你妳 (運通洋樓) (Closed)

有一段時間没有去台灣，又想念當地的食物，見到這間舖的食物照片十分吸引，所以決定一試。今次試了魯肉飯、乾拌麵、紅茶牛奶、高雄紅茶牛奶珍珠和肉鬆芋泥吐司。魯肉飯（大）：魯肉飯應該是有肥有瘦的肉，並且呈現一粒粒的肉粒？但這個比較像肉醬多一點，不見肉粒。肉醬中又加入炸豆腐的碎...附上的蛋又切到一岩一忽，唔通廚房連一把鋒利一點的刀也沒有嗎？雖然$39不算很貴，但也不可能這麼求其吧？ 比較好一點是店舖用的米不錯。（如果碗魯肉飯可以加點綠色的菜裝飾會更好）乾拌麵：同樣的問題蛋切到一岩一忽...這個拌麵最最最大的問題，麵未熟透...麵芯還有點硬，肉眼可見。醬汁方面還可以。肉鬆芋泥吐司：吐司的樣子看上去是不錯，可惜吃下去就知出事...吐司表面上看似有烘底，但吃下去又不覺...感覺像一早烘定放了一段時間。又或者是麵包已經放了很長時間（由昨晚放到今日的感覺），面包十分乾...高雄紅茶牛奶珍珠：問了店員飲品不可以轉無糖，只可以少甜。可以說在很多小地方可以見到舖頭没有認真製作食物，認為只要可以交給客人打卡就可以。

因為疫情的關係，已經一年冇去過旅行了，當中最懷念嘅就係台灣又平又好食嘅美食。今日喺荃灣發現一間裝修企理，較少女風的台式餐廳。驟眼睇餐牌，第一眼就芋泥厚吐司所吸引。因為想留肚食更多嘅小食，所以叫咗個肉鬆芋泥厚吐司。肉鬆同芋泥佈滿整個吐司，每食一啖肉鬆同芋泥都好似要流出嚟咁。主食方面，叫左一個乾拌麵同魯肉飯（大）。乾拌麵麵質爽口夠粗身，拌麵汁口味香濃，微辣口感滋味豐富，力推！魯肉飯的魯肉佈滿整個飯面，比例剛剛好，每一啖都食到魯肉同白飯。最值得一讚，兩個主食都有半隻糖心蛋，熟成度恰到好處。小食方面，叫咗一個小食拼盤，有齊炸花枝丸、鹽酥雞、四季豆、甜不辣，一碟滿足晒我哋四個願望☺️☺️每樣小食都炸到外皮香脆，加上少少椒鹽，好似返咗台灣夜市嘅感覺！飲品方面，叫咗一杯芋泥珍珠小芋圓。最令人驚喜係竟然飲品都有一大嚿芋泥，同埋唔同口味嘅小芋圓。鍾意芋泥同芋圓嘅人千祈唔好錯過！