港澳義順牛奶公司

Open Now

Now Closed

上次經過見到一碗碗燉奶已經好想食今次食完晚飯口痕就去食返碗🤤成日覺得佢同澳洲牛奶公司好相似除咗燉奶，仲有各類型嘅鮮奶製品，亦有鹹食三文治同通粉／麵▶️ 馳名雙皮燉奶 ($40)當然要叫返個最經典嘅燉奶款可選凍或熱，個人覺得凍食正啲❄️最鍾意係面層嗰塊皮，好似腐皮咁薄但有質感第一口已經品嚐到牛奶濃郁嘅味道🥛香過飲鮮奶偏甜咗少少🤏🏻不過勝在唔會好假或覺得佢加咗好多糖，反而似牛奶本身天然乳糖味道布甸少少動L，唔可以話非常順滑細膩，可能因為偏水身，但唔會太稀如果鍾意creamy啲、杰身啲嘅布甸，呢個未必好啱你-欣賞佢雙皮奶牛奶味香濃🍼質感未必最好食最滑，但我覺得可以接受依家仲有其他款式味道，本身都有啲興趣試吓香滑咖啡燉奶 (不過驚伏🙈)服務還可以，姐姐做嘢快手啲急啲，態度唔差嘅環境擠迫少少，八點幾九點都仲好多人，全場滿座之餘要等位要同人搭枱都係正常嘅，最多食完即走人💨然而價錢貴咗啲，每年加$1，變到依家嘅$40/碗 (印象中係$36/碗)食完幾開心嘅，尋找返童年回憶味道👅

🥕馳名雙皮燉奶：6/10 （$32 凍熱同價）雙皮奶嘅質感尚算Q彈，搖下佢嘅話都會輕微彈下彈下，但係口感方面就略嫌唔夠幼滑細膩。味道方面，奶味濃郁，甜度適中，蛋味都足夠。🙎🏻‍♀️同🙍🏻‍♂️就覺得作為招牌菜再加上呢個價錢，口感方面應該可以做得更好。🥕熱巧手薑汁撞奶：6/10 （$35）薑味好濃，食落去確實係好暖胃，但係同時薑味亦都太過搶，蓋過曬本身應有嘅奶香。而奶底口感、質地方面大致同雙皮奶無異，所以除非你係好鍾意薑味嘅人（成碗嘢都幾辣下🥵🥵），如果唔係我地都係推薦叫碗原味燉奶就可以啦。

馳名雙皮燉奶（$36）緊係要食佢既招牌雙皮燉奶！面頭動L動L咁好治癒🥰係面既果層皮好香，燉奶既質感好滑好滑，而且奶味好濃🤩建議嗌熱既食，同朋友一個嗌左凍既一個嗌左熱既，覺得熱既係滑啲同埋奶香味重啲。

今次係我第二次食雙皮奶，而兩次都係食義順😂 呢次係因為諗唔到食咩甜品好就揀左佢🙈 食完呢個甜品，真係會令我覺得 有時甜品好食就得了 都唔一定要好fancy嘅😂😂⠀食下啲老字號真係食得返陣香港local味🤣⠀平時食甜品一定會慢慢食～不過今次去嗰陣就比較多人咁，所以都唔敢食咁耐阻住人地啲位～😂⠀⠀🐮馳名雙皮奶燉奶🥛⠀(凍/熱） $36⠀❥ ⠀佢個雙皮奶係整定嘅，我其實冷熱都食過，不過就覺得熱嘅雙皮奶好食啲⠀❥ 熱嘅雙皮奶個表面真係好滑溜😍 連上邊嗰層皮都冇皺皮～⠀入面仲滑過豆腐花🤩⠀❥⠀雙皮奶食落個味道其實係好似Pie and Tart鮮奶撻入面啲鮮奶咁～奶味好香濃又唔會太甜⠀❥ 凍嘅雙皮奶相比起熱嘅雙皮奶，佢個表面就會有啲皺皮，所以個皮食落都冇熱嘅咁滑⠀❥ 同埋凍嘅雙皮奶入面啲鮮奶係比熱嘅雙皮奶更加結實～係比較動L嘅感覺😂 熱嘅就偏向liquid 少少⠀⠀🍫香濃朱古力燉奶🥛 （凍）$37⠀第一次食嘅其實係朱古力燉奶，因為自己係比較鍾意食朱古力😂 （#巧克力控 😂）⠀❥⠀佢都係好香濃朱古力味⠀❥ 但係我覺得佢比普通雙皮奶甜少少，同埋因為佢都係凍嘅，所以我又覺得唔似熱雙皮奶咁滑溜🙈 ⠀❥ 我

同朋友喺灣仔食完晚飯之後，過咗銅鑼灣行咗陣，行行吓見返好耐以前食過嘅一間雙皮奶，就入去回味下。咁我淨係叫咗個雙皮燉奶，都好keep到水準，好重奶味而且好滑，啱晒我呢種鍾意食奶類製品嘅人，但個價錢比起以前貴左好多。

這間餐廳以雙皮奶聞名，因為已經很久沒吃，所以今天來品嘗品嘗。首先，一看餐牌看到雙皮奶要31元已經令感到驚嚇。送餐時份量竟然是如此的少，令我心裏有種中伏的感覺。不過，一放進口，便能感受到雙皮奶濃郁的奶味，而且燉奶很滑，而且有種入口即溶的感覺，濃厚的奶香比那些3.6,3.7...牛奶有過之而無不及。總括而言，十分好味，但份量太少，唔抵食!