紅葉茶屋 (T.O.P This is Our Place) (Closed)

經過呢間餐廳好多次，每次望入去人流都唔多，所以我都無咩想試既意欲😳不過朋友話係度食過幾次算正常，同埋勝在人唔會好多，係梳化位度坐幾粒鐘吹水都無人趕😂▪️ 海鮮四色茶漬飯（6/10）💲109前菜係凍蔬菜同埋腐皮粒，四色海鮮入面既三文魚籽最好，食落幾有鹹鮮，而三文魚唔算肥美，甜蝦亦未唔算好鮮甜，但起碼入到口尚可接受🤔可惜吞拿魚真係唔掂，食落有大筋 之餘，仲有啲腥味咁😖派左張說明圖話可以就咁食或者加茶食，可能預左大部分人加茶既關係，飯底係暖既普通白飯，而非正宗壽司醋飯，我就咁食既難免會覺得個飯底一般般▪️ 鰻魚滑蛋丼💲94朋友話佢次次都食鰻魚，我就試左佢既一舊仔，但個人覺得會係過於軟身欠缺彈性嗰種，略嫌已經無左鰻魚應有既質感，唔好意思地唔太係我杯茶😳但係滑蛋好似質素還好既▪️ 芒果西柚紅茶（7/10）💲29 (凍)西柚味較為重，酸酸地咁幾解渴既▪️ 芒果焦糖窩夫（6/10）💲69甜品既款式都唔少，有窩夫、芭菲等等，芒果粒唔係特別既新鮮，反而個焦糖香做得幾好，可惜個窩夫比較似係薄片既窩夫餅，無咩暖笠笠外脆內軟既口感，亦無飽肚感👉🏻👈🏻🔎 整體評分（6/10）

今次黎新商場T.O.P行街 見到呢間日本野幾吸引 就入去試試佢 入面menu 有更多款式選擇《鰻魚滑蛋丼》有兩小杯前菜 酸酸的 好開胃 仲有菜湯 見到主角4大塊鰻魚 樣子極度肥美 旁邊仲滿佈蛋汁😍雖然個滑蛋有啲較濕 有啲較乾 但整體都可以拌飯食 食食下 食晒成個飯 濕度剛好《溫泉蛋卡邦尼烏冬》同樣有前菜 但無餐湯 呢個賣相見到都流晒口水 滿滿的溫泉蛋蛋白蛋黃 煙肉 芝士粉 必須承認本人係醬汁控 咁多醬汁拌烏冬食一流 仲有啲膩添😂可惜唔係套餐 飲料要散嗌！《凍蕎麥茶》茶味好香 平時飲開凍茶 都會覺得淡味左 但呢杯唔會 咁多冰都茶味十足《凍雜果紅茶》材料以雜莓為主 再加塊檸檬 唔知係咪因為無橙 感覺酸味較重 亦較醒胃 解膩見呢間餐廳既《抹茶提拉米蘇》好似必食咁 當然要試試佢啦 中間既紅葉係啫哩 表面抹茶粉 但中間係Cream質感 只有最底有層小蛋糕底 同以往食既Tiramisu 有所分別 但整體感覺都ok 如果你中意cream 就啱晒啦$286/2位 當佢dinner set for 2黎睇 都抵既😆

尼間日式餐廳除左有主食外，仲有甜品特色飲品。環境大而舒服。晚市6點半左右到，大約有4至5枱食客。7點開始就坐滿人。叫左鰻魚滑蛋飯($89)，海鮮四色茶漬飯($99)。鰻魚肥美厚肉，個皮好彈牙厚身，而且細骨都冇。燒汁味唔濃，剛剛好，甜甜地。滑蛋嫩而且冇煮過熟，半生半熟，送飯一流。跟餐有個湯，胡椒味重，飲完幾保最，湯入面仲有片雞肉，清淡之選。四色茶漬飯既四色來自三文魚，吞拿魚，大大粒三文魚魚子，藻(?)。三文魚新鮮人口甜，而且厚切後非常有口感。三文魚魚子既口感最得意，就好似爆爆珠，一咬d海水鹹味出哂黎。茶漬飯既味有d似麵豉湯，第一次食，有湯有飯一齊配，嘗試下都幾過癮。2個餐都配有2款配菜，分別係南瓜，菜。南瓜非常甜，不過如果煮得硬少少會更有口感。整體，用托盤裝哂所有食物，感覺好靚。份量可能對於男仔黎講唔夠食，但食物水準及選擇多元化。

近日聽倒旺角開左一個新商場-T.O.P.所以就同男朋友出去行下街😆點知...好多商店同餐廳都未開業😧仲諗住可以搵倒好野食😢但幸好再上多幾層之後就遇上驚喜😂比一間裝潢設計風格好清新的餐廳吸引住好合適情侶同閨蜜喔睇睇門口擺放既餐牌，有好多款式都好吸引特別係甜品🍮所以我地就入左呢間餐廳食晚餐叫住兩個定食先食完主菜再揀甜品1. 海鮮四式茶漬飯 （$99）職員好貼心，主動在送餐時提供教學讓客人可以有教學參考2. 鰻魚滑蛋丼 （$74）我地都好鐘意食呢兩款定食中的前菜👆🏻好好食🙈男朋友唔鐘意食南瓜🎃都吃光光（我問佢地解唔食南瓜都食晒既佢答我...因為呢隻日本南瓜甜甜地佢地整得好食）嗯....係唔係日本南瓜我就唔太清楚了但的確甜甜地好開胃食飽飽終於到揀甜品既時候啦甜品款式太多了...但我地又飽飽地...所以揀左一款甜品🍮開心share自選特製芭菲（$54）軟雪糕，雪糕，醬汁，兩款配料都係自選喔（但我太失職了....唔記得影一影有什麼配料選擇）總括來說，呢間餐廳食物味道100分環境舒服😌好合適傾計談心甜品🍮款式多多又精緻讚！