巧得鍋 (Closed)

巧得鍋 ～ 位於觀塘工廈裏面，午市有多款套餐可供選擇，價錢相當實惠。餐廳的裝修簡潔舒服，座位寬敞，多人聚餐或是中午和同事食個快飯都十分適合，上餐超快。我和同事點了招牌二人雞鍋餐$168，包括了招牌雞鍋半隻🐓，沙律🥗、娃娃菜和兩碗白飯🍚。雞鍋可選不同辣度，配料有三色椒🌶🫑、洋蔥🧅、菇🍄、沙薑和芫茜，入味又惹味。魚湯浸娃娃菜，除了浸菜加添了魚🐟的鮮甜味道之外，撈飯一流。飲品點了鮮果特飲和熱情果沙冰，特飲有奇異果蓉、鮮雜果和薄荷葉，兩款飲品都同樣冰涼解渴，配熱辣辣雞鍋就最適合不過。

朋友預早book 位話帶我試新嘢，黎到位於觀塘成業街內工廈嘅”巧得鍋”，未入去喺門口已經睇到有好多名星介紹餐廳內嘅食物餐廳內環境乾淨，每一張枱都有打邊爐設計。星期六都有午市套餐可以order，真係好抵食，仲免加一仲有特飲可以選擇未點嘢食，已經每人都奉上前菜一碟，係菜脯粒，少少辣好開胃。1. 招牌二人雞鍋餐($168)，仲跟魚湯浸娃娃菜，連白飯、薯粉，價錢超級抵飯。半隻雞好大份量，原盤上枱，在枱上開火可以保溫。雞肉嫩滑入味，加上勁多芫荽，確實無得輸。唔止雞鍋份量多，連白飯都好大碗。另外，魚湯十分鮮甜，浸娃娃菜確係絕配。2. 椒鹽九肚魚($98)，即叫即整，外脆內熱，味道啱啱好，唔會過咸，真係追住黎食唔停3. 飲品叫咗一杯哈密瓜，職員話係新鮮生果整成的。另外有一杯藍莓沙冰，非常解渴，好配合吃鍋物。整體來講，餐廳環境乾淨，食物價錢超抵，份量又多，性價比係高，值得一試再試

香港人一年四季都好鍾意打邊爐,今次係觀塘工廈區搵到間中午時間每人唔洗100蚊就可以食到個雞鍋, 仲有菜有飯, 好似幾抵食一於去試下.點菜後店員就遞上一壺蕎麥茶同細碟芝麻醬沙律, 餐桌上仲有usb充電線,紙巾, 可見間餐廳十分貼心.招牌二人雞鍋餐 ($168)招牌雞鍋半隻 (可選辣度)雞鍋加入了洋蔥，薑片，蒜頭,芹菜,紅椒黃椒, 花椒、八角、芫荽同濃郁麻辣鷄煲醬汁一齊炒, 味道香濃, 令雞件十分惹味, 仲有陣陣的痳辣味. 個汁撈飯食都已經一流! 雞件好厚肉又少骨, 肉質鮮嫩, 啖啖肉, 半隻雞都好夠二個人食. 魚湯浸娃娃菜鮮甜奶白,娃娃菜好新鮮,今個午餐有肉有菜, 營養均衡十分健康.鮮果特飲 ($32)飲品入面奇異果蓉, 鮮雜果, 薄荷葉, 甜酸度剛剛好, 味道清新又可以消滯. 凍咖啡 ($19)依間餐廳除左有得打邊爐食雞煲牛雜煲外, 仲有其他午市套餐:咖哩飯,湯飯,紅著粉等等. 而且價錢合理上菜快, 係觀塘行街/返工Lunch hour都可以黎食下.

雖然呢排天氣咁熱，但係突然興起想食冬天必備嘅雞煲，所以去咗觀塘呢間巧得鍋，舖頭位置隱蔽，唔係咁容易搵到，但係絕對值得一試。前菜有蒜蓉芝麻蓮藕，小小麻辣，食落爽口，非常開胃，去到就得不及待叫咗個雞煲，佢哋午市有雞煲套餐，晚市就更加特別，有唔同配菜嘅雞煲，有鮑魚、牛雜、或者花膠雞煲。午市套餐有蕎麥茶，仲包娃娃菜同兩碗白飯，非常抵食。平時食雞煲就會想快啲食完加湯打邊爐，但係呢度就可以focus返喺雞煲，雖然食法，唔同但係一樣咁滋味。雞煲可以揀辣嘅程度，我哋就揀咗小辣，食得出佢哋有花椒八角，惹味得嚟唔會太刺激。雞肉都非常嫩口，仲好juicy，配菜加咗紅椒黃椒，望落好吸引。我哋叫咗魚湯浸娃娃菜，可以幫助減低罪惡感，而且菜都好鮮嫩。食到辣辣地，叫咗杯菠蘿沙冰同熱情果沙冰。菠蘿沙冰好香菠蘿味，飲落甜甜地。熱情果沙冰就比菠蘿味酸少少，非常好飲，兩杯都解辣一流。