湖南味館

Open Now

Now Closed

因為朋友介紹可以過來嘗試，果然沒有失望。特別推介魚頭，很滑很新鮮，但是每天限量30個，如果晚上想吃的話最好提前預訂👍🏻還點了另外一些菜式，田雞，小炒王牛肉，水準平均。另外也特別推介一下燒賣，很有特色，非常好吃👍🏻

朋友們相聚，選擇咗黎「湖南味館」，話好好味，咁我緊係要跟著黎試啦！鴛鴦魚頭 $248魚頭肉勁滑，這味餸有少少辣，好適合我呢啲唔太辣得既人，吃得津津有味呢！洞庭醬板鴨 $189風乾左嘅鴨，口感都ok，味道唔錯喎又。香酥火培魚 $109辣既魚仔乾，喜歡佢唔會好乾好硬。糯米排骨 $199排骨比較淡味，糯米幾好食。海味全家福 $219呢味菜適合所有人，老少咸宜，因為...唔辣😌咁味道都好好既☺️干煸四季豆 $89很香口，少少辣，啱我😋口味花菜 $89有啲肉一齊炒既，都係辣辣哋，好惹味。手撕包菜 $68辣既，爽口，食到呢種辣。酸辣土豆絲 $79微辣，味淡淡的。南瓜餅 $139(8件)上枱時熱架，食落好軟熟，有啲𡁻口，正。

第一次找到呢間湖南菜館，跟之前光顧過的完全唔同。因為家人非常喜歡食辣特别湖南菜，所以四處搜尋好食的餐館。所以今次决定寫下感受。因為本人主要喺銅鑼灣附近食飯，之前食開的湖南菜館跟呢度無得比，無論環境，干淨程度和味道正宗真係無得比。

來過依家食兩次， 先至知道原來廚師大有來頭，是湖南十大青年名廚，不用小觑怪不得普通小菜煮得巧手滋味無窮。典雅獨立房，大班人就不怕坐大廳有獨立感。湖南菜有辣同唔辣, 仲可以叫餐廳整小辣，就算唔食辣嘅朋友都有選擇。不過平心而論辣嘅菜就比較有特色。火宮殿臭豆腐，配料鋪滿豆腐，豆腐係黑色，真係第一次見，而且辣得來令人回味無窮。鐵板土豆片，呢個真係推介，普通嘅薯仔，洋蔥+蔥+小小辣，美道同平時食開嘅大大不同，薯仔仲切到好薄好薄，鐵板保持了薯仔嘅溫度，把食物嘅味延長。鴛鴦魚頭，用特別腌製的紅白剁椒， 把魚頭的嫩用辣來帶出另一個層次，魚頭新鮮嫩滑，選材一流。湖南燒賣原來入面係糯米，所以店員叫我地不用點飯，我仲以為係港式燒賣糖油粑粑，只係一個麵團，但做到甜而不留。食湖南菜,呢間係不二之選, 同朋友來吃, 個個讚好食