新香園 (堅記)

Open Now

Now Closed

深水埗仲有另一間人氣食店 - 新香園既蛋牛治，同T先生繼續在深水埗食嘢😆😆新香園裝潢保留舊式茶記既風貌，而我地唔洗等位就可以入座。食物種類都係茶記應有的，價錢上亦相宜，平民街坊價錢。📍馳名蛋牛治(烘底)貴為人氣食品，點都要試，仲要烘底，新鮮烘好的麵包，即係多士口感，烤到啡啡黃黃，食得到脆脆的口感；而牛肉用左碎牛肉混入蛋漿而煎成蛋餅，食得到牛肉經過調味下的口感，熱辣辣⋯放入口會有啲盪口既感覺，我覺得幾好食，但T先生期望係用罐頭咸牛肉煮的。📍法蘭西多士即叫即煎，新鮮滾熱辣，煎到金黃色，再配上糖漿一齊食，脆口而且好好味 西多士愈是普通就會愈食得出口感和味道，並非間間都煎得好食架。我幾like 📍紅豆冰T先生認為食西多士要飲紅豆冰喎～～ 呢杯不太甜，紅豆夠味而且腍，味道唔錯。事後食評：價錢取勝，西多士幾唔錯，呢3樣中我最like👍🏻價錢：4.5/5.0味道：4.0/5.0環境：3.0/5.0服務：3.5/5.0衛生：3.0/5.0

中學放學後總喜歡在深水埗流連，卻從來沒有朝聖一下遠近馳名的新香園蛋牛治！食材雖簡單，但味道卻是非凡、難以忘懷👍🏻。用上醃製過的鮮牛肉比咸牛肉更能帶出牛肉口感。相信用心、足料、堅持便是這間茶記出名的原因😋。提提你們，麵包烘底會更美味喔！(走健康路線的還可以走牛油)Sham Shui Po evokes my high school memory🥰! Sun Heung Yuen created one of the best local sandwiches in town, simple ingredients but splendid taste. Toasted bread stuffed with scramble eggs and fresh beef. Instead of corned beef, the well-seasoned beef tasted more palatable and added a chewy texture to the fillings. Make sure not to come here during the peak hours, as

今日同友人黎到深水埗食成名已久既新香園（堅記）由於小弟一直都未食過，對佢既蛋牛治期望好高，黎到發現原來除左牛治其他粥麵都好正👍🏻一黎係蛋牛治，加左一蚊烘底，佢烘得剛剛好，唔會太乾太脆好似界損口咁，加上佢煎得好靚既蛋牛餡，口感一絕～ 味道方面都好好，由於唔係平時啲咸牛肉，所以令味道清啲同鮮啲👍🏻另一個好出名既係豬手麵，麵質一般但勝在南乳豬手調味好，成隻豬手都好淋滑，比平時出面既南乳豬手清好多～ 最意外係佢加左佢地秘製辣椒油好好食，個油好香，味道有層次，重香多過辣！用黎加係都到定點豬手同豬潤都好好食～叫豬潤粥目的係試埋佢個粥，原來呢到粥底有好重皮蛋味，一食覺得都好綿而豬潤熟道好好，食落好彈牙同好嫩～最後係呢到既奶茶，叫左小甜之後味道有啲似台式珍珠奶茶～ 口感好滑但我本人都係鍾意多啲茶味～總結新香園（堅記）出名係好合理，價錢係現今香港地黎講算係好平，同時佢大部分食物都好高水準（起碼我地今日叫個啲全部爽都係好食既），而且係辣辣油同豬手上面感覺佢地食物有下功夫去準備～ 本人非常推薦未去過既朋友一試！

行行下深水埗，見有少少口痕，就諗住入茶餐廳食個包做下麻甩佬，咁岩就去左♥新香園♥。呢到出名既就係蛋牛治！一份普通既蛋牛治點樣可以每到一間茶餐廳咁出名呢？答案真係要試過先知。馳名蛋牛治（烘底）$22烘左底既包好食就唔洗講啦，要講既係佢個內涵。蛋牛治顧明思意就係雞蛋同牛肉，六個字講哂：蛋味香，牛味濃。咬一啖，佢啲料係側邊已經想跌出黎，證明左佢係好足料架！一份蛋牛治配多杯野飲，這樣既下午茶都幾滿足。香港既舊式茶餐廳愈來愈少，大家要好好珍惜同支持舊式茶餐廳，始終都係舊式茶餐廳有味道！

之前在觀塘駱駝漆大廈，親自拜訪過前藝員伍文生開的餐廳「SXY Dance Cafe」，吃過「SXY」製造的「超級蛋牛治」。見識過原塊牛肉的「超級蛋牛治」後，是時候去深水埗，見識他岳父經營的「新香園（堅記）」，和元祖版本的招牌「馳名蛋牛治」。「新香園（堅記）」位於深水埗桂林街，桂林街都屬於車水馬龍，熙來攘往的熱鬧街道。桂林街不止「人氣」爆棚，就連食肆都有不同種類，不同款式任君選擇。當然，今次我的目標已經集中了在「新香園（堅記）」的「馳名蛋牛治」身上，不像伍文生「SXY」還有代表菜「蛋包飯」，是外來食客非試不可的菜式，其他食品還有留待將來有機會的話再講吧。伍文生的「SXY」之所以青出於藍，蛋牛治可以造得更勝「新香園（堅記）」，無疑是因為名氣所致。但是「新香園（堅記）」作為茶餐廳的聞名老店，他們將雞蛋和牛肉炒在一起，變牛肉炒蛋的另類手法，亦令忍不住要儘快一試味道。雖然「新香園（堅記）」在深水埗已經成了名，但是他們仍有動力去為自己作一些變革，例如設計了比較新和精美，比較易看得明白的餐牌，並將餐牌直接貼在牆上，當然還有另外再印製的餐牌放在餐檯。餐檯上的餐牌，就留待各位下次光顧「新香園（堅記）」時

　　深水埗出名美食處處，其懷舊本土特色也吸引本地人及遊客到訪。只是我每次去到主要都是買布買材料，亦是吃飽才去。這次跟朋友逛過商場，走出玻璃門。星期日的深水埗會是怎樣的光景？　　想找些東西填肚，畢竟餓了一朝早。只是友人們是吃貨，比較講求味道，想吃些名物。結果？不就是來到了無人不曉的著名小店一吃。到達時，正值午飯時間，門外是排了一條人龍等堂食等外賣。店內是座無虛席，搭哂枱都應付唔黎，可見其人氣之高。　　環境老實說不求太多，就是可以坐下來吃就好了。搭枱可算是本土文化吧，其實沒有什麼大問題，至少同桌的食客都正正常常。衛生仍是可以接受的程度，否則我大概會過門不入。馳名蛋牛治（烘底）　$19　　來到新香園，當然要點一份揚名海外的蛋牛治。可以保留原本，單用白方包，已去邊的。但喜歡香口及焦脆的話，可以加$1烘底。上桌是金黃誘人，沒有過份的焦燶黑炭。裏頭夾著的蛋牛餡沒有想像中澎湃及水潤，卻是依然香氣逼人。　　拿上手，放在面頭的烘底方包是直硬脆身的。只是底下一層吸收到餡料的濕氣，已經開始變軟變淋。方包本身帶點香甜，算是綿密的，表面微微酥脆，更有點點焦香。底部的雖已回復軟稔，但仍帶焦香及麵包自帶的甜香。　　

店名： 新香園（堅記）地址 : 深水埗桂林街38號A地下好味指數：7.5／10價錢：$21豬手麵大大碗的豬手麵才不過是$21, 而且味道絕不兒戲。大大件的豬手有2件， 入味夠腍，湯底索左豬手汁味道好juicy，麵質都算頗爽。店名： 新香園（堅記）地址 : 深水埗桂林街38號A地下好味指數：8.6／10價錢：$19馳名蛋牛治（烘底）識食一定要烘底，未試過都知一定好味好多。蛋煎得很滑，平時食蛋牛治出面多數係用罐頭咸牛肉，但呢度係用新鮮免治牛肉製成，鮮味十足。一份有兩件，熱辣辣之餘配料亦煎得厚厚的，好想大叫：伙記再來一份。