香港郵意 (Closed)

嚟到香港郵意，非常驚喜😋冇諗過尖沙咀都可以有一個安靜、闊落、可以慢慢坐嘅地方。喺尖沙咀站B出口行10分鐘，就有一個咁舒服嘅地方，可以同朋友傾計飲下咖啡，又唔洗怕被趕走。同朋友喺平日晚上嚟食晚餐，八時左右都難搵位，可惜好多菜式都好受歡迎啊！只剩返意粉同全日早餐。我哋叫咗黑松露汁雜菌意粉，份量都幾多，意粉煮得剛剛好。全日早餐就大份又好味。飲品非常多選擇，最後叫咗焦糖奶冰、鮮奶香芋，兩款味道都唔會過甜。呢度仲有waffle可以食，想試嘅朋友早啲嚟試試！呢間不但空間大，仲可以租借場地，適合一大班朋友開party或者開工作坊！

朋友去完旅行拿手信畀我,想搵個可以坐得舒服,又坐得耐嘅地方,慢慢傾下偈,分享佢去旅行嘅趣事.Cafe地方真係好大,自助型式,入到去自己搵位,再自己出去order野食.以明信片為主題,其中有個位置仲貼滿明信片&放左好多旅遊書,真係一個傾偈好地方.隔離仲有間鋪頭買明信片添.全日早餐有沙律菜,蕃茄,菇,腸仔,煙肉,炒蛋&牛角包,份量十足,好豐富.牛角包好香牛油味,又鬆軟雞蛋炒得好滑.卡邦尼意粉,意粉軟硬度啱啱好,好creamy,仲有好多芝士碎.鮮奶抹茶,抹茶味好香,又唔會太甜.

估唔到係尖沙咀既小商場入面都搵到新驚喜。今日去左首都廣場裡面既文青咖啡店。樓上cafe 尼講，佢都算大，裝潢簡約，木地板木凳，連托盤都係木造，十分有田園味道。但小擺設盡顯心思，好似咖啡吧旁書架擺滿有關做蛋糕啊，沙拉啊既書。咖啡店旁邊有個香港郵意既手作店，都係當地藝術家既作品。我果日就買左幾張好得意既postcard.呢間咖啡店既特別之處係所有野都係自助式，自助叫餐取餐收餐都係自助既，係八點半後可以帶自己既野食，只需每人買一杯starbuck價錢既野飲，就可以同朋友坐足全日。呢到既食物係即叫即整，所以我地都等左好一會兒，食物先整好。食物整好，呢個機就會響，食得！但係見到食物來到既一刻，就覺得等待都係值得。我地叫左個抹茶拿鐵，煙肉水牛芝士沙律同個全日早餐。個拉花都好令，所有食物都十分養眼，好有心思。杯抹茶好濃抹茶香，但唔會好甜，同starbuck 果杯有得揮。呢個全日早餐十分豐富，其實都幾大盤下，入面有個德國腸，蘑菇，煙肉，沙拉菜，車厘茄，炒蛋上有點香草。個沙拉菜既黑醋醬好好味，有陣士多啤梨香。個牛角包好香牛油味，又十分脆口。炒蛋好滑，配埋煙肉一齊食，好好味。然後係水牛芝士巴拿馬火腿沙拉。