錦丼 (iSQUARE國際廣場) (Closed)

成日經過呢間日式魚生飯店錦丼，佢廣告牌啲魚生飯好靚好鮮好味咁，朋友一直想黎試吓，今日決定黎圓佢心願。呢日係平日午餐時間，人唔多，一點幾都係坐左一半人....有古怪。朋友叫左高松丼，有海膽，三文魚子，唔知咩魚生同蟹柳兩條。朋友話普通囉，正常囉，下面既飯唔多好食，佢食淨哂啲飯。我叫左豚肉泡菜鍋，呢啲咁簡單既野，衰極有個譜既我諗。一嚟到個賣相真係唔多吸引，塊豚肉好肥好肥😨，得5塊。有少量韓式粉絲，豆腐一塊，泡菜勁少量，好多津白（可以扮泡菜），有啲雜菇。成個鍋好普通，碗白飯唔好食，又硬，唔浸湯都食唔到，最後我只係堅持到半碗。食完我覺得好唔滿足，朋友食完話下次唔洗黎。唔怪得之無人，好彩有85折。