龍鳳店

Open Now

Now Closed

原本好驚冇位坐，結果一點到，啱啱好開門。老闆好好人咁招待我地，又推薦我地飲奶茶，不過最後冇叫。由叫到上都要大概7-8分鐘，真係即叫即整，熱辣辣上枱。*鮮油芝士肉鬆蛋治 $40第一件事，嘩！同餐牌張相一模一樣，炒蛋好似瀑布咁包住”治”，切開係兩片薄多士包住海量肉鬆。炒蛋非常香嫩又唔會油淰淰，牛油香淡淡，昇華咗雞蛋味，配埋入面嘅三明治簡直係層次感大爆發。豬肉鬆鹹香鬆軟，乾身但入口一啲都唔會吸晒你啲口水。麵包俾熱蒸氣焗到有少少濕氣軟身，佢嘅角色係夾喺炒蛋同肉鬆中間，令濕潤嘅滑蛋同乾身嘅肉鬆可以link埋一齊。面頭嘅半融芝士碎半拉絲，奶香鹹香令三明治嘅味道再提高一層，滿分！龍鳳鰻魚蛋治 $40加特選煙燻芝+$5同樣嘅基底，但鰻魚差色唔少。鰻魚即叫即燒，鰻魚汁嘅味道由廚房蔓延到出面，可惜肉身偏薄，醬汁嘅照燒甜味同滑蛋反而唔夾，配埋鹹芝士碎，整體有啲唔鹹唔淡嘅疑惑感，麵包亦失去左佢嘅奇妙效果。總結，分開炒蛋/麵包/鰻魚都唔錯，但合埋一齊就一般般，亦可能係芝士壞事。

十年都唔入一次元朗難得今次入到嚟一個「新世界」當然要去覓下食先返翻城市😂🧈🧀🍳🥪｜鮮油芝士肉鬆蛋治｜$40｜呢份蛋治真係顛覆我對蛋治嘅認知用一大片嫩蛋cover住肉鬆同方包面頭有少少牛油同燒過嘅芝士個蛋炒得好嫩滑好creamy好好食(˶‾᷄ ⁻̫ ‾᷅˵)加埋香口嘅肉鬆食落好香口又有咬口不過方包因為被蛋蓋住所以會變得淋身而帶點煙韌我諗個方包如果烘得好脆身，會唔會成件事更好食呢-🍼☕️｜雀舌奶茶（少甜）｜$32｜嘩呢個奶茶好濃好濃店員話雀舌奶茶即係會帶有少少茉莉花味（飲真少少先覺但因為我本身鍾意茶味濃啲嘅奶茶再加上少少嘅花香清新感 勁岩我口味(⁎⁍̴̛ᴗ⁍̴̛⁎)-店面較細，食完都好快就走廢事要人哋等但除咗環境一般外，真係一間值得推介嘅黃店！