麵麵 (Closed)

旺角彌敦道726號近乎成座樓都係餐廳食肆，今日就去咗1樓嘅麵麵食魚麵魚烏冬。下晝去食就最抵食，因為除咗午市唔使加一之外，餐牌小食仲有8折優惠，真係平靚正嘅選擇。講返今日食咗嘅嘢先：西班牙煙燻黑毛豬魚香麻辣湯魚麵望落成個湯紅卜卜，好驚好辣？唔食得好辣嘅朋友唔使擔心，而鐘意食辣嘅朋友就可以會覺得唔夠辣喇。辣度唔算太高，但好香辣味。魚麵非常彈牙，好香魚味好好食。西班牙煙燻黑毛豬煙燻味強烈，肉質結實有口感。野菜本菇安格斯牛肉定食安格斯牛肉片好香牛肉味，野菜本菇同埋豆腐，再加埋個甜豉油湯，成個感覺好似壽喜燒。魚烏冬魚肉同麵粉嘅比例係50/50，所以相比起魚麵、魚烏冬比較腍身、不過口感亦接近返烏冬。加多$20可以追加一個花膠濃魚湯，配合返個烏冬，真係好正。小食八折優惠，當然唔可以錯過啦。今日就點咗兩客小食魚皮餃子配柚子汁魚皮令餃子口感非常彈牙，配上柚子汁同蟹籽，三者非常夾，口味清新開胃。不過依個一定要趁熱食，因為放得太耐，餃子就會收乾水份，餃子魚皮就會變硬。大家記住要趁熱食呀。明太子雞翼一客三隻嘅明太子釀雞翼，炸得香脆可口，配合埋明太子，夠哂惹味。午餐全部都有跟前菜。前菜有胡麻醬海帶、甜紫薯同埋柚

入座時，店員先以日式清酒杯盛裝魚湯供客人試飲，不添加味精的魚湯非常香濃，確係正！麵麵圍城 $108 以非常豐富的配料作賣點，九款配料包括柚子金菇，梅漬車厘茄，日式芝麻醬秋葵，明太子醬蛋卷，醉蝦，巴拿馬火腿伴哈密瓜，紅酒牛肋條，天婦羅炸大蝦，明太子雞翼。每一款都好食，而魚麵無論浸湯，沾胡麻醬或辣油都一樣好味，魚麵Q彈有咬口，同平時食開既麵質唔同，口感獨特。而香濃魚湯我當然成碗飲晒啦！西班牙煙燻黑毛豬濃魚湯魚烏冬 $85 鹹香的煙燻黑毛豬我覺得一般。反而三款小食（小蕃薯，柚子蘿蔔以及胡麻醬菠菜）都唔錯，有驚喜。魚皮餃子配柚子汁 $48 相對麵食，呢個我覺得頗為貴，食落亦唔算好特別。感覺麵麵是走高檔次的麵館路線，店面裝修有點似西式Cafe，食店主打魚麵雖是中式，但配搭則是外國Fusion。餐牌上看到的麵食價錢大概僅次於日式拉麵，不過我覺得性價比還好。整體魚湯魚麵的確高質，配料則不算突出，以這個價錢，偶爾食下都無妨。

本身好鍾意飲魚湯，專程嚟旺角試吓呢一間以魚湯同魚肉為主嘅餐廳。食物既選擇好豐富，叫左個魚之戀，烏冬有50%魚肉製作，好煙韌彈牙，魚肉春卷就濃味啲，墨魚春卷好彈牙，一碗麵可以試勻魚蛋、魚片頭、魚腐同埋魚皮餃，岩哂我咩都想下蟹肉伴魚烏冬，蟹肉分量都幾多，連埋蟹籽同胡麻醬一齊食，都幾有口感。小食就叫左個魚皮餃子伴柚子汁，外層係魚肉皮，食落係魚皮餃配菜肉餃既口感。炸魚皮好爽脆，沾少少濃魚湯一齊食，口感好豐富。都幾鐘意飲呢度既沙冰，百香果橙肉沙冰個味道好夾，酸酸甜甜好開胃，係出面熱辣辣咁入到餐廳，嘆住冷氣飲杯沙冰真係一流士多啤梨沙冰就幾香，味道偏甜，而且個賣相都幾靚～

想食得健康，魚麵真係一個唔錯嘅選擇，而講起魚麵，一定會諗起唧唧魚麵！位於旺角嘅麵麵，就主打手工魚麵，魚麵每日新鮮製造，再包裝成日式同西式嘅主食同小食，夠晒吸引。花膠濃魚湯Welcome drink就飲得多，嚟到麵麵，呢度就係welcome湯，一坐低，店員就會送上一小杯花膠濃魚湯！魚湯超鮮甜，魚香十足，帶有花膠香味，好好味。避風塘雞翼新鮮炸起嘅避風塘雞翼，外皮非常鬆脆，但略嫌唔夠避風塘，反而更似蒜香炸雞翼，但都非常惹味！魚皮餃子配柚子汁嚟到炎夏，呢個魚皮餃子真係必點推介！魚皮雖然薄薄，但就非常煙韌，裡面包住爆多嘅餡料，好有口感。而且清新嘅柚子汁，真係夠晒醒胃。料理主菜都會配上前菜，今日嘅前菜有柚子蘿蔔、小紫薯同麻醬海苔。極尚魚宴料理配魚麵魚麵同魚烏冬嘅分別係魚嘅比例，魚麵幼啲，但就彈牙好多，配料有魚皮菜肉餃子、墨魚春卷、魚肉春卷、魚蛋同蝦，特別鍾意佢個魚蛋夠彈牙之餘，魚味仲要係勁香濃，一啲都唔hea；而兩款春卷係麵麵嘅名物，好好味。城寨回憶配魚烏冬想食唔同嘅配料嘅話，可以叫城寨回憶，配料有魚皮餃、魚片頭、魚蛋、 牛肉丸同墨魚丸。每粒丸都好香肉味同好爽口。而湯底嘅魚味好香濃，真係可以成個湯

生完BB後特別注重湯水的補給。選擇麵麵的原因就是因為小店的湯底是用新鮮魚+花膠淆製。魚之戀濃魚湯麵- 小店採用的麵條全加入了魚肉打造完成。簡單D講就係用就好似食緊用魚蛋造的麵條XD魚麵含70%魚肉,魚烏冬則含50%前者比較彈牙爽口,後者則較粗身柔軟魚之戀-魚之脆卷,魚皮餃,魚腐,魚蛋其中魚之脆卷實在太正，要叫多容單品小食慢慢嘆!白色的魚脆是用魚肉打成,黑色的則用墨魚成打。前者口感較彈牙西班牙煙燻黑毛豬-紜黑毛豬煙燻得咸香煙韌~正!!!魚皮餃子配柚子汁-普通的魚皮餃就食得多。小店用魚皮代替普通餃子皮,包入韮菜豬肉再添上柚子汁,酸甜開胃。魚麵真係第一次食,更可以沾上小店自家製的特色辣醬

未食過魚烏冬唔知係乜東東黎，咁特別點可以唔試下😛呢度個門面幾靚，閃令令既招牌加上植物幾別緻，入到去天花仲吊左d 星星同花。✨呢度主打魚麵同魚烏冬， 原來個分別就係魚烏冬係有50%魚肉，而魚麵就有70%~ 仲有佢個招牌魚湯都要試試。✨桂花啤梨肉花茶：跟餐加$22, 桂花加啤梨肉呢個配搭估唔到又幾好飲，味道好清香，又帶少少啤梨既甜味，幾健康。✨魚之戀（$72): 魚湯清甜無味精，魚麵質地非常爽口同彈牙幾過癮。入面有魚蛋，魚肉春卷，墨魚春卷，魚腐，魚片頭每樣一粒。全部質素都唔錯，有咬口得黎幾有魚味。✨魚皮餃子配柚子汁（ $48 ）：個餃皮好彈口，餡料有韭菜同豬肉，配搭蟹籽食落脆卜卜～配埋個柚子汁酸酸地，估唔到又幾開胃幾好味。✨咖喱吉列豬扒拌魚烏冬（$82): 呢個比魚麵粗身d, 食落無爽得咁勁，不過都係好爽口彈牙。撈埋咖哩汁仲正wo😍好惹味，個咖哩微微辣，唔食得辣既我都食得到。 呢款明明魚肉得50%, 但反而個魚味出d, 5 知係咪因為粗身d 既關係呢。吉列豬扒都炸得好鬆化，點埋沙律醬好味。✨流心芝士墨魚波（$48): 即叫即炸超級熱辣辣，墨魚波勁彈口同好夠味，不過如果再多啲芝士就更加好。

食得輕盈 食得有營 今日黎到麵麵食魚麵！一坐低已經為我地送上熱辣辣魚湯，好重鮮魚味，果然真材實料場內環境以木為主色，仲有大大招牌位置與位置之間有一定距離，三五知己黎又得！拍下拖二人世界黎又得！店員極力推介一定要叫呢個餃子果然冇叫錯！用魚皮包嘅餃子都係第一次食！餡料好充足而且起皮薄餡靚個餃子咬落仲爆哂汁添朋友就叫咗豚肉定食配烏冬豚肉炒到剛剛好，唔會太硬身，仲十分juicy！加埋洋蔥同香蔥，味道更加突出當然唔少得呢個招牌菜啦！「麵麵圍城」有九格嘅配料配埋魚湯烏冬九格配料分別有（左起）：➣巴拿馬火腿配蜜瓜➣醉蝦➣日式芝麻醬秋葵➣梅漬車厘茄➣明太子醬蛋捲➣柚子金菇➣紅酒牛肋條➣明太子雞翼➣天婦羅炸大蝦總有一款啱妳啦，個人特別喜歡明太子雞翼同埋天婦羅炸蝦，熱辣辣上碟，炸到10分香脆！店員就介紹魚麵食法就好似食沾麵咁，點一點個魚湯，如果個人喜歡仲可以點芝麻醬添。魚麵好彈牙，可能太好味嘅關係，覺得份量好似少咗啲跟餐+13$ 有海鹽焦糖咖啡，咖啡味相當濃郁，而且仲有泡沫喺面㗎，一啲都唔馬虎！朋友就叫咗跟餐+22$嘅蜜桃椰果綠茶，茶味香果味重，絕對媲美cafe水準！其實餐牌都有好多選擇，下次一於叫多幾個