Pho Metro (Closed)

越南菜在香港雖不算是主要受歡迎的菜系，但其實當中的支持者也不少，還記得當年銅鑼灣景隆街的越菜名店長期有人龍等位便可知一二。越菜之中較為港人熟悉的可算是越式春卷、蒜蓉牛油雞翼和越式生熟牛河。上年年尾筆者曾造訪越南河内，品嚐過當地的地道生牛河之後一試難忘，只是隨機在街邊找一間街坊小店，想不到那湯頭的鮮甜和濃郁完全非香港出品的可以媲美，現在執筆之時還在回味呢！近期由著名食家開設的越南生熟牛肉湯粉店掀起了一陣越式湯河熱潮，人們都開始對這道傳統地道美食重拾了興趣。而最近筆者就在銅鑼灣蘭芳道品嚐了一間來自加拿大的新派越式湯河小店，設計裝潢年青時尚，門口落地玻璃後放了一個趟大的水草魚缸，看著青翠的水草和活潑的魚兒在游來游去，瞬間讓人放鬆下來，側邊還設了一列列的香草種植裝飾，清新特色，更予人心曠神怡之感。店內環境簡約寬敞，配上亮麗燈光，寧靜舒適，帶著一般越式餐店沒有的氣派。細閲餐牌選擇不算太多，主要有幾款不同的牛肉湯河和蟹膏湯檬，再加上數款越南小食和不同的飲料而己，但有時貴精不貴多，專心做好特定菜式也不是一件壞事。先試一下這裡的小食，炸春卷算是皮薄餡爽口，就是沒有用上傳統越南米紙做春卷皮，缺少了那種風

天氣成日都咁熱，最近我都鍾意食粉麵多，經過銅鑼灣見到呢間越南河餐廳，佢聲稱係來自多倫多，咁得意？越南河唔係來自越南㗎咩？😂見到佢個門面同環境幾靚就吸引左入去幫襯！內𥚃環境都好寬闊同埋乾淨，牆身掛畫以致燈飾睇得出佢有用心配搭裝飾，裝修走高檔路線，少有嘅越南河餐廳的座位咁闊落，至少我和友人們坐得舒服，不覺得擠迫。.它的餐牌只有一張，選擇唔算太多，飯麵類小食同埋飲品都印在同一張餐牌上，所以我哋好快就揀好了。.我地點左佢嘅特別牛肉湯河轉金邊粉（$98）入面有生牛肉，牛腩，牛丸和牛柏葉，材料都幾新鮮，湯底有鮮味，金邊粉煙韌，係一碗幾地道嘅越南湯粉。.我地亦點左佢嘅咖喱雞扒湯檬（$88），佢的咖喱湯濃到好似咖哩醬一樣，入面嘅香茅味都幾重，朋友話可以用來撈飯😂入面有幾小塊烤雞扒，湯檬食落有啲似米粉，不過都幾掛湯。.另外我哋揀咗佢嘅香茅烤豬扒飯（$78），豬扒烤得嫩滑，頗有香茅味，加上半熟荷包蛋令整碟飯加分👍.重點左一個鮮蝦紙米卷（$58）有四件，同平時我哋食開嘅紫米卷脆身有啲唔同，佢係用一啲煙韌嘅粉皮包著蔬菜同埋一啲米粉再加隻鮮蝦行中間，點佢哋配上特製嘅醬汁，我都第一次食煙韌嘅紙米卷👍成件事幾特別同

今晚放工行經這間越南粉店，順便入去食個晚餐。餐廳主要以越式粉麵為主，還有些小食及飲品。特別牛肉湯金邊粉有生牛肉、腩片、牛丸及牛栢葉，芽菜、九層塔及青檸另上，金邊粉不會太腍，湯底用牛骨制而成，有淡淡的牛肉香，味道清甜但不油膩，生牛肉嫩腍，牛栢葉爽脆。生牛肉札肉金邊粉湯底都是同一款牛骨湯，但多了爽口的札肉，而且九層塔獨特香味，非常配合。煎蝦餅蝦餅厚切肉質彈牙，啖啖蝦肉。鮮蝦紙米卷米卷裏面有蘿蔔、米粉及蝦肉，醮上特製醬汁，令比較淡口的米卷增添不少風味。

今日過對面海做身體檢查，做完之後都已經差不多中午時分，撞啱老友啱啱放飯，佢話銅鑼灣喺希慎廣場附近，有間加拿大嘅PHO，問我有冇興趣試吓，於是兩個人就相約左喺呢度會面。店內環境唔似一般嘅越式河粉餐廳，格局好清新，Menu簡而清，本來想試吓佢個軟殼蟹，蟹膏湯檬，可惜店員話軟殼蟹已經沽清，佢推薦左我是試蟹膏湯檬，好啦一於係咁話。PHO未到，飲品就首先送上，朋友叫嘅青檸梳打，晶凝通透，消暑解渴，特別一提佢哋已經轉用咗紙飲管，為環保出一分力的餐廳值得一讚。我呢杯牛油果沙冰，更加冰涼透心，獨特的牛油果味，飲落唔會覺得太甜，冰凍的沙冰簡直涼到入心入肺，記住唔可以啜得太快。小食鮮蝦紙米卷，好精緻，餡料配搭得宜，薄薄的紙米皮，餡料包括米粉扎肉芒果，再點上醬汁感覺非常清新好味，預期之上，正。朋友的越式香茅豬扒湯檬，豬扒炸得好香，香茅的味道特別令人開胃，呢度啲檬粉有啲似米粉的感覺，頗特別，湯底很清甜，分量十足。我order的蟹膏湯檬，上枱的時候已聞到濃濃的蟹膏香味，絕不誇張，店員話用大量的膏蟹淆製而成，絕對真材實料，絕無花假。蟹膏的濃度，令人望落去還以為是蕃茄湯底，大家都應該想像到蟹膏的香氣是何等吸引和滋味

今日去銅鑼灣買電話，原來依家可以幫你將舊電話嘅資料轉移去新嘅電話度，不過佢話需要一個鐘頭左右，叫我周圍行下或者食下嘢，於是周圍睇吓有咩野食見到呢間Pho，咦，越南河粉，但來自加拿大多倫多喎，門面裝修格局好Fashion，一於入去試吓主打Pho當然要試，仲有好多越式飲品選擇，等我慢慢揀下先咸檸七⭐️⭐️⭐️⭐️先來坏咸檸七，消下暑，透心涼咸咸地、酸酸地、加上汽水又甜甜地，正正係我嘅至愛鮮蝦紙米卷⭐️⭐️⭐️⭐️⭐️叫咗個小食，鮮蝦紙米卷，呢啲咪叫做皮薄餡靚囉，話明鮮蝦，隻蝦一定要新鮮，咬落口彈牙鮮甜，高水準朋友order左杯芒果沙冰，我雖然冇份試，但係睇得出佢非常滿意蟹膏湯檬⭐️⭐️⭐️⭐️呢個蟹膏湯懞，我八卦問店員，佢哋話係用大蟹壓碎，迫出鮮汁，再起肉及折蟹膏煮出湯底，聞起上嚟好香蟹膏味，真係未食都口水流，嘩，唔係講笑，個湯底真係好正好正，絕對物有所值客人可以適量加上檸檬汁或芽菜，更加提升味覺享受特級蟹膏湯檬配軟殻蟹⭐️⭐️⭐️⭐️我個friend仲巴閉，配多一隻軟殼蟹，香脆可口，我夾硬叫佢分左一半俾我，信我，一定要試內在環境舒適優雅，坐得好舒服，特別採光做得特別好，服務員很有禮貌，客人之中亦見很多外國遊客，值得推薦，