令和鍋物酒場

Open Now

Now Closed

每次去旺角行街都會比令和鍋物酒場大大塊嘅牌吸引到，今晚終於入咗去試，一入門口店員會敲兩下鼓歡迎客人，餐廳天花板放咗滿滿嘅日式燈籠，好有氣氛。身為芫荽控嘅我就揀咗Reiwa海鮮桶，店員會喺你面前將一大碗芫荽醬同一大袋海鮮shake埋，最後再放一大堆芫荽碎喺面。芫荽香氣溫和，清新嘅味道同海鮮幾夾，海鮮種類有龍蝦、蜆肉、青口、帶子、八爪魚、蝦等等，配埋少許蔬菜。龍蝦肉質非常爽口，蜆肉鮮甜，帶子肉質厚實，幾高質嘅海鮮桶。另外清酒生蠔🦪一定要試，生蠔好肥美，肉質厚實，配合口感清爽、甘酸平衡嘅清酒食增添層次感。帆立貝伴高知縣產柚子醋都好值得試，帶子味道純淨甘甜，加埋酸酸地嘅柚子醋食令人好開胃。串燒類亦好出色，今次試咗明太子雞翼，火候掌握得好好，雞肉咬落去仲有肉汁。飲品試咗鮮檸檬威士忌梳打，賣相一流，威士忌份量好足，梳打水中和左威士忌燻辣嗆口口感，檸檬片令飲品清新一點。

12月終於有返冬天嘅感覺，冬天真係食咩都啱咁，其中一項To-do-list又點會唔係去居酒屋吖？旺角呢間樓上居酒屋，好有feel送酒大胃一定要嗌幾樣嘢，其中一樣係炸池魚，炸到外脆內鮮跟住係酒盜芝士，又鹹又香嘅感覺，令人愛不釋口鮟鱇魚肝亦係必食，質感腍腍地，但又好香口時令刺身都好正，仲要有啲特別嘅配搭，鮨鰈魚裙邊用大量洋蔥托住，再淋上柚子醋，油香加柚香真係不得了和牛肉就食過，牛筋唔知又係點呢？睇落似牛腩，其實筋肉交融，煲得幾腍燒牛筋原來都好正，脆脆地，但質感更綿燒牛粉腸口感彈牙，味道幾醇冬天點少得生蠔，$28有隻，仲可以浸埋sake，浸佢30秒，蠔肉更爽彈鮮美，食完蠔仲可以將sake一飲而盡𠻹甜品都好得，燒菠蘿冰火交融，外有焦糖脆，內有果肉甘芝士年糕燒得極綿，一咬芝士流出。燒蕃薯好甘甜，質感軟熟柚子芝士蛋糕勁香果味，芝味濃郁胃民見天氣凍，就選擇養生飲熱飲。但大胃嚟得居酒屋，梗係嚟杯Whiskey梳打，仲要有成排檸檬打卡，又夠晒維他命C

今晚在旺角辦完事，晚飯突然想吃日本菜，上網發現這家令和鍋物酒場好像不錯，於是來試試水準。餐廳環境裝飾以日本居酒屋為主題，燈光柔和，座位亦十分闊落，星期三晚上亦全院滿座，記得要先訂位。以QR code落單，餐牌選擇十分豐富，刺身、串燒、鍋物應有盡有，另外亦有不同的酒類飲品提供。先付甫入座侍者立馬俸上一客先付，口味酸爽開胃。鮮檸檬威士忌梳打 $58先點一杯Highball，以威士忌加入梳打水及檸檬，檸檬極誇張的雪成一大條，一呷口感冷涼暢快，過癮的碳酸口感，嚐到威士忌麥芽香氣，加上檸檬帶來的清爽氣息，十分消暑。熱蜂蜜柚子茶 $28太太則點了熱蜂蜜柚子茶，純粹天然果香蜜味，清爽可喜，味道甘香味美。三文魚伴蘋果煙燻醋 $88點了一客日西fusion的三文魚刺身，三文魚籽份量足，三文魚肥美厚切，一咬下去油脂豐厚，鮮味甘香，回味悠長，配以清新醋香的蘋果煙燻醋，十分開胃。汁燒牛大腸、牛粉腸、牛筋 $28/28/32串燒可以說是最佳的下酒菜，其中個人最愛內臟串燒，牛大腸脂肪滿瀉，邪惡值爆燈，牛粉腸同樣出色，有口感而不過韌，而牛筋則充滿骨膠原，口感彈牙，以惹味的日式醬汁燒烤，一口串燒一口酒，十分過癮。濃厚