人和荳品廠 (Moved) New Location

💛人和荳品廠 (銅鑼灣)👍🏻無糖淡豆漿 $10豆味香濃，細滑無渣😋鐘意飲無糖~豆味更出🫶🏻.🫶🏻魚肉煎豆腐 $24食魚肉豆腐記得一定要加豆瓣醬🤤辣辣地，鹹鹹地～提升味道層次🙌🏻.豆腐一如既往甘滑溜🤤魚肉細舊左+煎得唔夠脆🥹賣相醜左好多呀🥲📸11.05.2023.💁🏻‍♀️新舖位於舊址隔幾個舖位✨新舖棄用卡位，改用大排檔設計係多左好多位，但係坐得有啲逼💛✨💛✨💛✨💛✨💛✨💛

💛人和荳品廠 (銅鑼灣)👍🏻熱豆漿 $8豆味香濃，順滑無渣😋.🫶🏻熱豆腐花 $14啖啖豆香，入口絲滑🤤唔加糖都好夠味✨.🫶🏻魚肉煎豆腐 $20必試💗外金黃，內軟滑🤤魚肉唔太突出，增加煙韌口感😋必加豆瓣醬，鹹辣味好正呀🤩.👍🏻鹵水豆腐豆卜 $18香滑既豆腐+索晒滷水汁既豆卜超入味呀🤤.👍🏻豉油皇炒麵 $18麵質爽口，唔油膩😋配料有椰菜豆卜，豐富口感✨.💁🏻‍♀️水準都係甘好😋上菜速度超快😂以前放學成日幫襯🤤大愛既豆腐店💛

人和長期都好多人排隊，好食+抵食Pan-fried tofu with fish meat必食魚肉煎豆腐，即叫即煎離到時仲係熱辣辣豆腐面煎到金黃色，外脆內軟，魚肉食得出係用鮮魚肉整成，但又唔會好腥，唯獨係覺得油左少少～Soya bean dessert Black Glutinous rice豆花揀左凍嘅配黑糯米，黑糯米好足料應該有成碗嘅4份1😂而豆花就都滑嘅，但整體上甜左啲，唔知係本身黑糯米用甜水浸定另外落多左糖水～Fried noodle (Vegetarian)豉油皇炒麵就普普通通，但炒得都均勻，每條麵都有豉油，配料有少量椰菜絲，如果有多少少會更好，同埋都係偏油～

早陣子吃得比較豐盛，所以這天想來個輕盈一點的午餐，見到人和荳品廠，覺得吃豆製品也是不錯的選擇。作為荳品專門店，餐牌上供應的食物及飲品都是豆製品為主，要飽肚一點可選豉油皇炒麵或柴魚花生粥。店舖格局稍稍擠迫，但都乾淨企理，都適合安坐吃幾件小食。點了一碗凍豆腐花及一份魚肉煎豆腐當午餐。魚肉煎豆腐，店內有一塊大煎板一直煎著魚肉豆腐，客人即點就可即上，夠熱焫焫。一份魚肉煎豆腐有4件，豆腐質感結實，外層煎得金黃微脆，而內裡軟嫩，帶有豆香。魚肉雖然較薄身，但都煎得夠可口，在豆腐之上增添一點魚肉香。凍豆腐花，好滑溜，加了糖水，不用加黃糖，甜味已足夠！味道不會過甜之餘，還嚐到豆腐花的豆香，夠真材實料！簡單的一餐，能嚐到豆香滿溢的豆製品，已感滿足。

下午茶時間行過銅鑼灣人和荳品廠，被佢地櫥窗煎緊豆腐吸引左，發覺好多人等緊位同外賣👀👀反正唔貴就試下呢個小食做下午茶😙要了兩樣野，一個係熱的豆腐花，唔好意思，係我唔記得一開始影相😝😝豆腐花係幾滑，仲有好多水浸住😆 有一包紅糖跟。另一個係一份4件的魚肉豆腐，食剩一件先記得影相，哈哈😂呢個魚肉豆腐都係好滑，表面外皮煎香過，有咬感，四件仔魚肉豆腐$20。成個下午茶（豆腐花+魚肉豆腐）加埋就係$34，總結四個字：一試無妨。餐牌如下

老字號既人和荳品，真係平靚正之選～《柴魚花生粥》$25最鐘意呢度既柴魚花生粥，一上枱已經聞到好香，大大碗又足料，粥底棉滑啖啖都食到柴魚同花生，正😋《鹵水豆腐》&《魚肉煎豆腐》$20叫得荳品廠佢真係一d都無失禮呢個名，兩款豆品都豆味香濃，而且質地仲好滑添，好味❤

每次經過此小店，都滿載愛的回憶⋯⋯小女從小在附近返學，好多時放學後正值下午茶時間，要係附近搵一間適合小朋友食小吃嘅地方，既要乾淨衛生，又要店家不嫌麻煩招待小朋友，實在困難。但人和嘅老闆娘同員工，對隔離學校嘅學生都份外親切友善。係銅鑼灣，可以只花十元八塊，坐低飲杯豆漿或吃小吃嘅食店，人和真係碩果僅存。因為佢哋賣嘅不只係豆品，仲有佢哋嘅人情味。始終係銅鑼灣呢個黃金地段，做呢種十元八塊嘅飲食生意，確實係生存不易。但店中各人，都好似一班七八十年代嘅老街坊咁。讓你開開心心咁入去遏一遏，飲杯豆漿，食碗豆腐花，再各有各忙。多謝人和，令到小女可以經歷媽媽兒時嘅人情味

銅鑼灣想平平地食碗糖水真係唔易搵呢間老字號人和荳品廠真係平靚正必叫💛魚肉煎豆腐係門口都已經見到師傅密密手咁煎落order後即刻熱辣辣上枱速度超級快！豆腐煎得好香口豆腐食到豆味較重同香$16蚊有4件真係好抵食不過略嫌有啲多油另外仲叫咗紅豆沙豆腐花、芝麻糊豆腐花豆腐花好軟滑而且對比起平時食盒裝豆腐花嚟比佢唔會太甜味道偏清淡，真係食佢個豆味甜味最主要都係嚟自個芝麻糊或者紅豆沙我冇再落黃糖嗰啲都覺得已經好夠味清清地唔錯下次實會再翻兜👍

店舖裝潢好有80年代懷舊感覺，有一種温馨老店嘅氛圍。喺度點餐亦十分有老香港特色，係要向收銀員/店員大叫想食啲咩👅，因為店員太忙，好少會行去你隔離慢慢等你點，好考佢地嘅記性。每次比錢時都唔會比單，收銀員都會用心算去計你枱上嘅食物價錢。另外收銀伯伯同店員阿姨都好熱情，笑容好親切❤️，或者呢啲就係人情味？------------------------------魚肉煎豆腐 ($16)即叫即煎熱辣辣♨️，豆腐底部有一層好薄嘅鯪魚肉🐟，不過每一件豆腐都好大件，食晒已經好飽。豆腐兩邊同魚肉外層被煎得金黄香脆，同時不失豆腐内裏既軟滑同Q彈，好有咬口😍；魚肉雖然只係薄薄一片，但都好有嚼口，而且冇腥味，增加口感層次。豆腐豆味個人覺得可以再濃郁啲，但食落香口🤤，好似有豆渣喺口咁，成件魚肉豆腐唔需要點任何醬已經好夠味😋，但食多咗可能會有少少油。配埋辣醬又係另一番風味，好惹味而且冇咁膩。------------------------------整體評分：7.5/10小編回頭率：6.5/10

人和荳品廠係銅鑼灣好多年，以前細個讀書已經成日買嚟食！係渣甸街多年歷史既平民價老店～魚肉煎豆腐 $16新鮮熱辣，煎到好香，外脆內軟，豆腐好有豆味，魚肉份量唔算多，不過好香同豆腐好夾，記得一定要加埋豉油 / 豆瓣醬食，會更加惹味、又香口，成個味道會昇華左好多芝麻糊豆腐花 $16豆腐花十分清甜，好滑，唔會食到有渣，食到濃濃豆香。但芝麻糊就相對失色，雖然食到芝麻味，但實在太稀，寧願食番原味豆腐花仲好整體黎講，店舖效率都十分高，落完單唔洗10秒就有野食送上，行街行到攰入去食番d小食都唔錯呀！

-{黃店💛銅鑼灣豆品店🍽}依間應該個個都聽過 食個甜品🤪🤤黑糯米豆腐花🤤 ($20)第一次試嘅配搭💁‍♀️質感同紫糯米差不多 不過有少少桂花嘅味 另外豆香味幾出☺️偏滑嘅😎食曬成碗都唔濟👍👖褲評: 7.3/10🤤魚肉煎豆腐🤤 ($16)熱辣辣好香😍魚魚肉唔算多不過好夾~係硬豆腐食落中間又幾彈😂少少油但4蚊嚿好抵食！👖褲評: 7/10🤤豆漿🤤 ($7)好普通嘅豆漿🤨冇乜特別👖褲評: 5.5/10銅鑼灣嘅平民選擇！性價比: 8.8/10服務: 8.5/10環境: 7/10🚩人和荳品廠🚩地址: 銅鑼灣渣甸街55號灣仔堅拿道西15號旺角奶路臣街3號E旺角旺角道28號地下 #fuudjai #fuudjai小食 #fuudjai甜品 #fuudjai銅鑼灣 #fuudjai黃店 #fuudjai港式 #fuudjai旺角

特別推薦大家✅豆腐花 Soya bean dessert ✅薑汁豆腐花 Soya bean dessert - ginger ✅魚肉煎豆腐 Pan-fried tofu with fish meat✅豉油皇炒麵 Fried noodle (Vegetarian)《豆腐花》好滑，又有豆香味😋，可以試一啖咩都冇落嘅感受下個豆香，加黃糖食就甜甜地、脆脆地，增加咬口，感覺上🔥熱豆腐花滑過❄️凍豆腐花😌💰$12(凍/熱)《薑汁豆腐花》薑汁香濃😆，唔係薑糖水，食落辣辣地，冬天食完即刻暖晒，夏天食又可以開胃💰$16(凍/熱)《魚肉煎豆腐》煎到好香🐟，好熱辣辣，記得加埋豉油或者豆瓣醬，會更加惹味、又好香口🤗💰$16《豉油皇炒麵》豉油味好香但唔會過咸😁，大大碟，有埋椰菜同豆腐卜做配料，冇咁單調，個人建議加埋豆瓣醬🌶，即刻唔同感覺，味道會提升⬆️💰$16*佢個豆漿都唔錯🥛，有分豆漿同無糖豆漿，一杯就$7，一支就$15

已經幫襯過人和荳品廠好多年啦！記得佢中途有搬過一次舖，真係由細食到大☺️ 間唔中都會過嚟食碗豆腐花回憶一下味道！細個嘅我好怕食豆腐花，連豆腐都唔敢食，所以以前細個都係過嚟食炒麵。直到有一次比屋企人逼我試呢度嘅黑糯米豆腐花同魚肉煎豆腐之後，先發現豆腐花同煎豆腐係咁好食，克服咗我多年對豆腐嘅抗拒！💁🏻‍♀️ 所以我對呢間店係有一種情意結🤫店舖裝潢好有80年代懷舊感覺，有一種老店嘅氛圍。喺度點餐亦十分有老香港特色，係要向收銀員/店員大叫想食啲咩，因為店員太忙，好少會行去你隔離慢慢等你點。每次比錢時都唔會比單，收銀員都會用心算去計你枱上嘅食物價錢，速度令人佩服！😮❤️ 豆腐花 (凍) $12枱上有黃糖可以加，豆腐花本身就有少少清甜。豆腐花滑溜無比，唔會食到渣同石膏粉粒！每一啖都帶有濃濃豆香😋 樸實不花巧，更食到豆腐花原味道，比郊外嘅山水豆腐花更來得自然！好食度：⭐️⭐️⭐️⭐️⭐️ (5/5)❤️ 魚肉煎豆腐 $16豆腐豆味濃郁，底部有一層薄薄嘅魚肉，煎得好香口。個人喜好會落豉油&辣醬，辣醬好惹味！好食度：⭐️⭐️⭐️⭐️ (4/5)❤️ 豆漿 (凍) $7真材實料，口感帶有濃稠度，入口香濃順滑，有少少甜度👌🏻好飲度：⭐️

裝修以黃色為主，牆身有向日葵做牆紙。價錢非常實惠，店舖員工很有善，做野快。。上菜速度非常快，落單後一分鐘就已經上到菜。.🔸魚肉煎豆腐($16)分數: (7.5/10)煎豆腐兩邊煎至金黃色，煎到兩面脆，豆腐滑，不過魚肉就薄又細塊咗啲。落埋辣醬調味更加好吃。.🔸熱豆腐花($12)分數: (8.2/10)豆腐花超級滑，直情入口即溶既感覺，幸福。有豆香，加黃糖少少甜味調味，好好食。.💈銅鑼灣渣甸街55號

在鬧市中找到老字號荳品實在是難得，店舖裝修平實，在老字號小店品嘗傳統荳品，感受一下那份傳統的味道吧！下午茶時間，我點了魚肉煎豆腐及芝麻糊豆腐花。平日的下午，店內不算熱鬧，讓我能夠靜靜地慢慢地享用我的下午茶，發覺豆腐花變的更好味，可能是心情環境影響了味覺吧！芝麻糊豆腐花，俗稱黑白，黑色的芝麻糊不太甜，不會搶了豆腐花的味道，而豆腐花真的是很滑‼️老字號果然就是信心保證。小食方面，魚肉煎豆腐，豆腐厚厚的，煎炸品就是會有點油吧。