檸檬冰室 (冠天閣)

Open Now

Now Closed

依間冰室同其他冰室好唔同，出奇地有好多款晚飯小菜、鑊氣煲仔菜🤤係偏中式菜餚嘅餐廳，而且餐廳裝修以黃色為主💛新穎搶眼之餘又有活力，最重要價錢貼地❗️想食小炒、煲仔菜，唔洗一定去大排檔。✨ $168 超值套餐依個套餐好抵‼️啱曬兩個人嚟食，自選兩款煲仔小菜，套餐包各兩份白飯🍚、餐湯🫕、熱飲☕️。$168無加一服務價，依個價錢平過去酒樓、大排檔，仲要全部都係大路人氣晚飯小炒、煲仔菜色都有😱🍛 馬來咖哩薯仔牛筋腩薯仔係咖哩菜色裡面不可或缺嘅🥔薯仔無一夾就碎🥢食落唔係粉糯，口感超級軟腍，依個真係加分💯而且好入味。牛筋腩大大嚿，每一嚿都厚切🥩但食落好腍滑，好淋又入味🥰最後，咖哩份量好充足，兩個攞嚟撈飯都用唔曬🍚味道方面，香濃帶點辣，唔重椰汁味，送飯一流👍🏻🍲 鮑魚雞煲雞煲熱辣辣♨️上枱後先開蓋，非常有鑊氣，啲雞汁仲係道滾緊‼️雞煲份量啱啱好，有4隻鮑魚，鮑魚有一齊連雞汁一齊快炒，所以單食都好有味道😋雞件肉質嫰滑🐔全部有好多肉，唔係比啲無肉骨位。煲底仲有薑、蒜、紫洋蔥同芫茜，味道微辣香口，最推薦大家嗌依個😜🧋 椰汁紅豆冰 （轉餐飲 +$8）依杯加8蚊都值呀❗️足料份量，激大杯紅豆冰☺️紅豆份量又多，食落軟綿綿又甜

ʕ•ﻌ•ʔฅ 𝓛𝓮𝓶𝓸𝓷 𝓒𝓪𝓯𝓮 全間餐廳均是以黃色作主題，以配合「檸檬冰室」的店名。以港式茶餐廳來說，裝潢頗為有主題性，燈火通明。食物價錢合理且份量多，十分適合平日想不到食什麼的人士盲入。可惜這天的一口西多伴雪糕售罄，略感遺憾。★ 鮮茄菠蘿焗厚豬扒飯 $60餐廳的必叫菜式一， 大量的芝士鋪滿整個焗飯，趁熱吃會有「拉絲」的效果，豬扒比較大件，且肉質鬆軟，並配有數片蕃茄和菠蘿，再加上最下層的是蛋炒飯，而並非普通白飯，豐富了焗飯的口感。★鮑魚雞煲 $80亦是餐廳黃牌之一，打開蓋面頭有三粒鮑魚、數粒冬菇、還有數量不少的雞塊。鮑魚雖然不是什麼頂級一頭鮑，是普通一口鮑魚仔，鮑魚尚算入味，不會過韌，與冬菇和雞塊亦十分融洽，以不到一百的價錢來說，真是沒有什麼可挑剔了。★松露芝士炒蛋多士 $28因為叫不到「一口西多伴雪糕」，所以轉叫了這個。芝士炒蛋都叫做嫩滑，但松露醬的份量可適當增添。★經典黑牛(朱古力) 跟餐+$16現在很少餐廳可以叫這個，黑牛是指朱古力雪糕加可樂，而它的朱古力雪糕更有朱古力粒，為第一次飲黑牛的我留下一個不錯的印象。★ 椰汁紅豆冰 跟餐+$12非常大杯的紅豆冰，是普通餐廳的兩倍，

檸檬冰室 🍋超值套餐 ($158)鮑魚雞煲🍲6選1可以揀鮑魚雞煲、海皇豆腐煲、茄子斑腩煲、粟米滑蛋斑塊、XO醬西蘭花蝦球、或者黑松露脆蝦炒滑蛋🍳 我哋揀咗鮑魚雞煲，上枱時熱辣辣仲有卜卜卜feel🔥打開蓋面頭有三粒鮑魚、有幾粒冬菇、仲有好多雞件同洋蔥🧅鮑魚好有入味同好軟淋，呢個價位絕對接受👍🏻雞件亦都好入味，又唔會太咸，但唔知係咪因為放耐咗，所以有少少唔夠嫩滑嘅感覺，但都有80分，用黎餸飯就一流😽椒鹽肉排🍖同樣有6款可以選一款，除咗肉排仲有得揀菜心炒牛肉、菠蘿生炒骨🍍、魚香茄子煲、欖菜肉鬆四季豆、馬蹄魷鬚蒸肉餅🦑我哋見menu寫椒鹽排骨係best，就叫黎試試，果然真係有鑊氣👩‍🍳食落脆得黎又唔油膩，而且份量好多，就連爆香嘅蒜粒辣椒都好正🌶白飯套餐會跟兩個白飯，係勁勁勁勁勁大碗🍚飯桶就真係啱哂黎食，而且都幾軟糯💓餐湯有中湯同西湯揀，我哋一中一西，中就係章魚節瓜湯，而西湯就係羅宋湯🥣兩碗都熱辣辣咁上，加都好真材實料，中湯飲到好多節瓜🤤無冰奶茶 (+$8)本身個餐包熱飲，另外可以加3蚊轉凍飲，同加8蚊轉無冰奶茶、椰汁紅豆冰或者鮮磨蛋白杏仁茶🧉揀無冰奶茶真係一個正確嘅選擇，無冰=冰鎮奶茶，用好多

懶洋洋，唔想煮飯嘅日子，今次去食好多朋友推介嘅檸檬冰室。簡簡單單叫咗個二人晚餐，兩個餸、跟白飯，餐湯及飲品。🥢🥢店員推介下揀咗鮑魚雞煲同菠蘿生炒骨，餐湯係青紅蘿蔔湯，飲品我哋分別加$8，upgrade咗椰汁紅豆冰同埋蛋白杏仁茶。🍲🍲鮑魚雞煲上菜熱辣辣好惹味，有鮑魚同雞肉，配有冬菇同洋蔥，好香口，份量算好多。二人餐嚟講，真係好抵食。🍍🍍菠蘿生炒骨炸得好香口，粉漿唔會太厚，好入味，加埋洋蔥同菠蘿，勁開胃。🍺🍺嚟到最有驚喜嘅飲品，估唔到椰汁紅豆冰係超巨型size，絕對可以兩個人飲。入口好香嘅椰汁味，加埋紅豆，有得飲有得食，我當食埋甜品。另一個蛋白杏仁茶，質素都好高，杏仁好香，味道唔會太甜。👍🏼👍🏼總括嚟講，百幾蚊嘅二人晚餐，無論環境、服務、食物質素都超值，絕對會再幫襯呀。