批&撻專門店

Open Now

Now Closed

呢間餅店小妹由細細個就開始幫襯～每次經過都會買鮮奶撻或者曲奇返去當下午茶！亦都試過買通粉/闊麵/批當宵夜 ^_^今次就試埋其他款式，同大家分享吓啦🐮 鮮奶撻 $9小妹的all time favourite～奶味好濃郁，同當年嘅味道一樣！性價比好高呀，must try！🧀 芝士鮮奶撻 $10批皮鬆脆，好香牛油味！中間鮮奶呈現半溶狀，又滑又香～不過芝士味唔太出，鮮奶撻好食好多哈哈☕️ 咖啡曲奇 $29牛油味香濃，曲奇餅超級鬆脆！咖啡味亦都非常濃郁～ 超級推介！不過留意返每次買個質素都有d偏差🧈 牛油曲奇 $27牛油味超！級！濃！對得住呢個價錢！！！🍰 意大利芝士切餅 $10 忌廉芝士都幾好食！甜膩適中，入口即化～🍫 脆脆軟心朱古力切餅 $10蛋糕口感鬆軟，忌廉算滑味道方面就中規中矩，普通朱古力🧁 美式焗芝士餅 $20有芝士餅，藍莓醬同cream！價錢少貴，性價比偏低，唔推介🍞 椰香紫米麵包 $8八蚊四片麵包邊到有得買呀仲要係紫米味，性價比真係好高！⭐️ CP值：🐘🐘🐘🐘⭐️ 打卡able：🐘🐘.5 ⭐️ 舒適度：N/A⭐️ 再食指數：🐘🐘🐘🐘（5 星為滿分）

大學時代已經好鍾意它的鮮奶撻，但做嘢之後都好少食，估唔到佢今時今日都仲賣緊$8算相當抵，仲出左朱古力同芝士味，之前食過，我覺得依然係鮮奶撻最好味，熱辣辣！由於有啲肚餓，所以仲買咗個「焗白汁雞皇長通粉」（ $19 ），面頭有一層芝士，分量當然唔會似一個焗通粉外賣咁多，只可以當小食，雞皇好似唔係好覺，洋蔥多啲，味道一般。不過勝在地點方便，在地鐵站口，而且基本上所有野都ready made, 所以一比錢就走得，好方便快捷。不過換來就係會多即棄垃圾，魚與熊掌呢！

pie and tart相信好多人未食過都聽過，我就係中學個陣有同學介紹話佢啲鮮奶撻好食先知呢間嘢嘅， 今日經過九龍灣地鐵站 點見啲口痕就嚟咗呢間pie and tart到買咗個鮮奶撻食佢啲鮮奶撻我由佢6蚊開始食佢食到佢而加8蚊，雖然話變得冇咁抵食但佢個味道好難得咁多年都冇乜變，個鮮奶撻好香奶味而且好香滑， 我通常係用個匙羹潷曬中間嗰啲鮮奶部份我先至會食嗰批邊嘅，係真係滑到sir落喉嚨咁款架 不過批邊就比以前差咗冇咁脆

今日特登出黎買野過年，又再次經過哩間批&撻了，6點幾喇，約咗人9點晚飯，哩個時間唔食又餓，食又怕飽，真係食件撻呀，都要想清楚食邊樣望下再講啦，食有餡批又太飽，甜品又唔想食，突然俾我見到個熟識嘅名，就要哩件啦，【Milk Tart 鮮奶撻】～我喺南非10幾年，除咗唐人街之外冇【蛋撻】買架，一般超級市場bakery賣嘅就係milk tart。南非賣標準size嘅milk tart大概有8吋左右吧，預咗人買返屋企切黎食的家庭裝。一般都會喺表面灑些許玉桂粉，自細屋企人都有教啦，玉桂粉有安神作用，夜晚訓覺之前飲杯暖嘅加咗玉桂粉嘅牛奶會好訓啲嘛～咁milk tart嘅味道就緊係帶甜味架啦，我地會加糖落奶茶度調味，但從來唔會加鹽的，食食飲飲關於奶嘅野，帶甜嘅味道對我黎講同常識冇咩分別 而蛋撻印象中就可以配搭唔同嘅口味囉，鹹甜皆宜～我特登講咁多就緊係有原因啦，原因就係件撻皮好重牛油味，撻皮同整蛋撻嘅皮係同一隻，牛油味其實係好動物feel的，偏油的，配合蛋就冇問題，配合奶哩種好甜品feel嘅飲品嘛，唔係話唔得，可能係我先入為主啦，我覺得奶撻應該係甜品嘅感覺，而唔係咁油膩嘅感覺囉。。。 整體味道其實唔錯的

係地鐵站等朋友仔放工過黎會合既時候實在忍不住香噴噴既pie & part 味道帶點肚仔餓既時候，都係要買落黎醫醫口癮味道從不會甜得太漏牛奶香卻好重身淡淡的、嫩滑的蛋加埋香脆蛋撻皮實在令人陶醉而且仲要係熱辣辣既櫃拎出黎更為有味道喔

　　如果是新鮮出爐，通常兩三分鐘我也願意等，因為熱辣辣的鮮奶撻或芝士鮮奶撻實在教人難以抗拒。這甚至是我2009年最後食的一餐。如果要挑剔的話，食完會感到些少膩，但這樣鮮奶味才夠。

好耐無寫食評,今日得閒小小,便來or寫篇小小的食評是日有飯局,到達九龍灣的時間比我預計的早了幾個字,因為沒有食lunch的緣故,此時有些許肚餓,原本打算去眼鏡哥哥處買個格仔餅,誰知一出地鐵站便望見這間pie & tart,頓時改變了主意,改食鮮奶撻6蚊一個,幾大件,賣相不差,看得到燉奶表面微皺的奶皮,燉奶落糖不多,是以奶味較為突出,但口感上就稍嫌不足,似乎是蛋清加得不夠,水左啲,酥皮整得ok,都幾鬆化,可惜最大的敗筆是不夠熱,一下子扣去不少印象分,希望下次有機會食到新鮮出爐的鮮奶撻啦,這次就給個笑面先