四位用，$300有找，我覺得很划算，好吃又好看。
之後鮑魚汁還可以拌麵（$56/2份）吃，大家都吃得很滋味。
酸菜魚（$248）也是ET極力推介的，果然是魚滑湯好喝。湯只是微辣，很適合我的家人，我想水煮魚比較適合我…湯內還有我喜歡的薯粉，我吃了很多。
紅燒藏豬（$198）也值得一試，藏豬的皮比較韌，肉臊味比普通豬明顯。
蝦子柚皮（$88/2份）是經典粵菜，坊間已經買少見少。柚皮只是「下欄」，要花很多功夫才令柚皮變成佳餚。一般粵菜館都不願花時間去做這類「功夫菜」，賣鮑參翅肚比較賺錢吧！難得這裡的柚皮價廉物美，沒有丁點苦澀味，很腍很鬆軟。美中不足的是蝦子不夠香，不過這個價錢不能要求太多。噢，我是很喜歡吃蝦子和蝦子麵的，因此要求較高。
我爸連打冷的「例水」也喜歡的，這裡的豐料老火湯（$98），我們當然不能錯過，是晚供應的是我喜歡的髮菜湯。
我還以為今年沒有「吹蠟燭」的機會，經理Ken哥送來生日馬拉糕，並為我高歌一曲！可能是聲浪太大，當時只有97日大的蝦米腸嚇得放聲大哭…（笑）
託ET的福，拍板送了生果拼盤和楊枝甘露。生果拼盤有木瓜奶凍，很特別呢！
我早就想用這篇食評做我的第100篇食評，可惜進度嚴重落後…抱著蝦米腸，聞著BB的香味，原來是很容易令人睡著的…新的一年，我希望自己能勤力一點，用文字和相片紀錄生活的點滴。父母在堂，我確信現在是我最幸福的時光。
涼拌豬肚絲 - 刀功一流,洋蔥絲配豬肚絲一樣爽脆,唔錯小食前菜.
麻醬四季豆 - 夠哂清涼,夏天小食佳品.
金沙茄子 - 咸蛋黃唔會過咸,炸得唔油膩,必點!
七味黃金粒 - 細細粒豆腐炸得外脆內軟,亦係推介小食!
椒鹽鮮魷 - 佢煎炸野做得唔錯,椒鹽亦好惹味. 另外我都會點椒鹽九肚魚,同樣外脆內軟!!
避風塘豬手 - 炸得極香脆既豬手外皮令人又愛又恨,肉質無過咸,送啤酒一流菜色!!!
蝦籽柚皮 - 呢款傳統菜已經冇幾間做得好,呢度既絕對無苦澀味,又腍又無根,介紹俾好多老一輩都十分喜愛!! $48一件極之超值!!!
酸菜魚 - 又係另一道必點菜色. 少許微辣既濃濃魚湯,每次必飲到見底. 魚肉十分滑溜,仲有其他青瓜,薯粉配菜,每次都食到清碟!!
鮑汁扣原隻花膠扒 - $268又係超值,夠厚身,鮑汁又好味,每次都一定加一份粗麵撈埋啲鮑汁,人間美味!!!
籠仔排骨飯 - 焗香過既排骨,配上炒過既香蔥蛋飯,其實真係好好味,可惜好多時大家都已經好飽冇機會試.
馬拉糕 - 無人不讚既馬拉糕其實係附送甜品,但極之鬆軟,已經唔多店做到咁既效水準. 所以每次食完朋友都大讚,仲有人要包走俾家人試添!!
最後要介紹靚仔又風趣既經理Ken哥!! (我被迫架....嗚嗚嗚!!)
Video
