前門飯莊 (Closed)

今日四個人一齊去食晏，近排飲得太多茶（酒樓）所以轉左食上海野。呢間有午餐食。我地個個又十點幾十一點先食過野，所以就凈係叫左兩個飯餐。干扁四季豆同埋黑醋排骨！排骨有餐廳既正常水準，唔會話太酸。四季豆都炒得好乾種。前菜叫左拍青瓜（蒜味香而且由於係生蒜，偏辣口）同埋辣椒皮蛋（呢個反而唔太辣，皮蛋亦俾醋既酸味中和左）加左個酸辣湯，只叫左一位，因為上次食過覺得麻麻。點知都係無改善既。唔酸唔辣。都唔知點解會係酸辣湯。加左個平時好好食既生煎包。但今日黎到面前一d 都唔吸引。半個包都係油。成個包咬落去都係油。應該短期內都唔會再叫。最後叫左高力豆沙結尾。好有蛋白形做既彈口。豆沙唔係太多，所以唔會話好甜。而甜粉係另上既。可以因個人喜好添加。除左個生煎包好失望之外，最差既應該係某些侍應只顧傾談，完全無諗過幫我地執野。上甜品果陣都只係想俾幾隻碟同叉我地。唔叫都無話幫我地執乾凈張枱。

最近舅仔搬咗，連帶佢太太有身孕，唔適宜走得太遠，地點就一於佢哋話事。原先揀咗青衣城嘅I- thai，原來執咗，結果改去前門飯莊食晚飯賀姨仔、舅仔牛一，一餐生日飯請晒佢兩個，就最益我俾少次錢。以前曾同小組組員嚟過，不過已經都成年前嘅事，但環境無咩大變，紅襯白，一室古雅柔和，所以唔陌生。前門飯莊主打滬菜，亦夾雜少少京川菜，冷盤、前菜、熱葷、點心、粉麵、甜品，款式超過70、80，部份圖文並茂當參考，今餐大部份菜式由舅仔發辦，因為佢口刁有要求嘛，哈哈，等佢揀唔使大家煩。茶錢無變，都喺收$7位，另收加一，之外就無其他雜費。五香烤魚 $58上海菜中有一道「燻魚」，煙燻香濃，幾鍾意嘅冷盤之一；晌前門飯莊就無燻魚，不過，就有一道近似嘅「五香烤魚」，魚件以五香粉醃透再炸，好入味，肉質實淨得嚟又帶點鬆化。花素蔥餅 $37一客3件嘅花素葱餅，類似啲蒸銀絲卷，口感鬆軟唔黏牙，裡面捲住啲蔥粒同蛋皮，素得嚟唔會太寡。京式蔥油餅 $37有別滬式大大件嘅蔥油餅，京式個皮較為酥脆，因為並非煎，而喺炸，內裡包住好多蔥絲，好濃香嘅蔥味。灌湯小籠包 $50一客5件，唔使爭，一人一粒。薄身嘅外皮包住濃鮮嘅湯汁，不愧為「灌湯」，