好德來小籠包店 (Closed)

平時藍妹比較少食上海野，係網上搵左陣佐敦有咩上海野可以試下，呢間「好德來小籠包店」就出現左啦。對呢間野期待唔高，希望唔會難食就得。😅我地訂左位，不過去到個場已經坐滿人，我地都等左接近10分鐘先有位。😮—因為同屋企人食，叫既野都偏向揀屋企人鐘意食既。鱔糊湯麵湯麵冇乜特別，清淡。鱔糊未達到藍妹既要求，鱔都算大條，但係肉質太實，咬落去完全冇口感，勾芡亦有啲重手，好傑身。—雞絲粉皮呢味餸好少整到好難食，呢間不過不失，粉皮滑而薄，最重要既花生醬一大碟另上，撈埋一齊黎食，流哂口水啊🤤—紅燒肉百頁結等左好耐先上枱，醬汁好濃味，唔撈飯／麵去食既話，會超級咸。紅燒肉真係好肥，肥膏同肉既比例係3:1，咬走啲肥膏唔食之後，基本上只剩返丁屎咁大舊肉😭因為醬汁濃既關係，百頁結相當入味，屋企人覺得太咸，於是藍妹自己掃左好多舊😂—必食鍋貼鍋貼可以鍛人頭叫既，皮唔會好厚，底煎得香脆，一咬落去，成口都係裡面熱辣辣既肉汁，令人食指大動啊！😆—招牌小籠包都唔多講啦，小籠包最重要係咩？皮薄 ❗️汁多 ❗️呢間合格啦！兩樣都做到哂👍—紫薯水晶糰藍妹見到有紫薯甜品食，膽粗粗叫黎試下。結果真係試一次就算啦，藍妹從來唔抗拒熱食既中式甜品

朕去到佐敦想食上海野，多數都會去好好，食慣左，好味之餘又有人情味，今次出到佐敦，朕都係諗住再嚐呢間小店既風味，點知隨從話附近有一間上海野好似幾好食，於是朕今次就試下新野先！朕去到好德來門口，見到啲裝修都幾企理，望一望個餐牌，又唔係貴喎，於是就入左去試下喇！一入到去，有啲口渴，黎到上海菜館，緊係飲豆漿啦，唔通飲可樂咩！店小二拿來豆漿，咦成枝正遠豆漿喎，無咩豆味，唔係自家製，感覺差啲囉！！！糖醋排骨（半份），個酸甜度剛剛好，而排骨亦夠腍身，不過份量就偏少偏少偏少（重點所以說三次）！小籠包，即叫即蒸，個皮厚薄做得啱啱好，夠薄但係又唔會穿，小籠包裏面啲肉汁亦夠哂澎湃，一咬落去成口都係！醬牛𦟌湯麵，牛𦟌唔夠入味，咬落比較硬，而個䓤花湯麵啲湯幾清，麵身幾彈牙，不過份量就偏少偏少偏少（重點所以說三次）！鱔糊湯麵，朕既至愛，朕自小去食上海菜，都一定叫鱔糊湯麵食，呢度既鱔糊湯麵味就夠濃，不過啲鱔糊就唔夠爽口，同埋如果可以加埋韮王落去一齊炒應該會更香，麵身一樣都幾彈牙，不過份量就偏少偏少偏少（重點所以說三次）！總括黎講，個性價比偏低！個價錢同份量有落差！！！－－－－－完－－－－－

這場上海菜之前須遇上百年難得一遇的"尷尬事" ,可幸好姊妹J小姐並沒介懷那我們便在滂沱大雨中找對的店來開懷大嚼吧!!J小姐想吃上海菜身在佐敦不假思索想起好德來小籠包店,對上一趟幫襯起碼兩年前因為新舖也搬了兩年了!!新舖較寬闊點點7點到達時好彩還未須等位,到我們走時已要排隊等檯噜!!食物一覽無遺,一般上海菜應有盡有~{芥末黑木耳}$33/半份,坦白講份量有點孤寒而味道亦不算太出色,芥末味沒被帶領出特色來唯獨黑木耳也算爽脆為它帶來少許價值!!{皮蛋豆腐}$33/半份,豆腐嫩滑有豆香而且已切成幼條狀這樣索汁能力即時增強,皮蛋被切成小顆粒份量偏少沒甚特別吃得出香味來!!汁料我略嫌過鹹不過J小姐又覺得剛剛好喎^0^店方名物{招牌小籠包}$40,記得上次跟車爸爸吃時質素中上但今趟的小籠包簡直超班^0^外型靚仔包頂摺位吃下並沒硬框框,吊起來亦沒穿底的情況,湯汁熱燙又豐盛,肉團鬆化具彈性肉汁鮮甜好吃得我倆要再添一籠呢haha~{鱔糊湯麵}索價$78一客鱔糊份量真的太少了吧!!而且連我最喜歡的韮黃也省掉!!味道確是不俗的黃鱔

由於完了教會小組差不多晚上十點，教會又係德興街，完左之後不想走到山林道咁遠，故經常係附近發掘新的食店做一下白老鼠；而係佐敦一些橫街窄巷，總能發現一些「平、靚、正」的食店。係筆者返既教會附近有一間食上海菜的餐館，入面食物價錢和質量都成正比例；當然假如你是大胃王，那這裡有機會不合你的心意。好德來小籠包店坐位有點兒狹窄，好容易一起身就碰到或撞到隔離枱或背面一張枱的食客；一般來講，香港地既食市都係咁既樣，已經見怪不怪，故食環境這裡會低分一點；不過，由於場地光猛，進食時不用覺得太紛暗太有情調；而且燈火通明讓人看到小強或米奇的機會相對亦會減少。食物方面，如果三、四人或更多人一起光顧這食店，便可以品嚐多一點的食物和菜式。好德來大部分都以湯麵為主餐，飯類很少故不適合飯桶類型人士。有一點值得大家留意，這裡的湯麵類是菜和麵分開上的，和其他上海菜館不同，好德來可以讓一班朋友開心 Share。筆者和朋友分別點了「排骨湯麵」、「酸辣湯麵」、「鱔糊湯麵」和「獅子頭湯麵」開心 Share。先說「酸辣湯麵」，雖然有一隻辣椒仔係菜牌上面，但並不代表很辣，筆者覺得酸辣味比重以酸味較濃，而辣度則很少，至少筆者吃不了辣的人也