新記雞粥 (筲箕灣道)

Open Now

Now Closed

用deliveroo 叫外賣半個鐘頭內到極快😚買滿150蚊仲有8折🆗鮮蝦腸粉3條腸粉4隻蝦in total😂蝦係爽口既冰鮮蝦艇仔粥夠味又多料，粥偏稀豬膶粥多豬膶夠味煎蝦米腸連豉油，甜醬，麻醬可惜外賣黎到焗淋左，腸粉滑炸兩都係可惜焗淋左，堂食為佳火腿炒米粉米粉乾身唔油，夠味，火腿量多正楊州炒飯乾身唔油，多料多蝦仔，一大盒極飽焗到出曬倒汗水既紅棗糕除左倒汗水失望外，糕身彈牙，紅棗入味，可以一試咁多樣加埋連運費都係二百鬆d, 抵食⭕️

得閒想清下腸胃就想食下粥，醒起屋企附近有出名嘅粥店 #新記雞粥❤️呢間粥店係元朗老字號，筲箕灣係其中一間分店😊貴妃雞粥係招牌菜咁雞粥當然不得不試啦馳名嘅雞肉果然keep住水準，雞件啖啖肉又滑，粥底夠綿，加上啖啖雞鮮味，令人回味無窮👍食粥梗係配腸粉啦，叫左碟蝦腸，d蝦勁大隻😋當然少不了叫d家常小菜啦〰️蒜蓉炒通菜☑️蒜蓉好香口，又炒得夠獲氣仲有我最愛嘅蒸魚-豉汁蒸倉魚💞蒸20mins, 食完粥啱啱好到，perfect 好滿足嘅一餐💝

粥粉麵飯嘅粥係排第一位， 可見中國人對粥嘅重視。 我對粥都有一定偏好， 最鍾意就係 綿綿嘅口感！店員好貼心，知道我係環保人士，口罩唔會即刻掉，佢專登比左個信封我，用來裝口罩。❤️呢間店舖最出名就係雞粥， 根據店舖介紹， 呢度嘅招牌貴妃雞 都係自家製嘅， 用嚟煲粥雞味十足。因為我 非常鍾意食豬潤， 所以就點豬潤雞粥。 豬潤食落都幾新鮮，貴妃雞亦十分出色， 所以最後個粥十分夠味。另外十分欣賞佢嘅炒黃鱔， 惹味得來夠爽脆！另外點咗蒸蝦腸， 腸粉皮都整得幾滑。

係筲箕灣天悅廣場對落電車路開左間賣元朗雞粥嘅新記，但由於有一位同事唔食雞，所以一直未有機會去試試。今日下午我地有一半同事要去Training，剩返我地3個全男班出去食lunch，我地當然趁機去品嚐呢個元朗老字號新記雞粥。我地大概13:00去到新記雞粥，客人都幾多，我地被安排坐係一張4人枱，餐廳座位都幾寬敞，裝修簡潔明亮，全落地玻璃，採光度高。午餐有5款，價錢同散叫差唔多，只係多左1杯餐飲。主餐牌選擇非常多，最後我地3個人點左6樣野share食。來到新記雞粥當然要食招牌貴妃雞粥啦，雞肉好鮮嫩，份量都幾多，粥底好綿滑，唔會太咸味道剛剛好。呢度嘅蒜泥白肉蒜味唔太重，豬肉好入味唔會好乾，青瓜好爽口，味道唔錯。不過我比較鍾意白肉上面佈滿蒜泥。酥炸軟殼蟹我地3個人點左1隻，每人試到少少，味道濃郁，好香脆，$29都幾抵食。呢度嘅鮮蝦腸粉好有水準，腸粉好滑，蝦好大隻，爽口又彈牙，$23堅抵食。蜆介鯪魚球亦係水準之作，好大粒，超彈牙，沾上蜆介汁非常惹味。最後食埋材料好豐富嘅新記XO醬炒飯，唔駛加一，埋單每位$79，性價比好高。餐牌

雖然看似d 雞粥出名d，不過而家下午時份仲係好熱，身水身汗，唔係太想食d 太熱既野，諗住叫d 腸粉果d。佢d 腸粉好平，$21 已經有牛肉腸/叉燒腸，鮮蝦腸都只係$23。外面食如果唔係齋腸或者蝦米腸呢d 起碼都$25 起跳啦，鮮蝦腸更加再貴一d。好，就要蝦腸。隻蝦ok 大隻，個粉皮食起上黎唔會話好粉漿咁既感覺，幾好。唔知點exactly 形容，我唔鍾意食d 黏度好高黐埋一pat，咬落去又好有顆粒感既腸粉… 另外點左份皮蛋，可以涼拌或者子薑，叫左涼拌，釀製得好入味，好好食啊，作為清涼小食十分唔錯。最初以為一個人食會多左d，但夾下夾下，咋一聲都清埋lu~