八月居 (海港城) (Closed)

朋友想搵間中菜地方聚餐傾計，因為朋友住香港九龍新界都有，最理想是中間點－尖沙咀！我哋叫咗椒鹽脆豆腐、安格斯牛肉沙律、秘製醬烤豬蹄、黑蒜蒜泥蒸勝瓜、醬油炒飯、茶燻鴨！ 有餸有飯，環境舒適，傾計一流，入到黎先知道佔地好大， 食物係好食， 上菜都好快手，每蝶菜造型都好靚，先講安格斯，愛吃牛的我比滿分，醬油炒飯粒飯汁有甜有鹹，炒得好好味！ 因朋友生日，叫咗個生果拿破崙做甜品，代替生日蛋糕，甜品要三催四請才出到，再催提供蠟燭，單哥哥姐姐，要努力，要提升素質，有進步空間！

又食中餐啦，唔洗點揀都係美心中菜館！今次三人行去咗位於海港城既「八月居」，攞飛等位大約等咗十分鐘度。時間都OK喔！下面為大家介紹下品嚐咗咩美食先：1. 迷你桶仔飯細細個，每人食一個都唔會覺得太full。桶仔飯都幾足料，見到其他檯既食客都有點！2. 脆皮BB豬呢度既招牌菜...雖然份量唔多，但乳豬真係好好食。醬汁唔會另上，因為已經夾咗喺肉入面... 大家都試下，包保唔會失望！3. 一口牛柳肉質juicy咬口OK。呢個價錢食到咁既quality既牛真心唔錯呀！4. 瑤柱杞子浸菜苗講左好多次...黎美心中菜館記得點菜苗食。大碟好抵食！餐廳好慷慨俾咗唔少杞子，明目保眼哈哈！5. 鮮果拿破崙又到甜品時間！一直都覺得黎美心中菜館一定要留肚食甜品。今次聽朋友講點咗拿破崙...賣相一流，同出面啲甜品鋪有得比。不過食落就有啲狼狽...6. 芭菲香蕉三弄記得呢個甜品都試過幾次架啦...今次翻兜，質素都仲keep到喔！雪糕pancake融為一體，正呀，簡直為呢一餐劃上完美句號！